Xəzər dənizinin mühafizə zolağındakı aparılan monitorinqlər nəticəsini verir

Əmlak Məsələləri Dövlət Komitəsi tərəfindən Xəzər dənizinin sahilboyu 20-50 metrlik mühafizə zolağına düşən torpaq sahələrinin istifadəsi ilə bağlı aparılan monitorinqlər artıq nəticəsini verir. Komitə tərəfindən məhkəmələrə göndərilən işlərdən 5-i haqqında qəbul edilən qərarın icrasına başlanılıb. Dövlətin müstəsna mülkiyyətində olan torpaq sahəsində inşa edilmiş tiklilər cavabdehlərin hesabına sökülərək, torpaq sahəsinin əvvəlki vəziyyətinə qaytarılması təmin ediləcək. Hazırda Cinayət Məcəlləsinin 188-ci maddəsinə əsasən 76  hal barəsində Daxili İşlər Nazirliyinə məktublar göndərilib, 78 halla bağlı isə İnzibati Xətalar Məcəlləsinə  müvafiq olaraq cərimə tətbiq olunub.

Ardını oxu...

İnvestorlar 9 oktyabr hərracında hansı dövlət əmlaklarını özəlləşdirə bilər

Dövlət əmlak idarəçiliyində müasir mexanizmlərin tətbiqi, innovativ imkanların istifadəsi özəlləşdirmə prosesində də geniş imkanlar yaradır. Əmlak Məsələləri Dövlət Komitəsinin təşkil etdiyi hərraclarda əlçatan mühit və investor rahatlığı təmin olunur. Hər kəs Elektron hərrac sisteminin təklif etdiyi üstünlüklərdən yararlanaraq müxtəlif kateqoriyalı əmlakların sahibinə çevrilə bilər. Özəlləşdirmə portalında mövcud siyahıdan seçim edən şəxs, elə oradan elektron sifariş verir. Təyin olunmuş vaxtda həm sifarişçilər, həm də prosesə maraq göstərən digər şəxslər onlayn və canlı formada hərracda iştirak edə bilər.

Ardını oxu...

Daşınmaz əmlakın səyyar qeydiyyat xidmətləri Pirəkəşkül-Qobustan qəsəbəsində

Əmlak Məsələləri Dövlət Komitəsinin səyyar formada daşınmaz əmlakın bütün növ qeydiyyat xidmətlərini göstərən “Əmlakını qeydiyyata al, mülkiyyətinə sahib ol” sosial aksiyası növbəti dəfə Abşeron rayonu, Pirəkəşkül-Qobustan qəsəbəsinin sakinləri üçün keçiriləcək. Təşkil olunacaq kampaniyanın mobil ofisləri Abşeron rayonu, Pirəkəşkül-Qobustan qəsəbəsi, Məmmədəmin Rəsulzadə küçəsi 1 (Qobustan İcra Nümayəndəliyinin yanında) ünvanında fəaliyyət göstərəcək. Qəsəbə sakinləri 10-14 sentyabr tarixlərində saat 09:00-dan 17:00-dək fərdi yaşayış evləri, bağ evləri, həyətyanı torpaq sahələri və digər daşınmaz əmlaklarla bağlı operativ qeydiyyat xidmətləri üçün müraciət edə bilərlər.

Ardını oxu...

Əmlakla bağlı Çağrı mərkəzinə hansı müraciətlər daxil olub

Əmlak Məsələləri Dövlət Komitəsi tərəfindən göstərilən bütün xidmətlərdə vətəndaş məmnunluğunu təmin etmək, əhali tərəfindən daxil olan müraciətləri operativ cavablandırmaq üçün 193 Vahid Çağrı mərkəzi fəaliyyət göstərir. Bu xidmət sayəsində istənilən vətəndaş komitənin fəaliyyət sferası ilə bağlı bütün suallara cavab tapmaqla yanaşı, hüquqi məsləhətlər də ala bilir. Dövlət əmlakının özəlləşdirilməsi, hərracların keçirilməsi, daşınmaz əmlakın qeydiyyatı, kadastr uçotu işləri və digər müraciətlərə mütəxəssislər  tərəfindən həssaslıqla yanaşılır.

Ardını oxu...

