Daşınmaz əmlakın qeydiyyatı ilə yanaşı, torpaq idarəçiliyində də “bir pəncərə” prinsipi uğurla tətbiq edilir

Əmlak Məsələləri Dövlət Komitəsinin həyata keçirdiyi “bir pəncərə” prinsipi nəinki daşınmaz əmlak və torpaqların qeydiyyatında, eyni zamanda torpaq idarəçiliyi ilə bağlı məsələlərin həllində də uğurla tətbiq edilir. Belə ki, həm çıxarışların verilməsi, texniki sənədlərin tərtibi, həm də torpaqların istifadəsi, icarəsi, mülkiyyətə verilməsi, koordinatların uyğunluğu kimi torpaq məsələlərində rəylərin alınması “bir pəncərə”də həll olunur. Eyni zamanda, torpaqların kateqoriyaya aid edilməsi, bir kateqoriyadan digərinə keçirilməsi və digər torpaq məsələləri ilə bağlı müvafiq rəylərin verilməsi, sənədlərin alınması da bu prinsip əsasında həyata keçirilir. Beləliklə, respublika üzrə torpaq münasibətlərinin tənzimlənməsi və mülkiyyət hüquqlarının təmin olunmasında vətəndaş iştirakı tələb olunan bütün hüquqi əməliyyatlar bir ünvanda – Daşınmaz Əmlakın Dövlət Reyestri Xidmətinin müvafiq ərazi idarələrində aparılır.

Ardını oxu...

Əmlak Məsələləri Dövlət Komitəsində 2015-ci ilin yanvar-sentyabr aylarında görülmüş işlərə və qarşıda duran vəzifələrə dair müşavirə keçirilib

 Əmlak Məsələləri Dövlət Komitəsi tərəfindən 13 oktyabr tarixində  2015-ci ilin yanvar-sentyabr aylarında görülmüş işlər və qarşıda duran vəzifələrə dair geniş müşavirə keçirilib.

Komitə sədri Kərəm Həsənov giriş sözü ilə müşavirəni açıq elan edib. Azərbaycan Respublikası Prezidenti möhtərəm cənab İlham Əliyev tərəfindən reallaşdırılan sosial-iqtisadi islahatlar çərçivəsində daşınmaz əmlak idarəçiliyinin təkmilləşdirilməsi sahəsində də ardıcıl tədbirlərin həyata keçirildiyi qeyd olunub. Bildirilib ki, dövlət başçısı tərəfindən daşınmaz əmlak və torpaq münasibətlərinin tənzimlənməsində vahid idarəçiliyin və müasir yanaşmaların tətbiqi ilə bağlı komitə qarşısında  yeni vəzifə və funksiyalar müəyyən edilib.

Ardını oxu...

“Kütləvi çıxarış” kampaniyası Siyəzəndə

 Əmlak Məsələləri Dövlət Komitəsi tərəfindən artıq 1 ilə yaxındır  ki, davam etdirilən “kütləvi çıxarış” kampaniyası 7 oktyabr  tarixində Siyəzən rayonunda keçirilib.

 “Kütləvi çıxarış” kampaniyasının başlıca məqsədi vətəndaşın  xidmətə çatması deyil, xidməti vətəndaşa çatdırmaq, vaxta  qənaət, rahatlıq və çevikliyi təmin etməkdir. Qeydiyyat  xidmətlərini bilavasitə yerlərdə və ünvanlarda “bir pəncərə”  prinsipi əsasında əhaliyə təqdim etməklə vətəndaşların  kampaniyadan geniş faydalanmasına nail olmaqdır.

 Qeyd edək ki, kampaniya çərçivəsində komitənin yenicə  tətbiqinə başladığı “bir pəncərə” prinsipi ətraflı izah olunub.  Bildirilib ki, artıq torpaq sahələrinin və daşınmaz əmlakların qeydiyyatı yalnız bir ünvanda – Daşınmaz Əmlakın Dövlət Reyestri Xidmətinin ərazi idarələrində aparılır. Kadastr sənədləri, texniki inventarlaşdırma, plan-ölçü sənədlərinin əldə olunması üçün əlavə qurumlara müraciətlər və vaxt itkisi tamamilə aradan qaldırılıb.

Ardını oxu...

Əmlak Məsələləri Dövlət Komitəsi daşınmaz əmlak/torpaq idarəçiliyi ilə bağlı növbəti beynəlxalq tədbirə ev sahibliyi edəcək

Əmlak Məsələləri Dövlət Komitəsi tərəfindən BMT Avropa İqtisadi Komissiyası və BMT Ərzaq və Kənd Təsərrüfatı Təşkilatı ilə birgə əməkdaşlıq çərçivəsində 29–30 oktyabr 2015-ci il tarixlərində Bakı şəhərində “BMT AİK regionu üzrə daşınmaz əmlak/torpaq idarəçiliyində sahəvi reyestrlərin rolu” mövzusunda beynəlxalq tədbir keçiriləcəkdir.

