“Kütləvi çıxarış” kampaniyası bölgələrdəki çoxmənzilli binaları da əhatə etməyə başlayıb

Əmlak Məsələləri Dövlət Komitəsi daşınmaz əmlakın sənədləşdirilməsini kifayət qədər rahatlaşdıran “Kütləvi çıxarış” kampaniyası artıq bölgələrdə yerləşən yeni inşa edilmiş çoxmənzilli binaları əhatə etməyə başlayıb. Belə ki, paytaxtla yanaşı, artıq respublikanın digər şəhər və rayonlarında yerləşən binalar da kampaniyaya cəlb olunub. Kampaniya bu dəfə 16 dekabr tarixində Xaçmaz şəhərində baş tutub.

Şəhərdə yerləşən 75 mənzildən ibarət olan yeni tikilmiş binanın bütün mənzil sahiblərinə dövlət reyestrindən çıxarışlar elə binanın həyətində təqdim olunub. İlkin mülkiyyət sənədləri əsasında vətəndaşların mənzilləri rahat və çevik qaydada sənədləşdirilib. Mənzil sahibləri heç bir yerə getmədən, gündəlik fəaliyyətdən ayrılmadan və əlavə vaxt itirmədən hazır çıxarışları əldə ediblər. Qeyd edək ki, xidmətlərin çatdırılması üçün əlavə ödəniş tələb olunmur, mobil xidmətlər yalnız qanunla müəyyən edilmiş dövlət rüsumu və xidmət haqqı əsasında həyata keçirilir. Bu rüsumlar yalnız bank vasitəsilə və ya elektron qaydada ödənilir. Xatırladaq ki, yalnız istismara qəbul aktı olan binaların mənzillərinə belə çıxarışlar verilir.

Ardını oxu...

Əmlak Məsələləri Dövlət Komitəsi növbəti hərracları elan edib

Əmlak Məsələləri Dövlət Komitəsi tərəfindən 10 və 17 yanvar 2017-ci il tarixində keçiriləcək yeni hərraclara ümumilikdə 167 əmlak çıxarılıb. Bunlardan 40-ı səhmdar cəmiyyəti, 59-u kiçik dövlət müəssisəsi, 56-sı istifadəsiz qeyri-yaşayış sahəsi, 12-si isə nəqliyyat vasitəsidir.  Kiçik dövlət müəssisələri və nəqliyyat vasitələrinin və 20 səhmdar cəmiyyətinin satışı üzrə hərrac 10 yanvarda keçiriləcək. 17 yanvarda isə digər 20 səhmdar cəmiyyətinin satışı üzrə hərrac baş tutacaq. 

Vətəndaşların və potensial investorların hərracda əmlaka yiyələnməsi üçün cəmi 2 sadə prosedur kifayət edir. Bunun üçün privatization.az portalına daxil olub, əmlakı seçib sifariş vermək və 10% məbləğində behi elektron qaydada ödəmək yetərlidir. Qeyd edilməlidir ki, elektron sifarişlər hərracın keçirilməsinə 3 bank günü qalanadək verilməlidir.

Ardını oxu...

Əmlak Məsələləri Dövlət Komitəsinin sədri Kərəm Həsənov İmişli rayonunda vətəndaşların müraciətinə baxıb

Mərkəzi icra hakimiyyəti orqanları rəhbərlərinin regionlarda vətəndaşların qəbulu cədvəlinə uyğun olaraq Əmlak Məsələləri Dövlət Komitəsinin sədri Kərəm Həsənov 13 dekabr 2016-cı il tarixində  İmişlidə vətəndaş qəbulu keçirib. Qəbulda İmişli, Ağcabədi, Füzuli və Beyləqan rayonlarından olan vətəndaşlar iştirak edib.

Komitə sədri müraciət edən vətəndaşların hər birini diqqətlə dinləyib, onların müraciətində bildirdiyi məsələlər ilə bağlı müvafiq tapşırıqlarını verib.