Zərdab rayonunda torpaqların dəqiq uçotu müəyyən edildi

Torpaq idarəçiliyində mühüm layihələrdən olan elektron kadastr uçot işlərinin nəticəsində  ölkədə torpaq fondunun idarə edilməsi elmi əsaslarla aparılır, torpaq balansı dəqiqləşir. Bundan başqa regionların hüdudları daxilində torpaqların sərhədləri müəyyənləşir, dövlət nəzarəti müasir dövrün prinsiplərinə uyğunlaşır. Eyni zamanda torpaqların münbitlik dərəcəsi öyrənilir, aqrar sahənin inkişafı ilə bağlı düzgün qərarlar qəbul edilir. Artıq bu işlər nəticəsində torpaqlardan təyinatı üzrə istifadənin vəziyyəti ilə bağlı məlumatlar daha rahat və dəqiq əldə edilir. Mülkiyyətçilərin sahib olduğu torpaqdan əlavə ərazini qanunsuz olaraq istifadə etmələri aradan qaldırılır. Bütün bunlar Əmlak Məsələləri Dövlət Komitəsi tərəfindən yaradılan Torpaqların Elektron Kadastr Uçotu İnformasiya Sistemi nəticəsində reallaşır.

Ardını oxu...

Sentyabrın ilk rəqabətli hərracı: 10 dövlət əmlakına 17 sifariş verildi

Əmlak Məsələləri Dövlət Komitəsi tərəfindən tətbiq olunan unikal və funksional Elektron hərrac sistemi ilə dövlət əmlaklarının özəlləşdirilməsi prosesi hər kəs üçün əlçatandır. Biznesə başlamaq və ya mövcud fəaliyyətini genişləndirmək istəyən investorlar və digər şəxslər bu hərraclarda iştirak edir. Aşağı qiymətli obyektlərin prosesə cəlb olunması vətəndaşlar üçün sərfəli yatırımı təmin edir. Özəlləşməyə çıxarılan əmlakların müxtəlifliyi isə ictimai marağı artırmaqla rəqabətli mühit yaradır. Vətəndaşlar sahib olmaq istədikləri əmlakları elektron formada sifariş verib, proses iştirakçısına çevrilir.

Ardını oxu...

“Kadastr kalkulyatoru” yaradılıb

Azərbaycanda daşınmaz əmlakın kadastrı ilə bağlı xidmətlər sahəsində daha bir elektron xidmət istifadəyə verilib. İndi ölkə vətəndaşları, fiziki və hüquqi şəxslər əmlakla bağlı kadastra dair dövlət rüsumu və xidmət haqqını onlayn qaydada hesablaya bilirlər. Belə ki, Əmlak Məsələləri Dövlət Komitəsi tərəfindən “Kadastr kalkulyatoru” yaradılıb. Bu elektron xidmət sayəsində “Kadastr planlarının və yerquruluşu xəritələrinin tərtibi”, eləcə də “Torpaqların inventarlaşdırılması və müayinə baxış aktlarının tərtibi” ilə bağlı tələb olunan xidmət haqqını və dövlət rüsumunu öyrənmək mümkündür. Bu isə öz növbəsində daşınmaz əmlakın kadastrı sahəsində göstərilən xidmətlərin daha da sadələşməsi deməkdir. Vətəndaşlar sənədləşdirmə üçün zəruri rüsum və xidmət haqqını öncədən öyrənməklə vaxtlarına qənaət Kadastredəcək. Xidmət bu sahədə şəffaflığın, çevikliyin artırılmasına, vətəndaş məmnunluğunun təmin edilməsinə imkan verir. Xidmət haqqının və dövlət rüsumunun əvvəlcədən dəqiq bilinməsi istifadəçilərin özləri üçün ən optimal variantı seçməsini və sənədləşdirməyə başlayıb-başlamamaqla bağlı istədiyi qərarı verməsini təmin edir. Bu yenilik vətəndaşa rahat və operativ qaydada kadastrla bağlı hüquqi əməliyyatları aparmaq üçün daha rasional imkanlar yaradır.

Ardını oxu...

