Cəbhə bölgəsi olan Füzuli sakinlərinə şad xəbər – daşınmaz əmlakın qeydiyyat xidmətləri sizə daha yaxın oldu

Daşınmaz əmlakla bağlı qeydiyyat xidmətləri cəbhə bölgəsinə daha yaxın oldu. Artıq Füzuli rayon sakinlərinin qeydiyyatla əlaqədar digər bölgələrə getməsinə ehtiyac qalmadı. Belə ki, 5 oktyabr tarixində Horadiz şəhərində Əmlak Məsələləri Dövlət Komitəsinin qeydiyyat xidmətlərini göstərən yeni inşa edilmiş ərazi ofisi istifadəyə verildi. Bu imkanın yaradılması cəbhə bölgəsindəki sakinlərin daha rahat şəkildə qeydiyyat xidmətlərindən faydalanmasına və bu sahədə əlçatanlığın təmin olunmasına yönəlib. Qeydiyyatla bağlı bu xidmət məkanı Füzuli rayonunun işğaldan azad olunmuş 1 şəhər, 12 qəsəbə, 20 kəndini əhatə edəcək. Belə ki, burada yaşayan 50 mindən artıq sakinə daşınmaz əmlakın qeydiyyatı ilə bağlı xidmətlər göstəriləcək. Bununla da həmin ərazidə yaşayan sakinlər uzaq məsafə qət etmədən operativ şəkildə əmlaka dair çıxarış və texniki sənədlərini ala biləcəklər, digər xidmətlərdən yararlanacaqlar. 

Ardını oxu...

Şabranda yekunlaşan torpaqların elektron kadastr uçotu işləri ilə nələr əldə olunacaq?

Ölkədə Torpaqların Elektron Kadastr Uçotu İnformasiya Sisteminin nəticələrinin praktiki istifadəsi bütün rayonları sürətlə əhatə etməkdədir. Artıq Şabran rayonunda da torpaqların elektron kadastr uçotunun nəticələrinin real iş rejimində istifadəsinə start verilib.   Bu məqsədlə Əmlak Məsələləri Dövlət Komitəsi tərəfindən Şabranda İctimai təqdimat keçirilib. Təqdimat aidiyyəti mərkəzi icra hakimiyyəti orqanlarının, rayon İcra Hakimiyyətinin nümayəndələrinin, eləcədə bələdiyyələr, müəssisə, idarə, təşkilat və media nümayəndələrinin marağına səbəb olub.

Ardını oxu...

Oktyabrın ilk hərracında özəlləşdirilən dövlət əmlakları

Əmlak Məsələləri Dövlət Komitəsi tərəfindən 2 oktyabr tarixində şəffaf və müasir mühitdə növbəti hərrac keçirilib. Prosesə çıxarılan əmlakların cəlbediciliyi və geniş seçim imkanı sifarişçilər arasında rəqabət yaradıb. Ayın ilk hərracında 15 dövlət əmlakı üzrə 22 sifariş verilmişdir. Bu dəfə hərracda çayın ilkin emalı və satışı sahəsi üzrə fəaliyyət göstərən Astara Çay-3  Açıq Səhmdar Cəmiyyətinin səhm paketi özəlləşdirildi. Astara rayonu,  Pensər kəndində yerləşən səhmdar cəmiyyətinin 30%-lik səhm paketinin satış qiyməti 86 min 217 manat müəyyən olundu.

Ardını oxu...

Əmlak idarəçiliyindəki yenilikləri vətəndaş cəmiyyəti institutları müzakirə edib

Açıq Hökumətin Təşviqinə Dair Hökumət Vətəndaş Cəmiyyəti Dialoqu Platforması çərçivəsində 2 oktyabr tarixində “Daşınmaz əmlakın qeydiyyatında şəffaflıq, əlçatanlıq və innovasiyalar” mövzusunda ictimai dialoq keçirilib. Vətəndaş cəmiyyəti institutlarının təşkil etdiyi tədbirdə Əmlak Məsələləri Dövlət Komitəsinin daşınmaz əmlakın qeydiyyatı sahəsində həyata keçirdiyi yeniliklər diqqət mərkəzində olub. İctimai dialoqda 30-dan çox ictimai birliklərin nümayəndələri, aidiyyəti dövlət qurumlarının nümayəndələri, xarici və beynəlxalq təşkilatların üzvləri, o cümlədən GİZ-in, Asiya İnkişaf Bankının, Azərbaycanda Amerika Ticarət Palatasının nümayəndələri, ekspertlər iştirak ediblər.