Qəbulda iştirak edən vətəndaşlar daşınmaz əmlakın sənədləşdirilməsi, əmlaka çıxarış və digər sənədlərin alınması, dövlət mülkiyyətində olan əmlakın icarəsi və özəlləşdirilməsi ilə bağlı müxtəlif səpkili müraciətlərini səsləndiriblər. Müraciət edənlərin bir qismi onlara məxsus fərdi yaşayış evi, həyətyanı torpaq sahəsi, pay torpağı və mənzillərin qeydiyyatı, torpaq sərhədlərinin müəyyən edilməsi ilə bağlı məsələlərini bildiriblər. Komitə sədri vətəndaşları dinləyərək bir sıra müraciətlərin dərhal həlli üçün tapşırıqlarını verib. Eyni zamanda, bir sıra müraciət araşdırma tələb etdiyi üçün qeydiyyata alınıb.

Ardını oxu...

Əmlak Məsələləri Dövlət Komitəsi 13 dekabr tarixində növbəti hərrac keçirib

Əmlak Məsələləri Dövlət Komitəsi 13 dekabr tarixində dövlət mülkiyyətində olan əmlakların özəlləşdirilməsi üzrə növbəti hərrac keçirib. Hərracda ümumilikdə 26 dövlət əmlakı olmaqla, 7 kiçik dövlət müəssisə və obyekti, 7 istifadəsiz qeyri-yaşayış sahəsi və 11 nəqliyyat vasitəsi və 1 yarımçıq tikili özəlləşdirilib. Bu dəfəki özəlləşdirmədən dövlət büdcəsinə 4,3 milyon manat vəsaitin köçürülməsi təmin ediləcəkdir.

Xatırladaq ki, hazırda Özəlləşdirmə portalı (privatization.az) sayəsində hərracda iştirak etmək daha da rahatlaşıb. Belə portal üzərindən əmlakı seçib sifariş verməklə hərraca qatılmaq olur. Portalda hər bir əmlakın mövqeyi, yerləşməsi, mövcud vəziyyəti barədə fotoşəkillər və mətn məlumatları var. Hərracların elanı, gedişatı və nəticələri barədə komitənin saytı, Özəlləşdirmə portalı, eləcə də facebook sosial şəbəkəsindəki rəsmi səhifə və “Privatization.az” səhifəsi vasitəsilə əhaliyə mütəmadi məlumatlar verilir.

Ardını oxu...

Əmlak Məsələləri Dövlət Komitəsi torpaqların istifadəsi ilə bağlı monitorinq keçirib

Əmlak Məsələləri Dövlət Komitəsi torpaqlardan səmərəli istifadə ilə bağlı Bakı və regionlarda aktiv monitorinqlərin keçirilməsini davam etdirir. Bu monitorinqlər əsasən torpaqların təyinatına zidd istifadəsi, zəbt olunması, kateqoriyasının dəyişdirilməsi, boş və istifadəsiz saxlanması, münbit qatının korlanması, mühafizə zolaqlarında qanunsuz tikintilərlə bağlı olur. Başlıca məqsəd nəzarət tədbirləri vasitəsilə torpaq ehtiyatlarından səmərəli, qənaətli və təyinatına uyğun istifadəni, dövlətin və vətəndaşın torpaq mənafelərini təmin etməkdir.

Belə monitorinqlərin davamı kimi, 08 dekabrda komitənin torpaq müffətişləri tərəfindən Bakı-Şamaxı avtomobil yolunun Hökməli-Müşviqabad hissəsində monitorinqlər keçirilib. Monitorinq zamanı bir sıra hallarda hüquqi və fiziki şəxslər tərəfindən kənd təsərrüfatı təyinatlı torpaqların məqsədli təyinatının və kateqoriyasının özbaşına dəyişdirilməsi faktı aşkarlanıb. Belə ki, belə torpaqlarda qanunsuz tikinti işlərinin aparılması və əlavə torpaq sahəsinin zəbt olunması halları müəyyən edilib.

Ardını oxu...

Əmlak Məsələləri Dövlət Komitəsinin sədri Kərəm Həsənovun İmişli rayonunda keçirəcəyi vətəndaş qəbulunun tarixi dəyişdirilib

Mərkəzi icra hakimiyyəti orqanları rəhbərlərinin şəhər və rayonlarda vətəndaşların qəbulu cədvəlinə uyğun olaraq Əmlak Məsələləri Dövlət Komitəsinin sədri Kərəm Həsənovun İmişli rayonunda keçirəcəyi vətəndaş qəbulunun tarixi dəyişdirilərək 13 dekabr 2016-cı il tarixinə keçirilib. Qəbulda İmişli, Ağcabədi, Füzuli və Beyləqan  rayonlarından olan vətəndaşların müraciətlərinə baxılacaqdır.