Oktyabrın ilk hərracında özəlləşməyə hansı dövlət əmlakları çıxarıldı

Əmlak Məsələləri Dövlət Komitəsi tərəfindən dövlət əmlaklarının özəlləşdirilməsi prosesi sosial-iqtisadi inkişafa müsbət təsir göstərir. Özəlləşdirilən dövlət müəssisələrinin bərpa edilmiş fəaliyyəti və ya yenidən qurulması ölkədə istehsal potensialını artırır, yeni iş yerlərinin yaranmasını reallaşdırır. Sənaye, kənd təsərrüfatı, tikinti, nəqliyyat və digər sahələrdən olan dövlət əmlaklarının sadələşdirilmiş və şəffaf mühitdə keçən hərraclara çıxarılması daha çox investorun prosesə cəlb olunmasını mümkün edir. Dövlət əmlaklarının xüsusi mülkiyyətə çevrilməsi prosesi isə tam elektronlaşdırılıb. Belə ki, hərraca çıxarılmış dövlət müəssisələri, nəqliyyat vasitələri ilə Özəlləşdirmə portalında tanış olan şəxs seçdiyi dövlət əmlakını elə portal vasitəsilə sifariş verir. Hərrac günü təyin olunan vaxtda sifarişçilər internet şəbəkəsinin olduğu istənilən yerdən onlayn formada hərraca qoşularaq prosesdə iştirak edə bilir.

Ardını oxu...

“Əmlakını qeydiyyata al və mülkiyyətinə sahib ol” kampaniyası bu dəfə Aşağı Güzdək qəsəbəsinin sakinləri üçün keçirilir

Əmlak Məsələləri Dövlət Komitəsi tərəfindən keçirilən “Əmlakını qeydiyyata al və mülkiyyətinə sahib ol” kampaniyasının növbəti ünvanı Abşeron rayonunun Aşağı Güzdək qəsəbəsidir. Belə ki, sakinlər 03-07 sentyabr tarixlərində saat 09:00-dan 17:00-a qədər Aşağı Güzdək qəsəbəsinin Həzi Cavadov küçəsi, 1 (qəsəbə İcra Nümayəndəliyinin qarşısı) ünvanında fəaliyyət göstərən komitənin mobil ofislərinə yaxınlaşa bilərlər.

Vətəndaşlar tərəfindən müsbət qarşılanan kampaniyanın üstünlüyü onun effektiv təsir imkanlarını artırır. Belə ki, digər sosial layihələrdən fərqli olaraq bu kampaniya çərçivəsində ərazi sakinlərinin səyyar qaydada bütün növ daşınmaz əmlak üzrə qeydiyyat xidmətlərindən yararlanmaq imkanı var. Başqa sözlə Abşeron rayonunun Güzdək qəsəbəsinin əhalisi qeyd edilən tarixdə və vaxtda göstərilən ünvanlarda fəaliyyət göstərən mobil ofislərə müraciət edə bilərlər. 

Ardını oxu...

Dövlət müəssisələrinin və nizamnamə kapitalında dövlətin payı olan hüquqi şəxslərin elektron bazası yaradıldı

Əmlak Məsələləri Dövlət Komitəsinin elan etdiyi əsas hədəflərdən biri də dövlət əmlakının idarə edilməsi və onun qorunub saxlanılması sahəsində beynəlxalq standartlara əsaslanan korporativ idarəetmə prinsiplərinin tətbiqidir. Azərbaycan Respublikasının Prezidenti İlham Əliyevin “Dövlət əmlakının qorunub saxlanılması və səmərəli istifadə edilməsinin təkmilləşdirilməsi haqqında” imzaladığı 2007-ci il 6 iyun tarixli Fərmana əsasən Əmlak Məsələləri Dövlət Komitəsi dövlət əmlakının idarə edilməsində səmərəliliyin artırılması, dövlət əmlakının qorunub saxlanılması və istifadəsi üzərində dövlət nəzarətinin təkmilləşdirilməsi istiqamətində mütəmadi işlər həyata keçirir. Eyni zamanda dövlət əmlakının idarəedilməsində mütərəqqi metodların, informasiya texnologiyalarının, monitorinq üsullarının tətbiqini davam etdirir.

Ardını oxu...

