Əmlak Məsələləri Dövlət Komitəsi daşınmaz əmlak idarəçiliyi ilə bağlı beynəlxalq tədbirə ev sahibliyi edəcək

Əmlak Məsələləri Dövlət Komitəsi tərəfindən BMT Avropa İqtisadi Komissiyası (AİK) və Dünya Bankı ilə birgə əməkdaşlıq çərçivəsində 28 noyabr 2014-cü il tarixində Bakı şəhərində “BMT-nin AİK regionunda daşınmaz əmlak idarəçiliyi sistemlərinin müqayisəsi və Daşınmaz Əmlak İdarəçiliyinin Qiymətləndirilməsi Proqramının icra vəziyyəti” mövzusunda beynəlxalq tədbir keçiriləcəkdir.

Komitənin fəaliyyətində BMT-nin Avropa İqtisadi Komissiyası (AİK) və digər əlaqədar təşkilatları, Dünya Bankı, inkişaf etmiş ölkələrin müvafiq qurumları ilə əməkdaşlıq əlaqələri önəmli yer tutur.

Ardını oxu...

Əmlak Məsələləri Dövlət Komitəsinin sədri Kərəm Həsənov Abşeronda vətəndaşları qəbul edib

Məlum olduğu kimi, Azərbaycan Respublikası Prezidentinin tapşırığına əsasən mərkəzi icra hakimiyyəti orqanlarının rəhbərləri tərəfindən respublikanın müxtəlif bölgələrində vətəndaş qəbullarının keçirilməsi davam etdirilir.

Əmlak Məsələləri Dövlət Komitəsinin sədri Kərəm Həsənov tərəfindən 21 noyabr 2014-cü il tarixində Xırdalan şəhərində növbəti vətəndaş qəbulu keçirilib. Vətəndaş qəbulu Daşınmaz Əmlakın Dövlət Reyestri Xidmətinin 4 saylı Ərazi İdarəsində baş tutub.

Qəbulda Abşeron, Sumqayıt və Qubadlı rayonlarından olan vətəndaşlar iştirak edib. Komitə sədri vətəndaşların müraciətlərinə baxıb, onların təkliflərini dinləyib. Müraciətlər, əsasən, daşınmaz əmlaklara dair hüquqların dövlət qeydiyyatı, dövlət əmlakının özəlləşdirilməsi və icarəyə verilməsi, habelə komitənin digər fəaliyyət istiqamətlərinə aid olub. 

Ardını oxu...

Əmlak Məsələləri Dövlət Komitəsinin sədri Kərəm Həsənov Abşeronda vətəndaş qəbulu keçirəcək

Mərkəzi icra hakimiyyəti orqanları rəhbərlərinin şəhər və rayonlarda vətəndaşların qəbulu cədvəlinə uyğun olaraq Əmlak Məsələləri Dövlət Komitəsinin sədri  Kərəm Həsənov 21 noyabr 2014-cü il tarixində Xırdalan şəhərində növbəti vətəndaş qəbulu keçirəcəkdir. Qəbulda Abşeron, Sumqayıt və Qubadlı rayonlarından olan vətəndaşların müraciətlərinə baxılacaqdır. Vətəndaş qəbulu saat 11:00-da Daşınmaz Əmlakın Dövlət Reyestri Xidmətinin 4 saylı Ərazi İdarəsində keçiriləcəkdir. Qəbula yazılmaq istəyən vətəndaşlar komitənin Bu email ünvanı spambotlardan qorunur. Onu görmək üçün JavaScripti qoşmaq lazımdır. elektron ünvanına yaza və aşağıdakı nömrələrlə əlaqə saxlaya bilərlər:

Komitənin Aparatı: (012) 490 24 08 (daxili 105, 102 və 349)

Daşınmaz Əmlakın Dövlət Reyestri Xidmətinin 4 saylı ərazi idarəsi:

(012) 349 08 00,  (012) 349 58 49

Əmlak Məsələləri Dövlət Komitəsi daşınmaz əmlak üzərində əvvəllər yaranmış mülkiyyət hüquqlarına dair sənədlərin kütləvi şəkildə çıxarışlarla əvəz olunması kampaniyasına start verib

Azərbaycan Respublikası Prezidentinin 3 fevral 2014-cü il tarixli Fərmanının icrası məqsədilə Əmlak Məsələləri Dövlət Komitəsi daşınmaz əmlak üzərində əvvəllər yaranmış mülkiyyət hüquqlarına dair sənədlərin kütləvi şəkildə çıxarışlarla əvəz olunması kampaniyasına start verib. Belə ki, “Daşınmaz əmlakın dövlət reyestri haqqında” Azərbaycan Respublikası Qanununu qüvvəyə minən tarixədək vətəndaşlara verilmiş mülkiyyət sənədləri, o cümlədən mülkiyyət hüquqlarını təsdiq edən aktlar, şəhadətnamələr və qeydiyyat vəsiqələri kütləvi qaydada dövlət reyestrindən çıxarışlarla əvəz edilir.