Ardını oxu...

Məsafəsiz hərraclarda əmlak sahibi olmaq imkanı: özəlləşməyə 130 dövlət əmlakı çıxarıldı

Əmlak Məsələləri Dövlət Komitəsinin keçirdiyi hərraclar dövlət əmlaklarının özəlləşdirilməsi prosesini məsafəsiz reallaşdırır. Belə ki, Elektron hərrac sistemi investorlara əlavə vaxt qazandırmaqla operativ xidməti təklif  edir. Özəlləşdirmə portalında mövcud imkanlarla elektron formada seçim və sifariş etmək mümkündür. Bu elektron mənbə hərrac keçirilən vaxt sifarişçilərin və ziyarətçilərin onlayn iştirakına da şərait yaradır. Müasir hərraclarda əlçatan üstünlüklər investorların özəlləşdirmədə iştirakı və biznes planlarını reallaşdırması üçün rahat şəraiti təmin edir.

Ardını oxu...

“Əmlakını qeydiyyata al və mülkiyyətinə sahib ol” kampaniyasının növbəti ünvanı Novxanı kəndidir

Əmlak Məsələləri Dövlət Komitəsi tərəfindən  “Əmlakını qeydiyyata al, mülkiyyətinə sahib ol” adlı sosial aksiya bu həftə Abşeron rayonu,  Novxanı kəndində keçiriləcək. Vətəndaşların rahatlığını təmin edərək bütün növ daşınmaz əmlakın qeydiyyat xidmətləri səyyar formada təqdim ediləcək. Sakinlər 01-05 oktyabr tarixlərində, saat 09:00-dan 17:00-dək Novxanı kəndi, Şıxəli Qurbanov küçəsi 1 (Novxanı İcra Nümayəndəliyinin qarşısında) ünvanındakı mobil ofislərə yaxınlaşa bilər.

Ardını oxu...

Əmlak Məsələləri Dövlət Komitəsinin sədri Lənkəranda vətəndaşların müraciətlərini dinləyib

Azərbaycan Respublikasının Prezidenti cənab İlham Əliyevin tapşırıqlarına və bölgələrdə vətəndaşların qəbulu cədvəlinə uyğun olaraq Əmlak Məsələləri Dövlət Komitəsinin sədri Kərəm Həsənov 28 sentyabr tarixində Lənkəran şəhərində vətəndaş qəbulu keçirib. Şəhərin Heydər Əliyev Mərkəzində keçirilən qəbulda Lənkəranla yanaşı Astara, Lerik rayonlarından olan vətəndaşların da fərdi qaydada müraciətlərinə baxılıb.

Ardını oxu...

Növbəti hərracda yüksək rəqabət: 10 dövlət əmlakına 22 sifariş verildi

Əmlak Məsələləri Dövlət Komitəsi tərəfindən keçirilən hərraclarda elektron formada sifarişlərin verilməsi, hərrac keçirilən yerə getmədən virtual iştirak imkanları məkan və zaman anlayışlarını aradan qaldırıb. Sürətli və əlçatan prosedurlar, dövlət əmlaklarının müxtəlifliyi sifarişçi sayını artırır, prosesdə rəqabəti təmin edir. Özəlləşdirmədə elektron sistemin tətbiqi ilə 25 sentyabr tarixində növbəti hərrac reallaşdı. Müasir hərracın üstünlükləri şəffaf və operativ prosesdə rəqabətli mühit yaratdı. Belə ki, ayın son hərracında 10 dövlət əmlakı üzrə 22 sifariş qəbul edilmişdir. İştirakçılardan 7-si seçdiyi dövlət əmlakına elə olduğu məkandan onlayn formada sifariş vermişdir.

Ardını oxu...

Komitə 23 oktyabrda növbəti hərrac keçirəcək: 170 dövlət əmlakı üzrə seçim imkanı

Özəlləşdirmə hərraclarının keçirilməsi hər kəsin seçdiyi dövlət əmlakına rahatlıqla sahib olmasına şərait yaradır. Əmlak Məsələləri Dövlət Komitəsinin təmin etdiyi elektron hərraclar isə prosesi daha da sadələşdirir. Komitə tərəfindən 23 oktyabrda dövlət əmlaklarının özəlləşdirilməsi ilə bağlı növbəti hərrac baş tutacaq. Hərraca ümumilikdə 170 dövlət əmlakı çıxarılıb. Onlardan 91-i kiçik dövlət müəssisə və obyekti, 47-si qeyri-yaşayış sahəsi, 23-ü səhmdar cəmiyyəti, 9-u nəqliyyat vasitəsidir.