Qəbulda yuxarıda qeyd olunmuş rayonlardan olan vətəndaşlar iştirak edə bilər və yalnız komitənin fəaliyyət sahələrinə aid olan müraciətlərə baxılacaqdır.

Ardını oxu...

Dövlət əmlaklarının özəlləşdirilməsi qeyri-neft sektorunun inkişafına böyük dəstəkdir

Əmlak Məsələləri Dövlət Komitəsi tərəfindən keçirilən intensiv açıq hərraclar vasitəsilə dövlət əmlaklarının özəlləşdirilməsi ölkəyə investisiya cəlb olunması və qeyri-neft sektorunun inkişafı baxımından mühüm əhəmiyyət daşıyır. Hər dəfə hərraclara fərqli təyinata, iqtisadi sahəyə, investisiya paketinə və ölçülərə malik müxtəlif əmlaklar çıxarılır. Qeyd edilməlidir ki, əmlakların coğrafiyası da genişdir. Belə ki, paytaxtdan tutmuş respublikanın müxtəlif şəhər və rayonlarınadək müxtəlif növ daşınmaz dövlət əmlakları hərrac vasitəsilə potensial investorlara təklif olunur.

Bəhs olunan növbəti belə hərrac 06 dekabr tarixində baş tutub. Hərracda 5 kiçik dövlət müəssisə və obyekti, 2 istifadəsiz qeyri-yaşayış sahəsi və 5 nəqliyyat vasitəsi özəlləşdirilib.

Xatırladaq ki, hazırda Özəlləşdirmə portalına (privatization.az) daxil olaraq əmlakı seçib sifariş verməklə çox rahat şəkildə hərraca qatılmaq olur. Portalda hərraca çıxarılan hər bir əmlakın coğrafi yerləşməsi, vəziyyəti barədə fotoşəkillər və digər zəruri informasiyalarla tanış olmaq mümkündür.

Ardını oxu...

“Torpaqların kəmiyyət və keyfiyyət uçotu, aqroiqlim, relyef göstəricilərindən istifadə etməklə coğrafi informasiya sistemləri (CİS) əsasında elmi əsaslarla idarə edilməsi” mövzusunda İctimai Təqdimat keçirilib

Əmlak Məsələləri Dövlət Komitəsi tərəfindən 02 dekabrda “Torpaqların kəmiyyət və keyfiyyət uçotu, aqroiqlim, relyef göstəricilərindən istifadə etməklə coğrafi informasiya sistemləri (CİS) əsasında elmi əsaslarla idarə edilməsi”nə həsr olunmuş təqdimat keçirilib. Tədbirdə Komitə rəsmiləri ilə yanaşı, Kənd Təsərrüfatı Nazirliyi, Ekologiya və Təbii Sərvətlər Nazirliyi, AMEA Coğrafiya İnstitutu, Azərbaycan Dövlət Memarlıq və İnşaat Universitetinin nümayəndələri iştirak edib.

Komitənin yanında Daşınmaz Əmlakın Kadastrı və Ünvan Reyestri Xidmətinin rəisi Ramiz Quliyev təqdimatda bildirib ki, Azərbaycan Respublikasının Prezidentinin 7 mart 2016-cı il tarixli “Azərbaycan Respublikasında torpaq münasibətlərinin tənzimlənməsi sahəsində əlavə tədbirlər haqqında” Fərmanı ilə komitə qarşısında mühüm vəzifələr qoyulub.

Ardını oxu...

Kütləvi İnformasiya Vasitələrinin nəzərinə!

Əmlak Məsələləri Dövlət Komitəsi tərəfindən 02 dekabr tarixində “Torpaqların kəmiyyət və keyfiyyət uçotu, aqroiqlim, relyef göstəricilərindən istifadə etməklə coğrafi informasiya sistemləri (CİS) əsasında elmi əsaslarla idarə edilməsi”nə həsr olunmuş ictimai təqdimat keçiriləcək.