İlkin mərhələdə bu kampaniya 13-14 noyabr tarixlərində Saatlı və Şəmkir rayonlarının bir neçə kəndində həyata keçirilib. Kampaniyanın üstünlüklərindən biri də dövlət reyestrindən çıxarışların vətəndaşlara mobil ofis xidmətləri vasitəsilə birbaşa olaraq yerlərdə təqdim olunmasıdır. Belə ki, vətəndaşlar əvvəllər yaranmış mülkiyyət hüquqlarına dair sənədlər əsasında dövlət reyestrindən çıxarışları ərazi qeydiyyat idarələrinə getmədən bilavasitə yerlərdə əldə ediblər. Mobil ofislər vasitəsilə çıxarışların verilməsində məqsəd rahatlıq və çevikliyi təmin etmək, vaxta qənaət etmək və vətəndaş məmnunluğunu artırmaqdır. Eyni zamanda, xatırladaq ki, mülkiyyət sənədlərinin dövlət reyestrindən çıxarışlarla əvəz olunması ərazi qeydiyyat idarələrində də aparılır. Kampaniyanın keçirildiyi 2 gün ərzində 300-ə yaxın vətəndaşın əvvəllər yaranmış mülkiyyət hüquqlarını təsdiq edən sənədləri dövlət reyestrindən çıxarışlarla əvəz olunub.

Ardını oxu...

Azərbaycan Respublikası Əmlak Məsələləri Dövlət Komitəsinin məlumatı

“Azərbaycan Respublikasında dövlət əmlakının özəlləşdirilməsinin II Dövlət Proqramı”na və Azərbaycan Respublikası Prezidentinin 17 iyul 2001-ci il tarixli 533 nömrəli Fərmanı ilə təsdiq edilmiş “İnvestisiya müsabiqəsinin keçirilməsi Qaydaları”na müvafiq olaraq Azərbaycan Respublikasının Əmlak Məsələləri Dövlət Komitəsi “Ceyranbatan Polimer Materialları” ASC-nin səhmlərinin satışı üzrə investisiya müsabiqəsi elan etmişdir. İddiaçılar qarşısında qoyulan maliyyə-iqtisadi şərtlərdən başlıcası müəssisəyə investisiya qoyuluşuna dair təkliflərin verilməsi olmuşdur.

Müsabiqədə iştirak etmək üçün iki iddiaçı tərəfindən ərizə və investisiya təklifləri təqdim edilmişdir. Azərbaycan Respublikasının müvafiq nazirlik və təşkilatlarından nümayəndələrin daxil olduğu Müsabiqə Komissiyasının qərarına əsasən, hər iki iddiaçı iştirakçı statusunu əldə etmişdir.

Ardını oxu...

Azərbaycan daşınmaz əmlakın qeydiyyatına görə dünyada 10-cu yerdədir

Azərbaycan "Doing Business-2015" hesabatının reytinq cədvəlində bu il daşınmaz əmlakın qeydiyyatına görə 10-cu yeri tutub. Məlum olduğu kimi, bu hesabat Dünya Bankı və Beynəlxalq Maliyyə Korporasiyası tərəfindən hər il dərc olunur və 10 müxtəlif göstərici üzrə 189 ölkəni əhatə edir.

Hesabata əsasən, ölkəmiz ən uğurlu islahat aparan dövlətlərin sırasında ilk onluğa daxil edilib. Azərbaycan bu onluğa 3 iqtisadi sahədə həyata keçirdiyi islahatlara görə daxil olub ki, bunlardan biri də daşınmaz əmlakın qeydiyyatı sahəsidir. Ötən il daşınmaz əmlakın qeydiyyatına görə 13-cü yerdə qərarlaşan Azərbaycan bu sahədə aparılmış uğurlu islahatlar sayəsində bu il 3 pillə irəliləyərək 10-cu yerə yüksəlib. Hesabatda mülkiyyətin qeydiyyatı sahəsində ən mühüm nailiyyət kimi daşınmaz əmlak barədə yüklülük arayışlarının onlayn rejimdə verilməsi ilə qeydiyyat prosesinin daha da sadələşdirilməsi xüsusi vurğulanıb.