Növbəti rəqabətli hərrac baş tutdu

Əmlak Məsələləri Dövlət Komitəsi tərəfindən müasir texniki imkanların tətbiqi dövlət əmlaklarının özəlləşdirməsi prosesini əlçatan formada reallaşdırır. Elektron hərrac sistemi ilə qeydiyyatdan keçmək, sifariş vermək və iştirak imkanları investorların bu sahəyə marağını artırır. Belə ki, hər kəs istənilən növ dövlət əmlakını elektron mühitdə özəlləşdirməklə biznes fəaliyyətinə başlaya bilər. Hərraclarda operativ və optimal üsullardan istifadə isə vətəndaş məmnunluğunun təminatına yönəlib.

Komitə tərəfindən növbəti hərrac 28 avqust tarixində keçirilib. Hərracda özəlləşdirilən əmlaklar kiçik dövlət müəssisəsi, qeyri-yaşayış sahələri və nəqliyyat vasitələri olub.

Ardını oxu...

Torpaqların Elektron Kadastr Uçotu işlərinin nəticələri Oğuz rayonunda istifadəyə verildi

Ölkə ərazisində sürətli formada həyata keçirilən Torpaqların Elektron Kadastr Uçotu işlərinin nəticələri Oğuz rayonunda praktiki istifadəyə verildi. Bu məqsədlə Əmlak Məsələləri Dövlət Komitəsi “Oğuz rayonunun inzibati sərhədləri daxilində aparılmış torpaqların elektron kadastr uçotu işinin nəticələri və təhlili” mövzusunda İctimai təqdimat keçirib. Hazırda 9 rayonda bu layihənin praktiki istifadəsi reallaşıb.

Tədbirdə komitənin tabeli qurumlarının, aidiyyəti mərkəzi icra hakimiyyəti orqanlarının, bələdiyyələrin, rayon İcra Hakimiyyətinin nümayəndələri iştirak edib. Müəssisə, idarə, təşkilat və media nümayəndələrinin də maraq göstərdiyi ictimai təqdimatda bu layihənin nəticələri, üstünlükləri və gələcək perspektivləri müzakirə olunub.

Ardını oxu...

Dövlət əmlaklarına sahib olmaq üçün hərracda iştirak et

Dövlət əmlaklarına vaxt itirmədən, təyin olunan məkana getmədən də sahib olmaq mümkündür. Bunu Əmlak Məsələləri Dövlət Komitəsi tərəfindən özəlləşdirmədə tətbiq olunan Elektron hərrac sistemi mümkün edir. Əlçatan səviyyədə mövcud sifariş və iştirak imkanları investorların rahatlığını təmin etməklə yanaşı, özəlləşdirmə prosesini sürətləndirir. Vətəndaşlar hər həftə reallaşan hərraclarda iştirak edərək şəffaf mühitdə əmlak sahibinə çevrilirlər.

Əmlak Məsələləri Dövlət Komitəsinin təşkil etdiyi belə hərraclardan biri də 25 sentyabr tarixində reallaşacaq. Bu dəfə hərraca ümumilikdə 118 dövlət əmlakı çıxarılıb. Onlardan 83-ü kiçik dövlət müəssisə və  obyekti, 28-i qeyri-yaşayış sahəsi, 7-si isə nəqliyyat vasitəsidir.

Ardını oxu...

Əmlak Məsələləri Dövlət Komitəsinin sədri Ağsuda vətəndaşların müraciətlərini dinləyib

Azərbaycan Respublikasının Prezidenti cənab İlham Əliyevin tapşırıqlarına və bölgələrdə vətəndaşların qəbulu cədvəlinə uyğun olaraq Əmlak Məsələləri Dövlət Komitəsinin sədri Kərəm Həsənov 25 avqust tarixində Ağsu şəhərində vətəndaş qəbulu keçirib. Şəhərin Uşaq Gənclər İnkişaf Mərkəzində keçirilən qəbulda Ağsu ilə yanaşı Şamaxı və Qobustan rayonlarından olan vətəndaşların da fərdi qaydada müraciətlərinə baxılıb. Komitənin müvafiq struktur bölmə rəhbərlərinin də iştirak etdiyi qəbulda səslənən müraciətlər əsasən daşınmaz əmlakın qeydiyyatı, o cümlədən fərdi həyət evi, bələdiyyələr tərəfindən müxtəlif məqsədlərlə ayrılmış torpaqlar, vaxtilə verilmiş pay torpaqlarının sənədləri ilə faktiki vəziyyəti arasında uyğunsuzluqlarının aradan qaldırılması ilə əlaqədar olub. Eyni zamanda torpaqların təyinatına uyğun istifadəsi, kateqoriyasının dəyişdirilməsi prosedurları, dövlət əmlakının özəlləşdirilməsi  ilə bağlı müraciətlər də ünvanlanıb.