Tədbirdə pilot layihə kimi seçilmiş Şəki rayonunun timsalında kadastr məlumatları əsasında CİS-in tətbiqi ilə torpaq ehtiyatlarından səmərəli istifadə edilməsi, aqrar sahənin inkişafı üçün torpaq münbitliyi və keyfiyyət göstəricilərinə dair hazırlanmış təkliflər diqqətə çatdırılacaq.

Ardını oxu...

Əmlak Məsələləri Dövlət Komitəsinin “Kütləvi çıxarış” kampaniyası çərçivəsində “Bakıkhanov Residence” yaşayış kompleksində mənzil sahiblərinə hazır çıxarışlar təqdim olunub

Əmlak Məsələləri Dövlət Komitəsi (ƏMDK) fərdi evlər və torpaq sahələri ilə yanaşı, yeni inşa edilən hündürmərtəbəli binalardakı mənzillərin də sənədləşdirilməsini və çıxarışların verilməsini davam etdirir. Komitənin “Kütləvi çıxarış” kampaniyası birbaşa çoxmərtəbəli yaşayış binalarının həyətində, sakinlərin ünvanında keçirilir. Noyabrın 30-da keçirilən kampaniyada paytaxtın Sabunçu rayonunda yerləşən “Bakıkhanov Residence” yaşayış kompleksində mənzil sahibi olan vətəndaşlar faydalanıb. Yaşayış kompleksinin həyətində komitənin mobil ofislərində 40-a yaxın mənzil sahibinə hazır çıxarışlar təqdim edilib.

Qeyd edək ki, Azərbaycanın, xüsusilə də paytaxt Bakının daşınmaz əmlak bazarında çoxmərtəbəli binalardakı mənzillərin payı sürətlə artmaqda, belə mənzillərin sakinlərinin sayı çoxalmaqdadır. Buna görə də həmin mənzillərin dövlət qeydiyyatı və çıxarışla təmin olunması xüsusi əhəmiyyət daşıyır.

“Bakıkhanov Residence” yaşayış kompleksində kampaniya zamanı çıxarış əldə etmiş sakinlər qeydiyyat xidmətlərindən razılıqlarını bildirib, komitənin bu tədbirini yüksək qiymətləndiriblər.

Ardını oxu...

29 noyabr tarixində dövlət əmlakının özəlləşdirilməsi üzrə növbəti hərrac baş tutub

Əmlak Məsələləri Dövlət Komitəsi tərəfindən 29 noyabr tarixində keçirilmiş növbəti açıq hərracda 19 dövlət əmlakı özəlləşdirilib. Belə ki, bu dəfəki hərracın nəticəsinə əsasən 6 kiçik dövlət müəssisəsi, 3 istifadəsiz qeyri-yaşayış sahəsi, 2 səhmdar cəmiyyəti və 8 nəqliyyat vasitəsi xüsusi mülkiyyətə verilib.

İnvestorlar və əmlak sahibi olmaq istəyən vətəndaşlar hazırda kifayət qədər sadə proseduru icra etməklə belə hərraclara qatıla bilir. Vətəndaş elan olunan hər bir hərrac üzrə komitənin Özəlləşdirmə portalı (privatization.az) üzərindən hərraca çıxarılan əmlaklarla (foto, mətn və xəritə məlumatları) tanış olur. Daha sonra seçdiyi əmlak üzrə “sifariş ver” düyməsini sıxaraq və əmlakın satış qiymətinin 10% məbləğində behi elektron ödəyərək hərracda iştirakçı statusu qazanır. Xatırladaq ki, hərraclar barədə elanlar, eyni zamanda, komitənin rəsmi internet səhifəsində və facebook hesabında da əks olunur.

Ardını oxu...