Komitənin fəaliyyətində BMT-nin Avropa İqtisadi Komissiyası (AİK) və digər əlaqədar təşkilatları, Dünya Bankı, inkişaf etmiş ölkələrin müvafiq qurumları ilə əməkdaşlıq əlaqələri önəmli yer tutur. Daşınmaz əmlakın və torpaq sahələrinin dövlət qeydiyyatı və kadastrı, dövlət əmlakının idarə edilməsi və özəlləşdirilməsi sahəsində qabaqcıl beynəlxalq təcrübə öyrənilir və ölkəmizdə tətbiqi istiqamətində ardıcıl işlər həyata keçirilir.

Bu baxımdan, Əmlak Məsələləri Dövlət Komitəsinin ev sahibliyi etdiyi bu beynəlxalq tədbir nəinki ölkəmiz üçün, habelə beynəlxalq müstəvidə mühüm əhəmiyyət kəsb edir. Tədbirin məqsədi BMT AİK-ə üzv olan 56 dövlətdə daşınmaz əmlak/torpaq idarəçiliyi çərçivəsində sahəvi reyestr və kadastrların (daşınmaz əmlak, torpaq, meşə, su, ünvan və s.) aparılması prinsipləri, bu sahədəki qanunvericilik bazası, reyestrlərdəki məlumatların elektron uçotu üzrə informasiya sistemlərinin qurulması qaydaları, elektron xidmətlər və sahəvi reyestrlərin qarşılıqlı təması ilə bağlı ölkə təcrübələrinin mübadiləsidir. Eyni zamanda, Azərbaycan reallığı üçün aktual hesab edilən bir sıra digər istiqamətlərdə təcrübələrin təqdim olunması, mövcud çətinliklər və onların həlli yolları, habelə bu sahədə birgə fəaliyyət imkanları haqqında geniş müzakirələrin aparılmasından ibarətdir.

Tədbirdə BMT AİK-ə üzv dövlətlərin, eləcə də müxtəlif regional və beynəlxalq təşkilatların, yerli icra hakimiyyəti orqanlarının, işgüzar dairələrin, habelə xarici ölkələrin Azərbaycan Respublikasında fəaliyyət göstərən səfirliklərinin nümayəndələrinin iştirakı nəzərdə tutulmuşdur. 

Tədbirdə iştirak etmək istəyən KİV nümayəndələri aşağıdakı ünvana müraciət edə bilərlər:

 

Ünvan: Bakı şəhəri, AZ 1025, Y.Səfərov küçəsi, 50

Əlaqə telefonu: (012) 490 24 08 (daxili 111)

 

Aşağıdakı link vasitəsi ilə beynəlxalq tədbirlə ətraflı tanış ola bilərsiniz:

http://emdk.gov.az/index.php/az/wpla-workshop

Daşınmaz əmlakların və torpaqların qeydiyyatında “bir pəncərə” prinsipinin tətbiqinə başlanılıb

Əmlak Məsələləri Dövlət Komitəsi fəaliyyət istiqamətləri üzrə sosial amillərin, vətəndaş məmnunluğunun, habelə xidmətlərdə əlçatanlığın daha da artırılması məqsədilə  daşınmaz əmlakların, o cümlədən torpaq sahələrinin qeydiyyatı, daşınmaz əmlakın texniki inventarlaşdırılması və texniki sənədlərin tərtibində “bir pəncərə” prinsipinin  tətbiqinə başlayıb.

Artıq bələdiyyələr, vətəndaşlar, fiziki və hüquqi şəxslər onlara məxsus daşınmaz əmlakı və torpaq sahələrini yalnız bir ünvanda – komitənin Daşınmaz Əmlakın Dövlət Reyestri Xidmətinin ərazi idarələrində qeydiyyata aldıra bilirlər. Bununla da, torpaqların ilkin qeydiyyatı zamanı bir neçə ünvana müraciət etmək, uzun vaxt sərf etmək zərurəti aradan qalxıb.  “Bir pəncərə” prinsipinin tətbiqi ilə bütün sənədləşdirmə prosesi, kadastr məsələləri, çöl-ölçmə işləri, texniki inventarlaşdırma, elektron və faktiki məlumatların dəqiqləşdirilməsi, torpaqların təyinatından irəli gələn tələblərə riayət olunması ilə bağlı məsələlər bir ünvanda həll olunur. Bu isə daşınmaz əmlakın qeydiyyatında şəffaflıq, operativlik və rahatlığın əhəmiyyətli dərəcədə artmasına, qeydiyyatın sürətlənməsinə şərait yaradıb.