Ardını oxu...

“Əmlakını qeydiyyata al və mülkiyyətinə sahib ol” kampaniyasının növbəti ünvanı Abşeron rayonu, Hökməli qəsəbəsi olacaq

Əmlak Məsələləri Dövlət Komitəsinin vətəndaşları əlçatan xidmətlə təmin edən  “Əmlakını qeydiyyata al və mülkiyyətinə sahib ol” adlı kampaniyasının növbəti ünvanı Abşeron rayonu, Hökməli qəsəbəsi olacaq. Belə ki, sakinlər daşınmaz əmlakın bütün növ qeydiyyat xidmətləri ilə bağlı 27-31 avqust tarixlərində saat 09:00-dan 17:00-a qədər Abşeron rayonu Hökməli qəsəbəsi, Babək küçəsi 23 ünvanında (icra nümayəndəliyinin qarşısı) fəaliyyət göstərən komitənin mobil ofislərinə yaxınlaşa bilərlər.

Ardını oxu...

Əmlak Məsələləri Dövlət Komitəsi tərəfindən torpaqlardan düzgün istifadə ilə bağlı monitorinqlər keçirilir

Azərbaycan Respublikasının Prezidenti cənab İlham Əliyevin müvafiq tapşırıqlarına əsasən Əmlak Məsələləri Dövlət Komitəsi tərəfindən torpaqlardan düzgün istifadə, qanunsuz tikintilərin qarşısının alınması ilə bağlı tədbirlər həyata keçirilir. Belə ki, son dövrlər komitə tərəfindən mütəmadi olaraq kommunikasiya xətləri və mühafizə zonalarında yerləşən torpaqlardan düzgün istifadə ilə bağlı monitorinqlər aparılır. Keçirilən monitorinqlər zamanı bir sıra hallarda yüksək gərginlikli elektrik xətlərinin mühafizə zolaqlarında yerləşən torpaqların qanuna zidd istifadəsi, icazəsiz tikinti işlərinin aparılması faktlarına rast gəlinir. Qeyri-qanuni istifadə halları müəyyən edilir, torpaqlardan əsassız istifadənin qarşısı dərhal alınır.

Ardını oxu...

Hərrac iştirakçıları hansı dövlət əmlaklarına sahib oldular

Əmlak Məsələləri Dövlət Komitəsi tərəfindən tətbiq olunan Elektron hərrac sistemi vasitəsilə hər kəs evdən, ofisdən, internetin olduğu bütün məkanlardan özəlləşmə prosesinə qoşula bilir. Məkan və zaman məfhumu olmadan  reallaşan hərraclarda elektron sifarişlərin verilməsi, prosesdə onlayn iştirak vətəndaş məmnunluğunu təmin edir. Hərraclarda yaradılan belə şərait nəticəsində investorlar əlçatan və rahat mühitdə seçdikləri əmlaklara sahib olurlar. Özəlləşdirilən müəssisələrin fəaliyyətinin bərpası və ya yenidən qurulması isə özəl sektorun inkişafına, ölkədə yeni iş yerlərinin yaranmasına şərait yaradır.

Ardını oxu...

Əmlak Məsələləri Dövlət Komitəsinin sədri Kərəm Həsənovun Ağsu rayonunda keçirəcəyi vətəndaş qəbulunun tarixi dəyişdirilmişdir

Mərkəzi icra hakimiyyəti orqanları rəhbərlərinin şəhər və rayonlarda vətəndaşların qəbulu cədvəlinə uyğun olaraq Əmlak Məsələləri Dövlət Komitəsinin sədri Kərəm Həsənovun Ağsu rayonunda keçirəcəyi vətəndaş qəbulunun tarixi dəyişdirilərək 25 avqust 2018-ci il tarixinə keçirilmişdir. Vətəndaş qəbulu saat 10:00-da Ağsu şəhərində yerləşən Uşaq Gənclər İnkişaf Mərkəzində keçiriləcək. Qəbulda Ağsu rayonu ilə yanaşı Şamaxı və Qobustan rayonlarından olan vətəndaşların müraciətlərinə baxılacaq.