Ardını oxu...

Əmlak Məsələləri Dövlət Komitəsinin sədri Kərəm Həsənov Lənkəran şəhərində vətəndaş qəbulu keçirəcək

Azərbaycan Respublikası Prezidentinin tapşırıqlarına uyğun olaraq, Əmlak Məsələləri Dövlət Komitəsinin sədri Kərəm Həsənov 28 sentyabr 2018-ci il tarixində Lənkəran şəhərində vətəndaş qəbulu keçirəcək. Qəbul saat 10:00-da Heydər Əliyev Mərkəzində  keçiriləcək. Qəbulda Lənkəran rayonu ilə yanaşı Astara, Lerik rayonlarından olan vətəndaşların müraciətlərinə baxılacaq.

Ardını oxu...

Gürcüstanın nümayəndə heyəti özəlləşmə ilə bağlı Azərbaycanda təlim səfərində olub

Gürcüstanın Dövlət Əmlakı üzrə Milli Agentliyinin 6 nəfərlik nümayəndə heyəti 21 sentyabr tarixində Azərbaycana təlim səfərinə gəlib. Təlimin məqsədi dövlət əmlakının idarə edilməsi və özəlləşdirməsi, eləcə də əmlak idarəçiliyi sahəsində Azərbaycan təcrübəsinin gürcü mütəxəssislərə təqdim edilməsidir. Qonaqlar üçün Əmlak Məsələləri Dövlət Komitəsinin İnformasiya Texnologiyaları Mərkəzində təlim-seminar keçirilib. Tədbir çərçivəsində özəlləşmə sahəsində müxtəlif təqdimat və çıxışlar olub.

Ardını oxu...

Evdən çıxmadan çıxarış-daha bir hündürmərtəbəli bina sakinləri bu fürsətdən yararlandı

Bakıda daha bir hündürmərtəbəli bina “Kütləvi çıxarış” kampaniyasının ünvanı oldu. İctimai xidməti birbaşa vətəndaş ünvanına aparan bu kampaniya 21 sentyabrda Bakı şəhəri, Yasamal rayonu, D.Bünyadzadə küçəsi 4 ünvanında yerləşən binada keçirildi. Əmlak Məsələləri Dövlət Komitəsinin mobil ofisləri vasitəsilə göstərilən xidmətlər sakinlərin yüksək marağına səbəb oldu. Mənzil sahibləri evlərini tərk etmədən çıxarış əldə etdilər. Belə ki, 2 bloklu, 57 mənzilli binanın həyətində reallaşan layihədə 30 vətəndaşa çıxarışlar təqdim olundu. Bununla da daşınmaz əmlaka dair çıxarış almaq üçün məkanı dəyişməyə, zamanı planlaşdırmağa ehtiyac qalmadı.

Ardını oxu...

Torpağın təyinatına zidd istifadə ilə bağlı hər biri 1000 manat olmaqla 2 nəfər cərimələnib

Əmlak Məsələləri Dövlət Komitəsi torpaq sahələrinin təyinatı üzrə istifadəsi, münbit qatının korlanmasının qarşısının alınması ilə bağlı monitorinqlərini davam etdirir. Aparılan reyd nəticəsində 2 şəxs cərimələnib. 

Məlum olub ki, Xaçmaz rayon sakini Tərxan Laçınov qanunsuz olaraq pay torpağının təyinatını dəyişib. Bununla da kənd təsərrüfatı təyinatlı torpağın münbit qatı korlanıb. Eyni zamanda həmin ərazidə qeyri qanuni tikinti işlərinin aparılması faktı müəyyən edilib. Bununla bağlı həmin şəxs barəsində İnzibati Xətalar Məcəlləsinin 244.2-ci maddəsinə əsasən protokol  yazılıb və 1000 manat cərimə olunub.

Ardını oxu...