Ardını oxu...

“Daşınmaz Əmlakın Qeydiyyatı Layihəsi”nin başa çatması ilə əlaqədar İctimai Təqdimat keçirilib

Əmlak Məsələləri Dövlət Komitəsi 23 sentyabr 2015-ci il tarixində Azərbaycan Hökuməti ilə Dünya Bankı arasında bağlanmış müqaviləyə əsasən icra olunmuş “Daşınmaz Əmlakın Qeydiyyatı Layihəsi”nin başa çatması ilə əlaqədar yekun İctimai Təqdimat keçirib. Tədbirdə Komitənin Aparatı və tabeli qurumları, Maliyyə Nazirliyi, Ədliyyə Nazirliyi, İqtisadiyyat və Sənaye Nazirliyi, Dünya Bankının Bakıya gəlmiş missiyasının nümayəndələri, Dünya Bankının Bakı ofisi, cəlb olunmuş partnyor təşkilatlar və media nümayəndələri iştirak ediblər.

Tədbir 2007-ci ildən etibarən həyata keçirilən və bu il yekunlaşan Layihə çərçivəsində daşınmaz əmlakın qeydiyyatı və kadastrı, dövlət əmlakının idarə edilməsi və reyestri, torpaq kadastrı, informasiya-kommunikasiya sistemlərinin qurulması, modern idarəetmə, hüquqi maarifləndirmə, daşınmaz əmlakın monitorinqi və qiymətləndirilməsi ilə bağlı görülmüş işlər və əldə olunmuş nailiyyətlərə həsr olunub.

Ardını oxu...

Kütləvi İnformasiya Vasitələrinin nəzərinə!.

23 sentyabr 2015-ci il, saat 09:30-da Əmlak Məsələləri Dövlət Komitəsinin yanında Daşınmaz Əmlakın Dövlət Reyestri Xidmətinin mərkəzi aparatının inzibati binasında (Bakı şəhəri, Hüseyn Cavid prospekti, 31 ünvanında, Elmlər Akademiyası metro stansiyasının arxası) Azərbaycan Hökuməti ilə Dünya Bankının həyata keçirdiyi “Azərbaycanda Daşınmaz  Əmlakın  Qeydiyyatı  Layihəsi”nin başa çatması ilə bağlı fəaliyyəti dövründə görülmüş işlərə dair yekun İctimai Təqdimat keçiriləcəkdir. Tədbir Dünya Bankının dəstəyi ilə həyata keçirilən qeydiyyat sisteminin daha da şəffaflaşdırılması və xidmətlərin müasirləşdirilməsi, bu sahədə İT sistemlərinin tətbiqi, elektron xidmətlərin geniş istifadəyə verilməsi və daşınmaz əmlakların, o cümlədən torpaqların elektron kadastr məlumat bazasının və rəqəmsal xəritələrinin hazırlanması istiqamətində görülən işlərə həsr olunub. 

Ardını oxu...

Əmlak Məsələləri Dövlət Komitəsinin sədri Kərəm Həsənov Beyləqanda vətəndaş qəbulu keçirib

Azərbaycan Respublikasının Prezidenti cənab İlham Əliyevin tapşırıqlarına uyğun olaraq, Əmlak Məsələləri Dövlət Komitəsinin sədri Kərəm Həsənov 18 sentyabrda Beyləqandə vətəndaşları qəbul edib. Heydər Əliyev Mərkəzində təşkil olunmuş qəbulda Beyləqan, Füzuli, Ağcabədi və İmişli rayonlarından olan vətəndaşların müraciətlərinə baxılıb. 

Vətəndaşlar əsasən daşınmaz əmlakın qeydiyyatı, o cümlədən torpaq sahələrinin dövlət qeydiyyatı ilə bağlı müraciət ediblər. Bir çox vətəndaşın müraciəti onlara ayrılmış torpaq sahələri, fərdi həyət evləri və mənzillər, kommersiya məqsədilə istifadə etdikləri qeyri-yaşayış sahələrinə dövlət qeydiyyatı sənədlərinin alınması ilə bağlı olub.

Ardını oxu...