Ardını oxu...

Biznes obyektinə hərracda sahib ol: Özəlləşməyə 172 dövlət əmlakı çıxarıldı

Əmlak Məsələləri Dövlət Komitəsi tərəfindən keçirilən hərraclarda özəlləşdirilən dövlət əmlaklarının fəaliyyəti ölkədə sahibkarlığın inkişafına müsbət təsir göstərir. Hərraca çıxarılan müəssisə və obyektlərin müxtəlifliyi investorlara  biznes planlarına uyğun obyekti seçmək imkanı yaradır. Elektron mühitə keçən prosedurlar isə hərracı daha da sadələşdirib. Belə ki, hər bir vətəndaş seçdiyi əmlaka elektron sifariş vermək, hərracın keçirildiyi məkana getmədən onlayn formada prosesdə iştirak etmək kimi üstünlüklərdən istifadə edə bilir.

Müasir texnologiyanın tətbiqi ilə növbəti hərrac 18 sentyabr tarixində baş tutacaq. Budəfəki hərraca ümumilikdə 172 dövlət əmlakı çıxarılıb. Onlardan 23-ü səhmdar cəmiyyəti, 88-i kiçik dövlət müəssisə və obyekti, 52-si qeyri-yaşayış sahəsi, 9-u isə nəqliyyat vasitəsidir.

Ardını oxu...

“Əmlakını qeydiyyata al və mülkiyyətinə sahib ol” kampaniyasının növbəti ünvanı Abşeron rayonu, Güzdək qəsəbəsi olacaq

Əmlak Məsələləri Dövlət Komitəsinin vətəndaşları operativ xidmətlə təmin edən  “Əmlakını qeydiyyata al və mülkiyyətinə sahib ol” adlı kampaniyasının növbəti ünvanı Abşeron rayonu, Güzdək qəsəbəsi olacaq. Belə ki, sakinlər daşınmaz əmlakın bütün növ qeydiyyat xidmətləri ilə bağlı 20-24 avqust tarixlərində (bayram günləri istisna olmaqla) saat 09:00-dan 17:00-a qədər Abşeron rayonu, Güzdək qəsəbəsi, Elman Heydərov küçəsi (icra nümayəndəliyinin yanı) ünvanında fəaliyyət göstərən komitənin mobil ofislərinə yaxınlaşa bilərlər.

Ardını oxu...

Əmlak Məsələləri Dövlət Komitəsinin sədri Kərəm Həsənov Ağsu rayonunda vətəndaşları qəbul edəcək

Azərbaycan Respublikası Prezidentinin tapşırıqlarına uyğun olaraq, Əmlak Məsələləri Dövlət Komitəsinin sədri Kərəm Həsənov 24 avqust 2018-ci il tarixində Ağsu rayonunda vətəndaş qəbulu keçirəcək. Qəbulda Ağsu rayonu ilə yanaşı Şamaxı və Qobustan rayonlarından olan vətəndaşların müraciətlərinə baxılacaq. Vətəndaş qəbulu saat 10:00-da Ağsu şəhərində yerləşən Uşaq Yaradıcılıq Mərkəzində keçiriləcək.

Qəbul zamanı komitənin fəaliyyət istiqaməti üzrə, o cümlədən daşınmaz əmlakın qeydiyyatı, dövlət əmlakının özəlləşdirilməsi, hərraclarda iştirak, dövlət əmlakının icarəyə götürülməsi, torpaqların texniki parametrlərinin və koordinatlarının müəyyənləşdirilməsi, ünvan məsələləri, torpaqlardan istifadə qaydaları ilə bağlı qeyd edilən bölgələrin əhalisinin müraciətlərinə baxılacaqdır.

Ardını oxu...

 
 
 

Sorğu

"Kadastr kalkulyatoru" xidmətindən istifadə etmisinizmi?