Ardını oxu...

Əmlak Məsələləri Dövlət Komitəsi 2014-cü ilin 9 ayında görülmüş işlərə və qarşıda duran vəzifələrə dair müşavirə keçirib

Əmlak Məsələləri Dövlət Komitəsi tərəfindən 2014-cü ilin yanvar-sentyabr aylarında görülmüş işlər və qarşıda duran vəzifələrə dair geniş müşavirə keçirilib.

Əmlak Məsələləri Dövlət Komitəsinin sədri Kərəm Həsənov müşavirədə giriş nitqi söyləyib. Komitə sədri qeyd edib ki, Azərbaycan Respublikası Prezidentinin tapşırıqlarına əsasən Əmlak Məsələləri Dövlət Komitəsi 2014-cü ilin ötən dövründə ardıcıl və uğurlu fəaliyyət göstərib. Şəfafflıq və ictimai agahlıq, effektiv və səmərəli əmlak idarəçiliyi, sosial məmnunluq və yüksək xidmət keyfiyyətinin təmin olunması istiqamətində tədbirlər davam etdirilib.

Komitə sədri çıxışında fəaliyyət istiqamətləri üzrə elektron və onlayn xidmətlər, qeydiyyat xidmətlərinin ünvanlarda göstərilməsi ilə bağlı mobil ofislər, Ünvan Reyestri İnformasiya Sisteminin tətbiqi və digər uğurlardan bəhs edib. Bildirilib ki, görülən işlər vətəndaş-məmur ünsiyyətinin minimuma endirilməsi, vətəndaş məmnunluğunun yüksəldilməsinə xidmət edir.

Ardını oxu...

Əmlak Məsələləri Dövlət Komitəsinin sədri Biləsuvarda növbəti vətəndaş qəbulu keçirib

Azərbaycan Respublikası Prezidentinin tapşırığına əsasən, mərkəzi icra hakimiyyəti orqanlarının rəhbərləri tərəfindən bölgələrdə vətəndaşların qəbulu cədvəlinə uyğun olaraq Əmlak Məsələləri Dövlət Komitəsinin sədri Kərəm Həsənov oktyabr ayının 24-də Biləsuvar şəhərində vətəndaş qəbulu keçirib. Qəbulda Biləsuvar, Cəlilabad, Masallı və Yardımlı rayonlarından olan vətəndaşların müraciətlərinə baxılıb. Vətəndaşların qəbulu Biləsuvar şəhərində yerləşən Heydər Əliyev Mərkəzində keçirilib.

Komitə sədri qəbul müddətində müxtəlif sosial təbəqədən və yaş həddindən olan vətəndaşların müraciətlərinə baxıb, onların təklif və xahişlərini diqqətlə dinləyib.

Qəbula gələn vətəndaşlar əsasən daşınmaz əmlak üzərində hüquqların dövlət qeydiyyatına alınması, dövlət əmlakının özəlləşdirilməsi və icarəsi, torpaq sahələrinin özəlləşdirilməsi, işə qəbul və digər sosial məsələlərlə bağlı müraciət etmişlər.  

Ardını oxu...

Əmlak Məsələləri Dövlət Komitəsi beynəlxalq əməkdaşlıq əlaqələrini inkişaf etdirir

Əmlak Məsələləri Dövlət Komitəsinin sədri cənab Kərəm Həsənovun rəhbərlik etdiyi nümayəndə heyəti Avstriya Respublikasının Federal  Metrologiya və Kadastr Təşkilatı rəhbərinin dəvəti ilə 15-17 oktyabr 2014-cü il tarixlərində Vyana şəhərində səfərdə olmuşdur.