Əmlak Məsələləri Dövlət Komitəsinin sədri Kərəm Həsənov Beyləqanda vətəndaş qəbulu keçirəcəkdir

Mərkəzi icra hakimiyyəti orqanları rəhbərlərinin şəhər və rayonlarda vətəndaşların qəbulu cədvəlinə uyğun olaraq Əmlak Məsələləri Dövlət Komitəsinin sədri Kərəm Həsənov tərəfindən 18 sentyabr  2015-ci il tarixində Beyləqan rayonunda vətəndaş qəbulu keçiriləcəkdir. Qəbulda Beyləqan, Ağcabədi, Füzuli və İmişli rayonlarından olan vətəndaşların müraciətlərinə baxılacaqdır. Vətəndaş qəbulu saat 11:00-da Beyləqan şəhərində  yerləşən Heydər Əliyev Mərkəzində keçiriləcəkdir.

Qəbulda yuxarıda qeyd olunmuş rayonlardan olan vətəndaşlar iştirak edə bilər və yalnız komitənin fəaliyyət sahələrinə aid olan müraciətlərə baxılacaqdır.

Qəbula yazılmaq istəyən vətəndaşlar komitənin Bu email ünvanı spambotlardan qorunur. Onu görmək üçün JavaScripti qoşmaq lazımdır. elektron ünvanına yaza və aşağıdakı nömrələrlə əlaqə saxlaya bilərlər:

Komitənin Aparatı: (012) 490 24 08 (daxili 105, 102 və 349)

Daşınmaz Əmlakın Dövlət Reyestri Xidmətinin 6 saylı ərazi idarəsi: (02122) 5-33-67, (02122) 5-33-41

Yeni onlayn xidmətlər daşınmaz əmlakın alqı-satqısını tamamilə sadələşdirib


Əmlak Məsələləri Dövlət Komitəsi xidmətlərdə vətəndaş məmnunluğu, əlçatanlıq və rahatlığın təmin olunması məqsədilə innovasiyaların tətbiqini davam etdirir. Xidmətlərin sürətlə elektron müstəviyə keçməsi, vaxt və rahatlıq amilinə maksimum diqqət, idarə-vətəndaş təmasının azalması daşınmaz əmlakın qeydiyyatına kütləvi marağı təmin edib.

Komitənin yeni onlayn xidmətlərinin tətbiqi nəticəsində daşınmaz əmlakın təkrar qeydiyyatı prosesi tamamilə sadələşib. Təkrar bazarda alqı-satqı əməliyyatı zamanı əvvəllər müəyyən müddət alan prosedurlar indi aradan qalxıb. Vətəndaşların əvvəllər qeydiyyatla bağlı vaxt sərf etdikləri hüquqi hərəkətlər indi onlayn rejimdə baş verir. Bununla da vətəndaşın qeydiyyat idarəsinə getmək, orada sənəd gözləmək və ya sənəd almaq üçün müraciət etməsinə ehtiyac qalmayıb. Komitənin elektron, SMS və onlayn xidmətləri məhz belə prosedurların aradan qaldırılması üçün yaradılıb.

Ardını oxu...

“Kütləvi çıxarış” kampaniyası Zərdabda

Əmlak Məsələləri Dövlət Komitəsinin rahat və operativ xidməti olan “kütləvi çıxarış” kampaniyasından 4 sentyabr tarixində Zərdab rayon sakinləri yararlanıb. Kampaniyanın əsas cəhəti qeydiyyat xidmətlərini bilavasitə yerlərdə və ünvanlarda əhaliyə çatdırmaqla sosiallığın və xidmətlərdə vətəndaş amilinin, habelə əlçatanlığın artırılmasıdır.

“Kütləvi çıxarış” kampaniyasının regionlarda təşkilinin başlıca məqsədi vətəndaşın xidmətə çatması deyil, xidməti vətəndaşa çatdırmaq, vaxta qənaət, rahatlıq və çevikliyi təmin etməkdir.

Kampaniyanın Zərdab rayonunda keçirildiyi müddət ərzində 400-ə yaxın sakinə daşınmaz əmlakın qeydiyyatı ilə bağlı xidmətlər göstərilib. Belə ki, 240-a yaxın vətəndaşa dövlət reyestrindən çıxarış verilib, 160-a yaxın vətəndaşdan daşnmaz əmlaka, həmçinin torpağa dair qeydiyyat üçün zəruri sənədlər qəbul edilib.

Ardını oxu...

Əmlak Məsələləri Dövlət Komitəsi torpaqların mühafizə zonaları ilə bağlı tələblərə riayət olunmasına nəzarəti gücləndirir

Məlum olduğu kimi, Əmlak Məsələləri Dövlət Komitəsi torpaqların mühafizəsi, təyinatı üzrə istifadəsi, o cümlədən qanunvericiliklə müəyyən edilmiş mühafizə zonalarına düşən torpaq sahələrindən istifadəyə nəzarəti həyata keçirir.  Komitənin yeni Əsasnaməsilə, Azərbaycanda torpaqlardan istifadə və onların mühafizəsinə nəzarət üzrə dövlət müfəttişi statusu müəyyən edilib. Bu məqsədlə dövlət müfəttişləri tərəfindən mütəmadi qaydada Bakı şəhərində və ətraf ərazilərdə  monitorinq və müşahidələr aparılır, aşkar edilmiş qanun pozuntuları ilə bağlı qanunvericiliyə uyğun olaraq tədbirləri həyata keçirilir.