Dövlət əmlakının özəlləşdirilməsi üzrə 27 dekabrda keçiriləcək növbəti hərraca 115 əmlak çıxarılıb

Əmlak Məsələləri Dövlət Komitəsi tərəfindən 27 dekabr tarixində dövlət əmlakının özəlləşdirilməsi üzrə yeni hərrac keçiriləcək. Vətəndaşların və potensial investorların bu hərracda özəlləşməyə çıxarılan 115 dövlət əmlakına sahib olmaq imkanı var. Hərracda iştirak və əmlaka yiyələnmək üçün cəmi 2 sadə prosedur yetərlidir. Bunun üçün sadəcə Özəlləşdirmə portalına (privatization.az) daxil olub, əmlakı seçib sifariş vermək və 10% məbləğində behi elektron qaydada ödəmək zəruridir. Bu dəfəki hərracda vətəndaşlara  24 səhmdar cəmiyyəti, 57 istifadəsiz qeyri-yaşayış sahəsi, 24 kiçik dövlət müəssisə və obyekti, həmçinin 10 nəqliyyat vasitəsini özəlləşdirmək təklif olunur. Qeyd edilməlidir ki, elektron sifarişlər hərracın keçirilməsinə 3 bank günü qalanadək verilməlidir.

Qeyd edək ki, hərrac barədə ictimai məlumatlandırma adıçəkilən portalla yanaşı, həm komitənin rəsmi saytı, həm də facebook səhifəsi vasitəsilə də aparılır. Bundan əlavə, komitənin Özəlləşdirmə portalında onlayn məsləhət pəncərəsi var ki, maraqlı şəxslər əmlaklar və hərrac proseduru barədə istənilən sualı komitəyə ünvanlaya və dərhal cavab ala bilərlər.

Ardını oxu...

Əmlak Məsələləri Dövlət Komitəsinin sədri Kərəm Həsənov Ağdaşda vətəndaşları qəbul edib

Mərkəzi icra hakimiyyəti orqanları rəhbərlərinin regionlarda vətəndaşların qəbulu cədvəlinə uyğun olaraq Əmlak Məsələləri Dövlət Komitəsinin sədri Kərəm Həsənov 26 noyabr 2016-cı il tarixində  Ağdaşda vətəndaşları qəbul edib. Qəbul zamanı Ağdaş, Yevlax rayonları və Mingəçevir şəhərindən olan vətəndaşların müraciətlərinə baxılıb.

İştirak edən vətəndaşların müraciətləri həm özəlləşdirmə, həm də daşınmaz əmlakın sənədləşdirilməsi barədə olub. Belə ki, bir sıra vətəndaş dövlət əmlakının özəlləşdirilməsi prosedurları, dövlət mülkiyyətində olan əmlakların icarəsi barədə müraciət edib. Hərraclarda iştirak, icarədə və ya istifadədə olan kiçik dövlət obyektlərinin özəlləşdirilməsi məsələləri barədə müraciətlər çatdırılıb. Komitə sədri bildirib ki, respublikanın müxtəlif şəhər və rayonlarında yerləşən dövlət əmlaklarının özəlləşdirilməsi üzrə hər həftə açıq hərraclar keçirilir. Belə hərraclarda iştirak prosedurları tamamilə sadə və rahatdır, istənilən vətəndaş iştirak edərək əmlak sahibi ola bilir.

Ardını oxu...

Yeni dövlət müəssisələri özəlləşdirilməyə açıq elan olunub

 

Azərbaycanda dövlət əmlakının özəlləşdirilməsi və bu prosesə yeni investorların cəlb edilməsi sahəsində mühüm addım atılıb. Ölkədə investisiya yatırımı baxımından cəlbedici dövlət müəsssələri özəlləşdirilməyə çıxırılıb.

Azərbaycan Prezidentinin dövlət əmlakının özəlləşdirilməsinin sürətləndirilməsi ilə bağlı 19 iyul 2016-cı il tarixli Fərmanına əsasən Nazirlər Kabineti özəlləşdirilməyə açılan qeyri-profil dövlət müəssisəsi və obyektinin siyahısını təsdiqləyib. Nazirlər Kabinetinin müvafiq Sərəncamı ilə təsdiqlənən siyahıya ümumilikdə 25 dövlət idarə və təşkilatının tabeliyində olan 137 dövlət əmlakı daxildir.

Eyni zamanda, bu əmlaklarla yanaşı, dövlət başçısının adıçəkilən Fərmanının 1.1.1-ci bəndi ilə müəyyən olunmuş siyahıya daxil olmayan və Fərmanın 4.2-ci bəndinə əsasən 215 dövlət müəssisə və obyekti də özəlləşdirilməyə açıq elan olunub. Bununla da, ümumilikdə 352 dövlət müəssisə və obyekti özəlləşdirilməyə açılıb. Bu müəssisələrin siyahısı Əmlak Məsələləri Dövlət Komitəsinin rəsmi internet resursu və privatization.az özəlləşdirmə portalında yerləşdirilib.