Səfərin məqsədi 15 oktyabr 2014-cü il tarixində Əmlak Məsələləri Dövlət Komitəsi və Avstriyanın Federal Metrologiya və Kadastr Təşkilatı nümayəndələrinin iştirakı ilə sözügedən qurumlar arasında gələcək ikitərəfli əməkdaşlıq əlaqələrinin müzakirəsi olmuşdur. Eyni zamanda, Azərbaycan nümayəndə heyəti BMT-nin Avropa İqtisadi Komissiyası və Avstriya Hökuməti tərəfindən 16–17 oktyabr 2014-cü il tarixlərində “Daşınmaz əmlak infrastrukturu: İstifadə üçün yararlıdırmı?” mövzusunda təşkil edilən konfransda iştirak etmişdir.

15 oktyabr tarixində nümayəndə heyətinin Avstriyanın Federal Metrologiya və Kadastr Təşkilatının Vyana şəhərində yerləşən inzibati binasında sözügedən qurumla ikitərəfli görüşü keçirilmişdir. Görüş zamanı komitə ilə qurum arasında ikitərəfli əlaqələrin qurulması məsələsi müzakirə edilmiş, habelə daşınmaz əmlakın və əmlak üzərində mülkiyyət hüquqlarının qeydiyyatı və daşınmaz əmlakın kadastrı sahəsində əməkdaşlıq haqqında tərəflər arasında gələcəkdə Anlaşma Memorandumunun imzalanması ilə bağlı danışıqlar aparılmışdır.

Ardını oxu...

Vətəndaşlar komitənin elektron xidmətlərindən geniş yararlanırlar

Azərbaycan Respublikası Prezidentinin dövlət orqanları tərəfindən elektron xidmətlərin təşkili ilə bağlı müvafiq Fərmanına əsasən Əmlak Məsələləri Dövlət Komitəsi son iki ildə mühüm tədbirlər həyata keçirib. Belə ki, görülən işlər nəticəsində elektron xidmətlərin tətbiqi genişləndirilib və ümumilikdə 29 e-xidmət vətəndaşların istifadəsinə verilib. Elektron xidmətlərin hamısı “Elektron hökumət” portalına inteqrasiya edilib. İndiyədək 111 mindən çox fiziki və hüquqi şəxslər komitənin elektron xidmətlərindən yararlanıb.

Komitənin elektron xidmətlər portalında istifadədə olan elektron xidmətlər dövlət əmlakının özəlləşdirilməsi, idarə edilməsi, daşınmaz əmlakın qeydiyyatı ilə bağlıdır. Həmin xidmətlərin 25-i interaktiv və 4-ü informativdir. Qeyd olunan interaktiv xidmətlərə səhmdar cəmiyyətlərin səhmlərinin, kiçik dövlət müəssisə və obyektlərin, yarımçıq tikililərin, dövlət qurumlarının balansında olan nəqliyyat vasitələrinin özəlləşdirilməsinə dair keçirilən hərraclarla bağlı e-xidmətlər aiddir. Bu xidmətlər sayəsində artıq dövlət əmlakının özəlləşdirilməsi ilə bağlı hərraclarda iştirak üçün sifarişlər elektron qaydada qəbul edilir.

Ardını oxu...

Əmlak Məsələləri Dövlət Komitəsi “Açıq qapı” günü və hüquqi maarifləndirmə tədbiri keçirib

Əmlak Məsələləri Dövlət Komitəsi 17 oktyabr 2014-cü il tarixində Abşeronda vətəndaşlar və mətbuat nümayəndələri üçün növbəti dəfə “Açıq qapı” günü təşkil edib. Həmin gün daşınmaz əmlakın qeydiyyat və kadastrı sahəsində vətəndaşlar, aidiyyəti dövlət qurumları, ictimai təşkilatlar, bələdiyyələr, əmlak bazarı iştirakçıları, notariat orqanlarının nümayəndələrinin iştirakı ilə maarifləndirmə seminarı da keçirilib. Hər iki tədbir Daşınmaz Əmlakın Dövlət Reyestri Xidmətinin Abşeron ərazi idarəsində baş tutub.

“Açıq qapı” günü-vətəndaş forumu “Açıq Hökumətin təşviqinə dair 2012-2015-ci illər üçün Milli Fəaliyyət Planı”na uyğun olaraq həyata keçirilib. “Milli Fəaliyyət Planı”nda dövlət orqanlarının fəaliyyətində şəffaflığın artırılması, ictimaiyyət ilə sıx əlaqələrin qurulması və ictimai iştirakçılığın genişləndirilməsi ilə bağlı bir sıra prinsiplər yer alıb. Əmlak Məsələləri Dövlət Komitəsi də bu prinsiplərdən irəli gələrək belə tədbirlərin təşkilini davam etdirir.