Həyata keçirilmiş monitorinqlərin nəticəsi göstərir ki, bu sahədə ən çox rast gəlinən problemlər torpaqlardan təyinatı üzrə olmayan istifadə, özbaşına tikililər, eləcə də mühafizə zonalarında qanunsuz tikililərin inşa edilməsidir. Bəzi hallarda vətəndaşlar qanunvericiliyi bilərəkdən pozurlar, bəzən isə insanlar mühafizə zonaları ilə bağlı qadağa və tələblərdən məlumatsız olurlar.

Ardını oxu...

Əmlak Məsələləri Dövlət Komitəsinin sədri Kərəm Həsənov Göygöldə vətəndaşları qəbul edib

Ölkə Prezidenti cənab İlham Əliyevin dövlət qurumları tərəfindən göstərilən xidmətlərdə şəffaflıq və məmnunluğun təmin edilməsi, vətəndaşların müraciətlərinə qayğı və həssaslıqla yanaşılması, bu zaman ədalət prinsipinin təmin olunması ilə bağlı tapşırıqları Əmlak Məsələləri Dövlət Komitəsi tərəfindən daim diqqətdə saxlanılır, bu məqsədlə vətəndaşların bölgələrdə qəbulu davam etdirilir.
Azərbaycan Respublikası Prezidentinin tapşırığına uyğun olaraq, mərkəzi icra hakimiyyəti orqanlarının rəhbərləri tərəfindən bölgələrdə vətəndaşların qəbulu cədvəlinə uyğun olaraq avqustun 14-də Əmlak Məsələləri Dövlət Komitəsinin sədri Göygöldə vətəndaşları qəbul edib. Göygöl rayonu Heydər Əliyev Mərkəzində təşkil olunmuş qəbulda Gəncə şəhəri, Göygöl, Samux, Daşkəsən, Şəmkir, Samux və Kəlbəcər rayonlarından olan vətəndaşların müraciətlərinə baxılmışdır.

Ardını oxu...

“Əmlak Məsələləri Dövlət Komitəsinin torpaq münasibətlərinin tənzimlənməsi və torpaq bazarının təşkilində aidiyyəti dövlət qurumları və bələdiyyələrlə fəaliyyətinin koordinasiyası” mövzusunda Bakı şəhərində İşgüzar Forum keçirilmişdir

Əmlak Məsələləri Dövlət Komitəsi tərəfindən 14 avqust tarixində Bakıda torpaq münasibətlərinin tənzimlənməsində vahid dövlət idarəçiliyi və torpaq bazarının təşkilinə dair İşgüzar Forum keçirilib.

Forumda Əmlak Məsələləri Dövlət Komitəsinin rəhbərliyi, Ədliyyə Nazirliyinin Bələdiyyələrlə İş Mərkəzinin, Bakı şəhəri və rayon icra hakimiyyətlərinin rəhbər vəzifəli işçiləri, bələdiyyə sədrləri və üzvləri, ictimai təşkilatlar və mətbuat nümayəndələri iştirak ediblər. 

Qeyd olunmalıdır ki, belə forumların keçirilməsinə iyulun əvvəlindən başlanılıb.  İndiyədək Şirvan, Ucar, Şamaxı, Sumqayıt, Mingəçevir, Gəncə, Qazax, Bərdə, Beyləqan və Xaçmazda belə forumlar artıq keçirilib.

İşgüzar Forumların keçirilməsinin əsas məqsədi torpaqların vahid mərkəzdən dövlət idarəçiliyinin prinsip və mexanizmlərini, habelə dövlət torpaqlarının daha səmərəli mühafizəsi və istifadəsinə dövlət nəzarətinin həyata keçirilməsi istiqamətində görülən işlərin açıqlanmasıdır.

Bununla yanaşı forumlarda torpaqlardan kateqoriyası və təyinatına zidd istifadə hallarının qarşısının alınması istiqamətində görülən işlərin tədbir iştirakçılarına çatdırılması və bu sahədə birgə işlərin koordinasiyasıdır. Eyni zamanda belə tədbirlər vasitəsi ilə komitənin yeni əsasnaməsi ilə yaradılmış və artıq fəaliyyət göstərən torpaq müfəttişləri, habelə torpaq bazarının təşkili istiqamətində komitənin fəaliyyəti barədə aidiyyəti dövlət orqanları, bələdiyyələr və ictimaiyyətin məlumatlandırması həyata keçirilir.