Əmlak Məsələləri Dövlət Komitəsinə bu dövlət müəssisəsi və obyektlərinin özəlləşdirilməsi üçün tədbirlərin görülməsi barədə tapşırıq verilib.

Ardını oxu...

Əmlak Məsələləri Dövlət Komitəsi sədrinin Ağdaşda vətəndaş qəbulunun tarixi dəyişdirilib

Mərkəzi icra hakimiyyəti orqanları rəhbərlərinin şəhər və rayonlarda vətəndaşların qəbulu cədvəlinə uyğun olaraq Əmlak Məsələləri Dövlət Komitəsinin sədri cənab Kərəm Həsənovun Ağdaş rayonunda keçiriləcək növbəti vətəndaş qəbulunun vaxtı dəyişdirilərək 26 noyabr 2016-cı il tarixinə keçirilib.

Qəbulda yalnız Ağdaş, Yevlax rayonları və Mingəçevir şəhərindən olan vətəndaşların müraciətlərinə baxılacaqdır. Vətəndaş qəbulu saat 11:00-da Ağdaş rayonunda yerləşən Heydər Əliyev Mərkəzində keçiriləcəkdir.

Qəbulda yuxarıda qeyd olunmuş rayonlardan olan vətəndaşlar iştirak edə bilər və yalnız komitənin fəaliyyət sahələrinə aid olan müraciətlərə baxılacaqdır.

Ardını oxu...

“Daşınmaz əmlak, özəlləşdirmə və investisiyalar” mövzusunda Konfrans keçirilib

RecExpo – Azərbaycanın Beynəlxalq Daşınmaz Əmlak və İnvestisiya Sərgisi çərçivəsində Əmlak Məsələləri Dövlət Komitəsi tərəfindən 23 noyabrda «Baku Expo Mərkəzi»ndə “Daşınmaz əmlak, özəlləşdirmə və investisiyalar” mövzusunda Konfrans keçirilib. Tədbirdə Əmlak Məsələləri Dövlət Komitəsi, İqtisadiyyat Naziriliyi, Vergilər Nazirliyi, Dövlət Gömrük Komitəsi, Azərbaycan Banklar Assosiasiyasının rəsmiləri, nüfuzlu beynəlxalq investisiya və əmlak şirkətlərinin rəhbərləri, ictimai təşkilatlar və media nümayəndələri iştirak edib.

Konfransı açıq elan edən Əmlak Məsələləri Dövlət Komitəsinin sədr müavini Rafiq Cəlilov “Azərbaycanda həyata keçirilən özəlləşdirmə prosesinin hazırkı mərhələsi və gələcək imkanlar” mövzusunda çıxış edib. Sədr müavini nitqində bu beynəlxalq tədbirin ölkəmiz üçün əhəmiyyətini vurğulayıb. Azərbaycan Respublikası Prezidentinin rəhbərliyi ilə ölkədə aparılan uğurlu iqtisadi islahatların fonunda Azərbaycanda hazırda dövlət əmlakının özəlləşdirilməsinin prioritet sahə elan olunduğu qeyd olunub. Sədr müavini ölkəmizdə özəlləşdirmənin tarixi, özəlləşdirmə prosesində yeni yanaşmalar və onun perspektivləri haqqında məlumat verib. Ümummilli lider Heydər Əliyevin rəhbərliyi ilə əsası qoyulan genişmiqyaslı özəlləşdirmə prosesinin ötən müddətdə ölkə iqtisadiyyatının inkişafında oynadığı rolu xüsusilə qeyd olunub. Bunun davamı olaraq Azərbaycan Respublikasının Prezidenti cənab İlham Əliyevin Fərman və tapşırıqları ilə özəlləşdirmə prosesinin keyfiyyətcə yeni mərhələsinin başlandığı, bu prosesin qeyri-neft sektorunun inkişafına töhfəsi diqqətə çatdırılıb.

Ardını oxu...

