Əmlak Məsələləri Dövlət Komitəsinin sədri Kərəm Həsənovun İsmayıllı rayonunda keçirəcəyi vətəndaş qəbulunun tarixi dəyişdirilmişdir

Mərkəzi icra hakimiyyəti orqanları rəhbərlərinin şəhər və rayonlarda vətəndaşların qəbulu cədvəlinə uyğun olaraq Əmlak Məsələləri Dövlət Komitəsinin sədri Kərəm Həsənovun İsmayıllı rayonunda keçirəcəyi vətəndaş qəbulunun tarixi dəyişdirilərək 09 iyun 2018-ci il tarixinə keçirilmişdir. Vətəndaş qəbulu saat 11:00-da Heydər Əliyev Mərkəzində keçiriləcək. Qəbulda İsmayıllı, Qəbələ və Oğuz  rayonlarından olan vətəndaşların müraciətlərinə baxılacaqdır.

Qəbulda yuxarıda qeyd olunmuş rayonlardan olan vətəndaşlar iştirak edə bilər və yalnız komitənin fəaliyyət sahələrinə aid olan müraciətlərə baxılacaqdır.

Ardını oxu...

193 Çağrı Mərkəzi və onlayn xidmətlərdə əmlakla bağlı suallarınız dərhal cavablandırılsın

Daşınmaz əmlakla bağlı yaranan sualların, Əmlak Məsələləri Dövlət Komitəsinin  təqdim etdiyi elektron xidmətlər barədə daxil olan zənglərin və göndərilən sorğuların cavablandırılması məqsədilə 193 Çağrı Mərkəzi və onlayn sorğu xidmətləri fəaliyyət göstərir. Görülən işlərin keyfiyyətinin artırılması, daxil olan müraciətlər əsasında mövcud vətəndaş problemlərinin operativ şəkildə öyrənilərək aradan qaldırılması bu xidmətin əsas məqsədidir. Əhalinin sorğularının cavablandırılması prosesinin peşəkar mütəxəssislər tərəfindən aparılması, yüksək nəticəyə təkan verir. Komitə Çağrı Mərkəzi ilə yanaşı, müasir zamanda əhalinin çox hissəsinin istifadə etdiyi sosial şəbəkə səhifələrində də fəaliyyət göstərir. Facebook (https://www.facebook.com/emlakkomitesi/) və instagramdakı (https://www.instagram.com/emlakkomitesi/) səhifələri, həmçinin emdk.gov.az veb saytının onlayn müraciət və “Privatization.az” portalının onlayn məsləhət bölməsində əhalinin sual və təklifləri qəbul edilir.

Ardını oxu...

Torpaqların keyfiyyətini bizdən soruşun: mobil laboratoriyalar əkin sahələrində

Fermerlərin “Torpaqda nə əksəm sərfəli olar?” kimi suallar ətrafında çox düşünməsinə ehtiyac yoxdur. Bu işləri Əmlak Məsələləri Dövlət Komitəsinin stasionar və mobil torpaq və bitki laboratoriyaları həyata keçirir. Belə ki, mobil laboratoriyalar  torpaqların münbitlik və keyfiyyət  göstəricilərini əvvəlcədən müəyyənləşdirir. Eyni zamanda mobil laboratoriyalar vasitəsilə çöl-geobotanik tədqiqatı işləri aparılır. Xidmətin əsas üstünlüyü isə bir başa olaraq kəndlinin torpaqlarında, əkin biçin yerlərində göstərilməsidir. Həmçinin istənilən kəndlinin, fermerin bu laboratoriyaların xidmətindən yararlanmaq imkanı var.

Mobil laboratoriyalar mövsüm ilə əlaqədar vətəndaşlara daha yaxın olub. Əkin-biçin işlərinin sürətləndirilməsi ilə bağlı mobil laboratoriyalar fəaliyyətini genişləndirib, operativliyi artırıb.

Ardını oxu...

Uçot işləri yekunlaşmış rayonlara daha biri əlavə olundu: Balakən rayonunda bu layihənin praktiki tətbiqinə başlanıldı

Azərbaycanda uğurla reallaşan Torpaqların Elektron Kadastr Uçotu işlərinin nəticələrinin daha bir rayonda praktiki istifadəsi reallaşıb. Belə ki, Balakən rayonunda artıq torpaqların real vəziyyətini əks etdirən uçot sisteminin istifadəsinə start verildi. Qeyd edilməlidir ki, 6 rayonda bu işlərin nəticələrinin praktiki istifadəsinə başlanılıb. Görülən işlərin mahiyyətinin ictimaiyyətə çatdırılması istiqamətində də işlər aparılır. Bu işlərin davamı olaraq Əmlak Məsələləri Dövlət Komitəsi tərəfindən Balakən rayonunda İctimai təqdimat keçirilib. Tədbirdə iştirak edən komitənin tabeli qurumlarının, aidiyyəti mərkəzi icra hakimiyyəti orqanlarının, bələdiyyələrin, rayon İcra Hakimiyyətinin nümayəndələri bu layihənin üstünlüklərindən, gələcək nəticələrindən danışıblar. Bu regional foruma müəssisə, idarə, təşkilat və media nümayəndələri də maraq göstəriblər.

Ardını oxu...

 
 
 

Sorğu

Elektron çıxarış xidməti barədə məlumatlısınızmı?