 

Ardını oxu...

Əmlak Məsələləri Dövlət Komitəsinin sədri Kərəm Həsənovun Göygöl rayonunda növbəti vətəndaş qəbulu keçiriləcəkdir

Mərkəzi icra hakimiyyəti orqanları rəhbərlərinin şəhər və rayonlarda vətəndaşların qəbulu cədvəlinə uyğun olaraq Əmlak Məsələləri Dövlət Komitəsinin sədri Kərəm Həsənovun 28 avqust 2015-ci il tarixində Göygöl rayonunda keçirəcəyi vətəndaş qəbulu 14 avqust 2015-ci il tarixinə keçirilmişdir. Qəbulda Göygöl, Gəncə, Samux, Daşkəsən, Şəmkir və Kəlbəcər rayonlarından olan vətəndaşların müraciətlərinə baxılacaqdır. Vətəndaş qəbulu saat 11:00-da Göygöl şəhərində yerləşən Heydər Əliyev Mərkəzində keçiriləcəkdir.
Qəbulda yuxarıda qeyd olunmuş rayonlardan olan vətəndaşlar iştirak edə bilər və yalnız komitənin fəaliyyət sahələrinə aid olan müraciətlərə baxılacaqdır.

Ardını oxu...

Əmlak Məsələləri Dövlət Komitəsinin “Kütləvi çıxarış” kampaniyası Balakəndə

Əmlak Məsələləri Dövlət Komitəsinin son bir ildə getdikcə fəaliyyət dairəsini daha da genişləndirən sosial tədbiri olan “kütləvi çıxarış” kampaniyası 7 avqust tarixində Balakən rayonunda xidmət göstərib. Artıq vətəndaşlar bu kampaniyadan “bir pəncərə” prinsipinin tətbiqi ilə daşınmaz əmlakın qeydiyyatı ilə bağlı bütün ilkin xidmətlərdən yararlana bilirlər. Balakəndə də təşkil olunan “kütləvi çıxarış” kampaniyası rayon sakinlərinə daşınmaz əmlakın qeydiyyatı ilə bağlı həm sənədlərin qəbulu, hazır çıxarışların verilməsi və yerlərdə hüquqi yardım xidmətləri göstərib.

Kampaniya əvvəllər yalnız xüsusi sosial təbəqədən olan və əvvəlki illərdə müxtəlif qurumlar tərəfindən verilmiş mülkiyyətə dair sənədlərin çıxarışlarla əvəz olunmasını nəzərdə tuturdusa, indi isə ümumiyyətlə vətəndaşların daşınmaz əmlaklarının dövlət qeydiyyatına alınmasını əhatə edir. Kampaniya ucqar kənd sakinlərinin, rayon, şəhər mərkəzlərinə gələ bilməyən vətəndaşların komitənin mobil ofislərində mülkiyyətə dair sənədlərini təqdim etməsini və çıxarış almasını təmin edir.

“Kütləvi çıxarış” kampaniyasının regionlarda təşkilinin başlıca məqsədi vətəndaşın xidmətə çatması deyil, xidməti vətəndaşa çatdırmaq, vaxta qənaət, rahatlıq və çevikliyi təmin etməkdir.

Qeyd edilməlidir ki, bilavasitə yerlərdə davamlı olaraq təşkil edilən bu kampaniya komitənin mobil ofis xidməti vasitəsi ilə keçirilir. “Kütləvi çıxarış“ kampaniyasından yararlanmaq üçün, artıq hər bir vətəndaşın daşınmaz əmlaklarını qeydiyyata aldırmaq üçün qanunvericiliyə uyğun olaraq “bir pəncərə”də müraciəti qəbul edilir.

Ardını oxu...

Əmlak Məsələləri Dövlət Komitəsində Avropa İttifaqının TAIEX yardım aləti çərçivəsində “Torpaqların idarə edilməsi üzrə monitorinq üsulları” mövzusunda təlim keçirilmişdir

Əmlak Məsələləri Dövlət Komitəsində Avropa İttifaqının TAIEX yardım aləti çərçivəsində “Torpaqların idarə edilməsi üzrə monitorinq üsulları” mövzusunda təlim keçirilmişdir