Bakıda RecExpo Beynəlxalq Daşınmaz Əmlak və İnvestisiya Sərgisinin açılışı olub

Əmlak Məsələləri Dövlət Komitəsi, “ElanExpo” və “Atılım Fuarcılık” şirkətlərinin birgə təşkilatçılığı ilə 22 noyabr 2016-cı il tarixində «Baku Expo Mərkəzi»ndə RecExpo – Azərbaycanın Beynəlxalq Daşınmaz Əmlak və İnvestisiya Sərgisinin açılış tədbiri keçirilib. Tədbirdə Əmlak Məsələləri Dövlət Komitəsinin sədri Kərəm Həsənov, bir sıra xarici dövlətlərin ölkəmizdəki səfirləri, nüfuzlu investisiya, tikinti, inşaat və əmlak şirkətlərinin rəhbərləri iştirak edib.

Dünyanın 10 ölkəsindən olan 50-dən çox daşınmaz əmlak şirkətləri, investisiya qurumları və digər təşkilatların iştirak etdiyi Sərgi 24 noyabr tarixinədək davam edəcək. Türkiyə, BƏƏ, Macarıstan, Rusiya, İspaniya, Portuqaliya, Lüksemburq, Kipr, Gürcüstan, Ukrayna kimi ölkələrdən 30-a yaxın xarici şirkət Sərgiyə qatılacaqdır. Türkiyədən – Əmlak Konut, Ağaoglu, Tahincioğlu, Onur Park, EMS Yapi, BƏƏ-dən – Asteco, Aqua Properties, The First Group kimi iri şirkətlər iştirak edəcəklər.

Sərginin 2-ci günü – 23 noyabr tarixində, saat 14:00-da “Bakı Expo Mərkəzi”ndə “Daşınmaz əmlak, özəlləşdirmə və investisiyalar” mövzusunda Konfrans keçiriləcək. 

Ardını oxu...

Əmlak Məsələləri Dövlət Komitəsi 22 noyabr tarixində növbəti hərrac keçirib

Əmlak Məsələləri Dövlət Komitəsi 22 noyabr tarixində keçirdiyi növbəti açıq hərracda 16 dövlət əmlakı özəlləşdirilib. Bunun 2-si istifadəsiz qeyri-yaşayış sahəsi, 12-si kiçik dövlət müəssisəsi, 2-si səhmdar cəmiyyəti olub. Hərrac nəticəsində dövlət büdcəsinə 2,1 milyon manatdan çox vəsaitin dövlət büdcəsinə köçürülməsi təmin ediləcəkdir.

Hərraca çıxarılan əmlaklar barədə elanlar və təfərrüatlı məlumatlar komitənin Özəlləşdirmə portalında (privatization.az) əks olunur. Əmlaka sifariş vermək istəyən vətəndaş portala daxil olaraq əmlak barədə foto, mətn və xəritə məlumatları ilə tanış ola və elektron sifarişini verə bilər. Hərraclar barədə elanlar, həmçinin komitənin mütəmadi yenilənən rəsmi internet səhifəsində və facebook hesabında da ictimaiyyətə açıqlanır. Bu informasiya resurslarını izləməklə hər həftə hərraca çıxarılan əmlaklarla rahat və çevik şəkildə tanış olmaq mümkündür.

Açıq və şəffaf şəraitdə keçirilmiş bu dəfəki hərracda vətəndaşlar və media nümayəndələri iştirak edərək hərracın gedişatını əyani izləyiblər.

Ardını oxu...

Əmlak Məsələləri Dövlət Komitəsi tərəfindən 20 dekabrda keçiriləcək hərraca 84 dövlət əmlakı çıxarılıb

Əmlak Məsələləri Dövlət Komitəsi tərəfindən 20 dekabr tarixində keçirilməsi nəzərdə tutulan yeni hərrac elan olunub. Bu hərraca ümumilikdə 84 dövlət əmlakı olmaqla 23 səhmdar cəmiyyəti, 26 kiçik dövlət müəssisə və obyekti, 32 istifadəsiz qeyri-yaşayış sahəsi və 3 nəqliyyat vasitəsi çıxarılıb.

Qeyd edək ki, hərrac barədə informasiyalar komitənin rəsmi internet səhifəsi, Özəlləşdirmə portalı (privatization.az) və facebook səhifəsində yerləşdirilib. Mütəmadi yenilənən bu internet resursları vasitəsilə həm hərraca çıxarılan və həm də baş tutmuş hərraclarda satılmış əmlaklar haqqında məlumat almaq mümkündür.