Ardını oxu...

Əmlak Məsələləri Dövlət Komitəsi BMT Avropa İqtisadi Komissiyasının tədbirinə sədrlik etmişdir

Məlumat verildiyi kimi, Cenevrə şəhərində yerləşən BMT-nin Avropa üzrə mənzil-qərargahında BMT Avropa İqtisadi Komissiyasının Mənzil Təsərrüfatı və Daşınmaz Əmlakın İdarə Edilməsi Komitəsinin 75-ci Sessiyası keçirilmişdir. Azərbaycan Respublikasını Sessiyada Əmlak Məsələləri Dövlət Komitəsinin sədri Kərəm Həsənovun rəhbərlik etdiyi nümayəndə heyəti təmsil edirdi. Qeyd edilməlidir ki, BMT Avropa İqtisadi Komissiyasının Daşınmaz Əmlak İdarəçiliyi üzrə hökumətlərarası İşçi Qrupuna, eləcə də onun Bürosuna 2013-cü ilin mart ayında regiona daxil olan 56 üzv dövlətin açıq səsverməsi yolu ilə seçilmiş Azərbaycan Respublikasının Əmlak Məsələləri Dövlət Komitəsi sədrlik edir.

Sessiyada Dayanıqlı Mənzil Təsərrüfatı Xartiyası, sözügedən komitə tərəfindən son bir il ərzində həyata keçirilən tədbirlər, Avropa İqtisadi Komissiyası regionu üçün 2014-2020-ci illər üzrə Mənzil Təsərrüfatı və Daşınmaz Əmlak İdarəçiliyi Strategiyası və Tədbirlər Planının icra vəziyyəti nəzərdən keçirildi, habelə aidiyyəti mövzularda ölkə təqdimatları dinlənildi. Qeyd edilməlidir ki, Avropa İqtisadi Komissiyası özündə bütün Avropa dövlətlərini, keçmiş SSRİ ölkələrini, Şimali Amerika materikinə daxil olan Amerika Birləşmiş Ştatları və Kanadanı, eləcə də İsrail və qardaş Türkiyə də daxil olmaqla 56 üzv dövləti birləşdirir.

Ardını oxu...

Vətəndaşların əmlak məsələləri ilə bağlı qaynar xəttə olan müraciətləri operativ həll olunur, hüquqi məsləhətlər verilir

Əmlak Məsələləri Dövlət Komitəsi vətəndaş müraciətlərinin qəbulu, çevik cavablandırılması, müraciətlərin araşdırılması və həlli işini daim diqqətdə saxlayır. Bu məqsədlə Komitədə 193, 148 və 566-07-44  nömrəli qaynar xətlər fəaliyyət göstərir. 193 saylı qaynar xətdə dövlət əmlakının özəlləşdirilməsi, icarəsi və istifadəsi, 148 saylı qaynar xətdə vətəndaşlara aid daşınmaz əmlak üzərində mülkiyyət hüquqlarının qeydiyyatı, 566-07-44  nömrəli qaynar xətdə isə özəlləşdirmə prosesində keçirilən hərraclarla bağlı suallar cavablandırılır.

2014-cü il ərzində Komitənin hər 3 qaynar xətti vasitəsilə ümumilikdə 1700-ə yaxın vətəndaş müraciəti qəbul edilib. Müraciətlərin böyük əksəriyyəti sorğu xarakterli olmaqla, daha çox daşınmaz əmlakın qeydiyyatı sahəsində hüquqi yardım və məsləhətlərin alınması, komitənin elektron və onlayn xidmətləri ilə bağlı olub.

Ardını oxu...

Əmlak Məsələləri Dövlət Komitəsinin sədri Şabranda vətəndaşları qəbul edib

Azərbaycan Respublikasının Prezidentinin tapşırığına uyğun olaraq, Əmlak Məsələləri Dövlət Komitəsinin sədri Kərəm Həsənov 26 sentyabr 2014-cü il tarixində Şabran şəhərində vətəndaş qəbulu keçirib. Qəbulda Şabran, Xızı, Siyəzən, Şamaxı və Qobustan rayonlarından olan vətəndaşlar iştirak edib. Vətəndaşların qəbulu Şabran şəhərində yerləşən Heydər Əliyev Mərkəzində keçirilib.