Hərrac iştirakçılarının sahib olduqları dövlət əmlakları: siyahı

Əmlak Məsələləri Dövlət Komitəsi tərəfindən elektron sifariş və onlayn iştirak imkanlarından istifadə ilə 18 sentyabr tarixində növbəti hərrac baş tutdu. Bu dəfə iştirakçılar tərəfindən özəlləşdirilən qeyri-yaşayış sahələri Bakı və Sumqayıt şəhərlərində yerləşir. Bakı şəhəri, Nizami rayonu, B.Nuriyev küçəsindəki obyektin ümumi faydalı sahəsi 242 kv.m-dir. Torpaq sahəsi ilə birgə ilkin qiymət təyin olunan bu əmlaka iştirakçı tərəfindən 107 min 500 manat təklif olundu. Daha bir ofis və xidmət obyekti kimi istifadəyə imkan verəcək qeyri-yaşayış sahəsi Sumqayıt şəhəri, 15-ci məhəllə, bina 46/9 ünvanında yerləşir. Qeyd edək ki, bu əmlakın ümumi faydalı sahəsi 376 kv.m, satış qiyməti isə 100 min manatdır.

Ardını oxu...

Bu rayonda torpaqların dəqiq balansı və keyfiyyəti bilindi

Əmlak idarəçiliyində unikal layihə olan Torpaqların Elektron Kadastr Uçotu işlərinin nəticələrindən daha bir rayon faydalanır. Artıq Cəlilabad rayonu üzrə əldə edilən məlumatlar real şəraitdə istifadə ediləcək. Bu məqsədlə Əmlak Məsələləri Dövlət Komitəsi tərəfindən 17 sentyabr tarixində Cəlilabad rayonunda görülən işlərin nəticələri, sistemin istifadə qaydaları ilə bağlı Regional Forum keçirilib. Tədbirdə komitənin tabeli qurumlarının, aidiyyəti mərkəzi icra hakimiyyəti orqanlarının, bələdiyyələrin, rayon İcra Hakimiyyətinin nümayəndələri iştirak edib. Müəssisə, idarə, təşkilat və media nümayəndələrinin də maraq göstərdiyi ictimai təqdimatda bu layihənin nəticələri, üstünlükləri və gələcək perspektivləri müzakirə olunub. Uçot işlərinin real şəraitdə tətbiqi mexanizmi onlara əyani şəkildə göstərilib, layihənin rayonda torpaqların səmərəli idarəsi və istifadəsinə göstərəcəyi müsbət təsirlər izah edilib.

Ardını oxu...

Müxtəlif iqtisadi sahələrə aid dövlət əmlakları hərraca çıxarıldı

Əmlak Məsələləri Dövlət Komitəsi tərəfindən təşkil olunan hərraclarda özəlləşdirilən dövlət əmlakları fiziki və hüquqi şəxsləri əmlak sahibi etməklə yanaşı, özəl sektorda yeni biznes imkanları yaradır. Elektron hərraclar isə prosesi sürətləndirməklə bərabər, rahatlığı təmin edir. Dövlət əmlaklarına elektron sifarişlərin verilməsi, onlayn qatılmaq kimi üstünlüklər iştirakçı aktivliyini artırır. Hər həftə keçirilən hərraclara müxtəlif sahələrə aid yüksək iqtisadi potensiallı dövlət əmlakları çıxarılır. Biznes fəaliyyətinə başlamaq istəyən şəxslərin hərracda geniş seçim imkanı və iştirakı uğurlu nəticəni onlar üçün əlçatan edir.

Ardını oxu...

“Əmlakını qeydiyyata al və mülkiyyətinə sahib ol” sosial aksiyasının növbəti ünvanı Fatmayı kəndi olacaq

Əmlak Məsələləri Dövlət Komitəsi daşınmaz əmlakın bütün növ qeydiyyat xidmətlərini hər həftə səyyar şəkildə müxtəlif kənd və qəsəbə sakinlərinə təqdim edir. Əlçatanlığı təmin edən “Əmlakını qeydiyyata al və mülkiyyətinə sahib ol” sosial kampaniyası bu dəfə Abşeron rayonu, Fatmayi kəndində keçiriləcək. Sakinlər daşınmaz əmlakın qeydiyyatı ilə bağlı bütün xidmətlərdən yaralanmaq üçün Fatmayı kəndi, Qara Qarayev küçəsi 183 (Fatmayi İcra Nümayəndəliyinin yanında) ünvanındakı mobil ofislərə müraciət edə bilər. Aksiya çərçivəsində hər kəs 17-21 sentyabr tarixlərində saat 09:00-dan 17:00-dək yaşayış evləri, bağ evləri, həyətyanı torpaq sahələri və digər daşınmaz əmlaklarla bağlı xidmətlərdən faydalanacaq.