Hərracda əmlak sahibi olmaq istəyən vətəndaşın cəmi 2 sadə proseduru yerinə yetirməsi kifayətdir.  Birinci komitənin elektron xidmətlər portalı vasitəsi ilə sifariş verilir, ikinci mərhələdə isə əmlakın satış qiymətinin 10%-i məbləğində behi ödənilməklə hərracda iştirakçı statusu qazanılır. Qeyd edilməlidir ki, sifarişlər hərracın keçirilməsinə 3 bank günü qalanadək verilməlidir.

Ardını oxu...

22 noyabr 2016-cı il tarixində «Baku Expo Mərkəzi»ndə RecExpo II – Azərbaycanın Beynəlxalq Daşınmaz Əmlak və İnvestisiya Sərgisi keçiriləcək

Əmlak Məsələləri Dövlət Komitəsi, “ElanExpo” və “Atılım Fuarcılık” şirkətlərinin birgə təşkilatçılığı ilə 22 noyabr 2016-cı il tarixində «Baku Expo Mərkəzi»ndə RecExpo II – Azərbaycanın Beynəlxalq Daşınmaz Əmlak və İnvestisiya Sərgisi keçiriləcək. Dünyanın 10-a yaxın müxtəlif ölkəsinin nüfuzlu əmlak, tikinti və investisiya şirkətlərinin iştirak etdiyi Sərgi 24 noyabr tarixinədək davam edəcək.

Sərginin əsas məqsədi Azərbaycanda daşınmaz əmlak bazarının canlandırılması, bu sahəyə yatırılan yerli və xarici investisiyaların həcminin artırılmasıdır. Sərgi daşınmaz əmlak bazarı ilə bağlı mövcud investisiya mühitinin xarici investorlara nümayiş etdirilməsi və sərmayəçilərin ölkədə həyata keçirilən özəlləşdirmə prosesinə cəlb edilməsinə şərait yaradır.

23 noyabr saat 14:00-da isə «Baku Expo Mərkəzi»ndə “Daşınmaz əmlak, özəlləşdirmə və investisiyalar” mövzusunda böyük konfrans baş tutacaq.

Ardını oxu...

“Daşkəsən Filizsaflaşdırma” ASC-nin dövlətə məxsus səhmləri investisiya müsabiqəsinə çıxarılıb

“Azərbaycan Respublikasının metallurgiya kompleksində sağlamlaşdırma və restrukturizasiya tədbirlərinin həyata keçirilməsi haqqında” Azərbaycan Respublikası Prezidentinin 13 iyul 2016-cı il tarixli 2198 nömrəli Sərəncamının icrası ilə əlaqədar Əmlak Məsələləri Dövlət Komitəsi “Daşkəsən Filizsaflaşdırma” Açıq Səhmdar Cəmiyyətinin dövlətə məxsus səhmlərinin özəlləşdirilməsinə dair investisiya müsabiqəsi elan edib.

Mövcud qanunvericiliyə uyğun olaraq aidiyyəti dövlət qurumlarının nümayəndələrindən ibarət müsabiqə komissiyası investisiya müsabiqəsinin əsas şərtlərini müəyyən etmişdir. Şərtlər müəyyən edilərkən özəlləşdirmənin ölkənin strateji maraqlarına uyğun və daha səmərəli keçirilməsi üçün prosesə cəlb olunmuş məsləhətçi şirkətin tövsiyələri nəzərə alınmışdır. İnvestisiya müsabiqəsi ilə bağlı elan Komitənin rəsmi internet səhifəsi və Özəlləşdirmə portalında (privatization.az) yerləşdirilmiş, eləcə də “Respublika” qəzetinin 17 noyabr 2016-cı il tarixli, 254 (5705) nömrəli sayında dərc edilmişdir. Elanda səhmdar cəmiyyətinin maliyyə, iqtisadi və texniki göstəriciləri barədə ətraflı məlumatlar əks olunmuşdur.

Ardını oxu...

 
 
 

Sorğu

Daşınmaz əmlakın qiymətləndirilməsi xidməti barədə məlumatlısınızmı?