Qəbulda müxtəlif sosial təbəqədən və yaş həddindən olan vətəndaşlar iştirak edib. Komitə sədri onların müraciətlərinə baxıb, təklif və xahişlərini diqqətlə dinləyib.

Qəbula gələn vətəndaşların bir qismi onlara ayrılmış torpaq sahələrinin, bir qismi yaşadıqları fərdi həyət evləri və mənzillərinin, digər qismi isə kommersiya məqsədilə istifadə etdikləri qeyri-yaşayış sahələrinin özəlləşdirilməsi ilə əlaqədar müraciət ediblər.

Ardını oxu...

Əmlak Məsələləri Dövlət Komitəsinin sədri Kərəm Həsənov Şabranda vətəndaş qəbulu keçirəcək

Mərkəzi icra hakimiyyəti orqanları rəhbərlərinin şəhər və rayonlarda vətəndaşların qəbulu cədvəlinə uyğun olaraq Əmlak Məsələləri Dövlət Komitəsinin sədri  Kərəm Həsənov 26 sentyabr 2014-cü il tarixində Şabran rayonunda növbəti vətəndaş qəbulu keçirəcəkdir. Qəbulda Şabran, Xızı, Siyəzən, Şamaxı və Qobustan rayonlarından olan vətəndaşların müraciətlərinə baxılacaqdır. Vətəndaş qəbulu saat 11:00-da Şabran rayonunda yerləşən Heydər Əliyev Mərkəzində keçiriləcəkdir. Qəbula yazılmaq istəyən vətəndaşlar komitənin Bu email ünvanı spambotlardan qorunur. Onu görmək üçün JavaScripti qoşmaq lazımdır. elektron ünvanına yaza və aşağıdakı nömrələrlə əlaqə saxlaya bilərlər:

Komitənin Aparatı: (012) 490 24 08 (daxili 105, 102 və 349)

Daşınmaz Əmlakın Dövlət Reyestri Xidmətinin 5 saylı ərazi idarəsi:

(023) 325 00 17, (023) 325 00 18

Almaniyanın daşınmaz əmlakın özəlləşdirilməsi və idarə edilməsi qurumunun nümayəndə heyəti Bakıda işgüzar səfərdə olmuşdur

Azərbaycan Respublikasının Əmlak Məsələləri Dövlət Komitəsi dövlət əmlakının idarə edilməsi və özəlləşdirilməsi, daşınmaz əmlaka dair hüquqların dövlət qeydiyyatına alınması, daşınmaz əmlakın dövlət reyestrinin aparılması və vahid kadastrın tərtib edilməsi sahəsində beynəlxalq təcrübənin öyrənilməsi məqsədi ilə müxtəlif ölkələrin müvafiq qurumları ilə əməkdaşlığın genişləndirilməsi istiqamətində ardıcıl tədbirlər həyata keçirir.

Bu əlaqələr, əsasən, qeyd olunan sahələrdə informasiya və metodiki təminatın gücləndirilməsi, təcrübə mübadiləsi məqsədi ilə qarşılıqlı səfərlərin təşkili və digər istiqamətləri əhatə edir.

Bu baxımdan, Azərbaycan Respublikasının Əmlak Məsələləri Dövlət Komitəsi öz vəzifə və funksiyaları çərçivəsində Almaniya Federal Maliyyə Nazirliyinin VIII Baş İdarəsi ilə mövcud əməkdaşlığı uğurla davam etdirir. VIII Baş İdarə Almaniya Federativ Respublikasında sənaye müəssisələri və federal daşınmaz əmlakın özəlləşdirilməsi və idarə edilməsi sahəsində fəaliyyət göstərən dövlət qurumudur. 

Ardını oxu...

Dövlət əmlakının idarə edilməsi və özəlləşdirilməsi ilə bağlı elektron xidmətlərin təqdimatı keçirilib

Əmlak Məsələləri Dövlət Komitəsi 12 sentyabr 2014-cü il tarixində “Dövlət əmlakının idarə edilməsi və hərracların təşkili: müasir yanaşmalar və elektron xidmətlər” mövzusunda İctimai Təqdimat keçirib.

Tədbirin məqsədi  dövlət əmlakının özəlləşdirilməsi və idarə edilməsi sahəsində tətbiq edilən müasir yanaşmaları və elektron xidmətləri, o cümlədən illik xüsusi hesabat formalarının elektron qəbulu və həyata keçirilən elektron hərracları ictimaiyyətə açıqlamaqdır. Həmçinin onların mahiyyət və faydaları, şəffaflığın daha yüksək səviyyədə rolu barədə ictimaiyyəti məlumatlandırmaq da tədbirin məqsədlərindəndir.