Əmlak Məsələləri Dövlət Komitəsində Avropa İttifaqının TAIEX yardım aləti çərçivəsində “Torpaqların idarə edilməsi üzrə monitorinq üsulları” mövzusunda təlim keçirilmişdir.
Bu məqsədlə Sloveniyanın Dövlət Torpaq və Xəritəçəkmə Agentliyinin sədr müavini cənab Tomas Petek ölkəmizdə səfərdə olmuşdur. Tədbirdə komitənin yanında Daşınmaz Əmlakın Kadastrı və Ünvan Reyestri Xidməti və Torpaqların Dövlət İdarəetməsinin Təşkili üzrə Dövlət Agentliyinin əməkdaşları iştirak etmişlər.
Bu təlim Sloveniya təcrübəsinə həsr olunmuş torpaqların müasir üsulların tətbiqi ilə səmərəli istifadəsi, mühafizəsi ilə bağlı monitorinqlərin keçirilməsi, torpaqların beynəlxalq təcrübəyə əsasən qiymətləndirilməsi, torpaqların təyinatının dəyişdirilməsinin əsaslandırılması və torpaq idarəçiliyinə həsr olunmuş digər mövzuları əhatə etmişdir.
Qeyd edilməlidir ki, hazırda ölkədə aqrar sahənin inkişafına əhəmiyyətli dərəcədə dəstək verilir. Bu sahədə dövlət və bələdiyyə torpaqlarının təyinatdankənar və səmərəsiz istifadəsi, habelə təyinatının qanunsuz olaraq dəyişdirilməsi hallarının aşkar edilməsi üçün mütərəqqi və çevik beynəlxalq təcrübənin mənimsənilməsinə ehtiyac vardır.
Təlimi aparan Sloveniyanın Dövlət Torpaq və Xəritəçəkmə Agentliyinin sədr müavini cənab Tomas Petek 1991-ci ildə müstəqillik qazandıqdan sonra Sloveniyanın əldə etdiyi torpaq islahatı ilə bağlı təcrübəni geniş şəkildə təlim iştirakçılarına çatdırmışdır.
Seminarda Daşınmaz Əmlakın Kadastrı və Ünvan Reyestri Xidməti və Torpaqların Dövlət İdarəetməsinin Təşkili üzrə Dövlət Agentliyinin əməkdaşları Sloveniya təcrübəsinə həsr edilmiş seminarda bu sahədə Sloveniyanın əldə etdiyi məlumatları yüksək qiymətləndirmişdir. Tədbir iştirakçıları və ekspertin rəyinə görə, Azərbaycanda torpaqların idarə olunmasında Sloveniya təcrübəsi də daxil olmaqla Avropa İttifaqında tətbiq olunan standartlardan istifadə edərək aşağıdakı sahələrdə təkmilləşdirmənin nəzərə alınması zəruri olardı:

Ardını oxu...

Gəncə və Qazaxda torpaqların təyinatı üzrə istifadəsi və torpaq müfəttişlərinin fəaliyyəti ilə bağlı İşgüzar Forumlar keçirilib

Əmlak Məsələləri Dövlət Komitəsi tərəfindən 23 və 24 iyul tarixlərində Gəncə və Qazaxda torpaqların təyinatı üzrə istifadəsi və torpaq müfəttişlərinin fəaliyyəti ilə bağlı yerli icra hakimiyyətləri və bələdiyyələrin iştirakı ilə İşgüzar Forum keçirilib. Forum Gəncə şəhəri, Göygöl, Samux, Daşkəsən, Kəlbəcər, Qazax, Şəmkir, Tovuz, Ağstafa və Gədəbəy rayonlarını əhatə edib.

Tədbirdə Əmlak Məsələləri Dövlət Komitəsinin rəhbərliyi, Forumun əhatə etdiyi rayonların icra hakimiyyətlərinin rəhbərliyi, bələdiyyə sədrləri və üzvləri, ictimai təşkilatlar iştirak ediblər. 

Qeyd edək ki, Forumlara iyulun əvvəlindən start verilib və indiyədək Şirvan, Ucar, Şamaxı, Sumqayıt, Mingəçevir və Şəkidə təşkil olunub.

Məqsəd dövlət torpaqlarının mühafizəsi və qorunmasına vahid dövlət nəzarəti, torpaqların təyinatı üzrə istifadəsi və torpaq müfəttişlərinin fəaliyyəti barədə tədbirlərin açıqlanmasıdır. Eyni zamanda, bu sahədə komitənin fəaliyyətini aidiyyəti dövlət orqanları, bələdiyyələr, hüquqi və fiziki şəxslərlə əlaqələndirmək və bu barədə ictimaiyyəti məlumatlandırmaqdır.

Ardını oxu...

Əmlak Məsələləri Dövlət Komitəsinin sədri Kərəm Həsənov Masallıda vətəndaşları qəbul edib  

Əmlak Məsələləri Dövlət Komitəsinin sədri Kərəm Həsənov 16 iyul 2015-ci il tarixində Masallıda vətəndaşları qəbul edib. Qəbulda Masallı, Yardımlı və Cəlilabad rayonlarından olan vətəndaşların müraciətlərinə baxılıb.