Ardını oxu...

İcarə haqqını internetlə ödəmək mümkün oldu - ölkədə ilk dəfə

Dövlət əmlakının istifadəsi ilə bağlı icarə haqqını ödəmək məqsədilə banklara getməyə ehtiyac yoxdur. Bunun üçün internetə çıxışın olması kifayətdir. Belə ki, fiziki və hüquqi şəxslər plastik kart vasitəsilə icarə borcunu onlayn qaydada ödəyə bilər. Söhbət Əmlak Məsələləri Dövlət Komitəsi tərəfindən yaradılan “Dövlət əmlakının icarəyə verilməsi müqavilələri üzrə icarə haqqı borcunun ödənilməsi” elektron xidmətindən gedir. Əlavə ödəniş tələb etməyən sistem vətəndaşlara vaxt qazandırmaqla bərabər, ən müasir və çevik ödəmələrin aparılmasına şərait yaradır. Eləcə də ödəniş prosesində şəffaflıq və səmərəliliyi təmin edir.

Ardını oxu...

Əmlak Məsələləri Dövlət Komitəsi və Kənd Təsərrüfatı Nazirliyi birgə əməkdaşlığa start verdi

Azərbaycan Respublikasının Prezidenti cənab İlham Əliyevin rəhbərliyi ilə ölkədə aqrar sektorun inkişaf etdirilməsi sahəsində torpaq ehtiyatlarından daha səmərəli və rasional istifadə, torpaqların keyfiyyət göstəricilərinin düzgün müəyyənləşdirilmə əsas prioritetlərdən biridir. Ölkə başçısının müvafiq Fərmanı ilə Torpaqların Elektron Kadastr Uçotu İnformasiya Sisteminin yaradılması da kənd təsərrüfatının inkişafında mühüm rol oynayır.

Bu məqsədlə 12 sentyabr tarixində Əmlak Məsələləri Dövlət Komitəsi və Kənd Təsərrüfatı Nazirliyi arasında Anlaşma Memorandumunun imzalanması ilə bağlı tədbir keçirilib. Memorandumun əsas hədəfi kənd təsərrüfatının inkişafı məqsədləri üçün Torpaqların Elektron Kadastr Uçot İnformasiya Sisteminin məlumatlarından qarşılıqlı yararlanmaq, bu sahədə təcrübə mübadiləsi, o cümlədən fəaliyyət istiqamətləri üzrə strateji planlaşdırma, birgə layihə və innovasiyaların tətbiqini əhatə edir. 

Ardını oxu...

11 sentyabr hərracında özəlləşdirilən dövlət əmlakları

Əmlak Məsələləri Dövlət Komitəsi tərəfindən keçirilən özəlləşmə hərraclarına müxtəlif kateqoriyalardan olan dövlət əmlaklarının çıxarılması prosesi vətəndaşlar üçün daha maraqlı edir. Hər kəs dövlət əmlakları üzrə seçim edərək biznes planına uğun obyektə sahib ola bilər. Özəlləşdirmə hərraclarında mövcud prosedurlar əlçatan mühiti təmin edərək, vətəndaşların vaxt itkisini aradan qaldırır. Bu üstünlüklər hərracda olan aktivliyi daha da artırır. Ümumilikdə cari il ərzində reallaşan 150-dən çox hərracın 50-yə yaxını rəqabətli keçib.

Ardını oxu...

Kütləvi İnformasiya Vasitələrinin nəzərinə!

Əmlak Məsələləri Dövlət Komitəsi ilə Kənd Təsərüfatı Nazirliyi arasında əməkdaşlıq istiqamətləri, iki tərəfli əlaqələrin perspektivlərinin müəyyən edilməsi ilə bağlı 12 sentyabr tarixində, saat 11:30-da tədbir keçiriləcəkdir. Əmlak Məsələləri Dövlət Komitəsinin sədri Kərəm Həsənov və Kənd Təsərrüfatı Naziri İnam Kərimov iki qurum arasında birgə əməkdaşlığa dair Memorandum imzalayacaqlar.

Tədbir Əmlak Məsələləri Dövlət Komitəsinin İnformasiya Texnologiyaları və Məlumat İdarəetmə Mərkəzində (Heydər Əliyev prospekti, 139 A) keçiriləcək.

Ardını oxu...

 
 
 

Sorğu

"Kadastr kalkulyatoru" xidmətindən istifadə etmisinizmi?