Tədbirdə Əmlak Məsələləri Dövlət Komitəsinin mərkəzi aparatı, Hərracların Təşkili üzrə Auksion Mərkəzi, İnformasiya Texnologiyaları və Məlumat İdarəetmə Mərkəzi, Daşınmaz Əmlakın Dövlət Reyestri Xidməti, aidiyyəti dövlət qurumlarının, ictimai birliklərin və kütləvi informasiya vasitələrinin nümayəndələri iştirak edib.

Ardını oxu...

Kütləvi İnformasiya Vasitələrinin nəzərinə!

12 sentyabr 2014-cü il tarixində Əmlak Məsələləri Dövlət Komitəsi tərəfindən Kütləvi İnformasiya Vasitələri üçün “Dövlət əmlakının idarə edilməsi və hərracların təşkili: müasir yanaşmalar və elektron xidmətlər” mövzusunda İctimai Təqdimat keçiriləcək. Tədbirin məqsədi  dövlət əmlakının özəlləşdirilməsi və idarə edilməsi sahəsində tətbiq edilən müasir yanaşmaları və elektron xidmətləri, o cümlədən illik xüsusi hesabat formalarının elektron qəbulu və həyata keçirilən elektron hərracları ictimaiyyətə açıqlamaqdır. 

Tədbirdə iştirak etmək istəyən KİV nümayəndələrinin 12 sentyabr 2014-cü il tarixində saat 10:30-da Daşınmaz Əmlakın Dövlət Reyestri Xidmətinin inzibati binasında olmaları xahiş olunur.

Ünvan: Bakı şəhəri, AZ 1073, Yasamal rayonu, Hüseyn Cavid prospekti, 31 (Elmlər Akademiyası metrosunun arxası).

Əlaqə telefonu: (012) 490 24 08 (daxili 157), (050) 235 30 33

Ardını oxu...

Daşınmaz əmlakın qeydiyyatının inkişafı və vətəndaş məmnunluğunun artırılması istiqamətində növbəti tədbirlər keçirilib

Əmlak Məsələləri Dövlət Komitəsi daşınmaz əmlakın qeydiyyatı sisteminin müasir prinsiplərlə inkişafı, vətəndaş məmnunluğunun artırılması və sosial yönümlülüyün gücləndirilməsi istiqamətində növbəti tədbirləri həyata keçirib. Belə ki, komitə 01 sentyabr 2014-cü il tarixində Daşınmaz Əmlakın Dövlət Reyestri Xidmətinin Beyləqanda yerləşən 6 saylı  ərazi idarəsinin yeni inşa edilmiş inzibati binasının açılışını edib. Yeni inzibati bina vətəndaşlara daha rahat, şəffaf, çevik və müasir xidmətlərin göstərilməsi məqsədilə tikilib. Həmin gün ərazi idarəsində eyni vaxtda paralel olaraq respublikanın bütün bölgələrində mobil ofis xidmətlərinin göstərilməsi məqsədilə alınmış yeni avtonəqliyyat vasitələrinin təqdimatı olub. Həmçinin, eyni gündə vətəndaşlar və mətbuat nümayəndələri üçün “Açıq qapı” günü-vətəndaş forumu və daşınmaz əmlakın qeydiyyatı ilə bağlı hüquqi maarifləndirmə seminarı keçirilib.

Komitənin eyni gündə keçirdiyi dörd tədbirdə komitə rəhbərliyi, ərazi idarəsinin əməkdaşları və mətbuat nümayəndələri iştirak edib.

Tədbirdə iştirak edən Daşınmaz Əmlakın Dövlət Reyestri Xidmətinin rəisi Məhəmməd İmanov qeyd edib ki, keçirilən belə tədbirlər vətəndaşlara xidmət səviyyəsinin yüksəldilməsi və sosial məmnunluğun artırılması istiqamətində görülən işlərin davamıdır. Bu istiqamətdə komitənin önəm verdiyi ən mühüm məsələ fəaliyyətin müasir əsaslarla qurulması, modern idarəetmə sisteminin və informasiya-kommunikasiya texnologiyalarının tətbiqidir.

Ardını oxu...