Qəbulda komitə sədri vətəndaşların təklif və xahişlərini dinləyib və bununla bağlı uyğun göstərişlərini verib. Müraciətlər əsasən daşınmaz əmlakın qeydiyyatı, o cümlədən torpaq sahələrinin dövlət qeydiyyatı barədə olub. Bir sıra vətəndaş onlara ayrılmış torpaq sahələri, fərdi həyət evləri və mənzillər, kommersiya məqsədilə istifadə etdikləri qeyri-yaşayış sahələrinə çıxarış alınması ilə bağlı müraciət edib. Həmçinin pay torpaqlarının, kənd təsərrüfatı təyinatlı torpaqların dövlət reyestrində qeydiyyatı ilə bağlı müraciətlər səsləndirilib. Bir neçə vətəndaş isə dövlət əmlakının özəlləşdirilməsi və icarəsi ilə bağlı müraciət edib. Həmçinin, işlə təmin olunma və komitənin səlahiyyətinə aid olmayan məsələlərlə bağlı köməklik göstərilməsi barədə də müraciətlər səslənib.

Ardını oxu...

Daşınmaz əmlakın təkrar qeydiyyatında yeni onlayn xidmət tətbiq ediləcək

Əmlak Məsələləri Dövlət Komitəsi tərəfindən 15 iyul tarixdə “Daşınmaz əmlakın təkrar qeydiyyatında yeni onlayn xidmət” mövzusunda İctimai Təqdimat keçirilib. Tədbirdə Əmlak Məsələləri Dövlət Komitəsinin Aparatı və ərazi idarələrinin, aidiyyəti dövlət qurumlarının, ictimai təşkilatların, bələdiyyələr və notariat orqanlarının, daşınmaz əmlak agentlərinin və mətbuat nümayəndələri iştirak edib.

Yeni onlayn xidmətin tətbiqində məqsəd daşınmaz əmlakın qeydiyyatını daha da sadələşdirmək, qeydiyyat üçün lazım olan prosedurları minimuma endirmək, vaxt itkisini və əlavə müraciəti aradan qaldırmaqdır. Tədbirin digər məqsədi müasir dövrdə elektron əmlak idarəçiliyi sisteminin qurulmasında, məmur-vətəndaş ünsiyyətinin azaldılmasında yeni onlayn xidmətlərin rolu və faydaları barədə ictimaiyyəti məlumatlandırmaqdır.

Tədbiri giriş sözü ilə Əmlak Məsələləri Dövlət Komitəsinin sədr müavini Rafiq Cəlilov açıq elan edib. Bildirilib ki, Azərbaycan Respublikası Prezidentinin tapşırıqlarına uyğun olaraq Komitə tərəfindən xidmət səviyyəsinin yüksəldilməsi, şəffaflığın və çevikliyin daha da artırılması istiqamətində ardıcıl tədbirlər həyata keçirilir.

Ardını oxu...

Əmlak Məsələləri Dövlət Komitəsində 2015-ci ilin birinci yarısında görülmüş işlər və qarşıda duran vəzifələrə dair geniş müşavirə keçirilib

Əmlak Məsələləri Dövlət Komitəsi tərəfindən 2015-ci ilin birinci yarısında görülmüş işlər və qarşıda duran vəzifələrə dair görülmüş işlər və qarşıda duran vəzifələrə dair geniş müşavirə keçirilib.

Əmlak Məsələləri Dövlət Komitəsinin sədri Kərəm Həsənov giriş sözü ilə iclası açıq elan edib. Komitə sədri çıxışında bildirib ki, Azərbaycan Respublikası Prezidenti cənab İlham Əliyevin rəhbərliyi ilə ölkəmizdə bütün sahələrdə uğurlu sosial-iqtisadi islahatlar həyata keçirilir. Dövlət başçısı tərəfindən dövlət qurumlarının qarşısında şəffaflıq və idarəçilikdə modern üsulların tətbiqi, sosial məmnunluğun təmin edilməsi kimi mühüm vəzifələr qoyulub. Dövlət başçısının fərman və sərəncamlarına uyğun olaraq, komitə 2015-ci ilin birinci yarımilliyində fəaliyyət sahələri üzrə bir sıra tədbirlər həyata keçirib. Bu tədbirlərin icrası zamanı qanunçuluq və insan hüquqlarının təmin olunması, informasiya-kommunikasiya texnologiyalarının tətbiqi prioritet təşkil edib.

Ardını oxu...

 
 
 

Sorğu

Elektron çıxarış xidməti barədə məlumatlısınızmı?