Əmlak Məsələləri Dövlət Komitəsinin sədri Qaxda keçirdiyi qəbulda vətəndaşların müraciətlərinə baxıb


Azərbaycan Respublikasının Prezidentinin tapşırığına əsasən, mərkəzi icra hakimiyyəti orqanlarının rəhbərləri bölgələrdə vətəndaş qəbulları keçirir, onları dinləyir, müraciət etdikləri məsələlərin həllinə köməklik göstərirlər.

Növbəti belə qəbul avqust ayının 22-də Əmlak Məsələləri Dövlət Komitəsinin sədri Kərəm Həsənov tərəfindən Qax şəhərində keçirilib. Qəbulda Qax, Zaqatala, Balakən və Şəki rayonlarından olan vətəndaşların müraciətlərinə baxılıb. Vətəndaş qəbulu Qax şəhərində yerləşən Heydər Əliyev Mərkəzində keçirilib.

Qəbulda iştirak edən vətəndaşlar müxtəlif məsələlərlə bağlı müraciət ediblər. Komitə sədri onların müraciətlərini, təklif və xahişlərini diqqətlə dinləyib.

Qəbula gələn vətəndaşlar əsasən xüsusi mülkiyyətdə olan daşınmaz əmlakları üzərində hüquqların dövlət qeydiyyatı ilə bağlı müraciət ediblər. Belə ki, onlardan bir qismi onlara müvafiq qurum tərəfindən ayrılmış və ya alqı-satqı ilə əldə etdikləri torpaq sahələrinin özəlləşdirilməsi ilə bağlı müraciətlərini səsləndiriblər. Bir qismi yaşadıqları fərdi həyət evləri və mənzilləri, digər qismi isə kommersiya məqsədilə istifadə etdikləri qeyri-yaşayış sahələri üzərində mülkiyyət hüquqlarının qeydiyyatı ilə əlaqədar müraciət ediblər.

Ardını oxu...

Dövlət əmlakının idarə edilməsi və özəlləşdirilməsində müasir yanaşmalar və şəffaflıq prinsipləri tətbiq edilir

Əmlak Məsələləri Dövlət Komitəsi son illər dövlət əmlakı idarəçiliyinin təkmilləşdirilməsi,  müasir əsaslarla inkişafı, optimal idarəetmə metodlarının tətbiqi, dövlət əmlakının özəlləşdirilməsinin sürətləndirilməsi istiqamətində bir sıra nəticələr əldə edib. Azərbaycan Respublikası Prezidentinin dövlət əmlakının qorunub saxlanması, idarə edilməsinin təkmilləşdirilməsi ilə bağlı müvafiq fərmanının icrası ilə bağlı müntəzəm tədbirlər görülür. Dövlət əmlakının qorunması və istifadə vəziyyəti ilə əlaqədar hesabatların qəbulu prosedurları sadələşib və tamamilə elektronlaşıb. Belə ki, komitənin elektron xidmətlər portalında dövlət əmlakının qorunub saxlanılması və ondan istifadə edilməsi vəziyyəti haqqında xüsusi hesabat formasının elektron qəbulu ilə bağlı e-xidmət fəaliyyət göstərir. Bu xidmət dövlət müəssisə və qurumlarına xüsusi hesabat formalarını artıq elektron şəkildə təqdim etmək imkanı yaradıb. Bununla da, əvvəllər bu prosesə sərf olunan vaxta böyük qənaət olunub, belə hesabatları vermək üçün komitənin ərazi şöbələrinə gediş-gəlişlərə ehtiyac qalmayıb.

2014-cü ilin ilk 6 ayında 2080-ə yaxın dövlət müəssisə və təşkilatı tərəfindən illik xüsusi hesabat forması elektron xidmət vasitəsilə təqdim edilib.

Dövlət əmlakı idarəçiliyi sahəsində elektron xidmətlər ilə bərabər, müasir yanaşma və üsulların, optimal və şəffaf idarəetmə metodlarının tətbiqi ilə bağlı tədbirlər də həyata keçirilir. Müasir idarəçilik prinsipləri və mexanizmləri əsasında dövlət əmlakının idarə edilməsinin təkmilləşdirilməsi, bu istiqamətdə şəffaflıq və effektivliyin artırılması, bu sahədə müvafiq dövlət qurumları arasında səmərəli koordinasiya sisteminin qurulması təmin edilir.

Ardını oxu...

 
 
 

Sorğu

Elektron çıxarış xidməti barədə məlumatlısınızmı?