Əmlak Məsələləri Dövlət Komitəsinin sədri Kərəm Həsənov Xaçmaz şəhərində vətəndaş qəbulu keçirəcək

Azərbaycan Respublikası Prezidentinin tapşırıqlarına uyğun olaraq, Əmlak Məsələləri Dövlət Komitəsinin sədri Kərəm Həsənov 23 fevral 2018-ci il tarixində Xaçmaz rayonunda vətəndaş qəbulu keçirəcək. Qəbul saat 10:00-da Heydər Əliyev Mərkəzində keçiriləcək. Qəbulda Xaçmaz rayonu ilə yanaşı Quba, Qusar, Şabran rayonlarından olan vətəndaşların müraciətlərinə baxılacaq.

Qəbul zamanı komitənin fəaliyyət istiqaməti üzrə, o cümlədən daşınmaz əmlakın qeydiyyatı, dövlət əmlakının özəlləşdirilməsi, hərraclarda iştirak, dövlət əmlakının icarəyə götürülməsi, torpaq istifadəçiliyi və inzibatçılığı, ünvan məsələləri və bu sahədə bölgələrdə əhalini maraqlandıran digər məsələlərlə bağlı vətəndaşların müraciətlərinə baxılacaqdır.

Ardını oxu...

Məmnunluq prinsipinə xidmət edən “Kütləvi çıxarış” kampaniyası: 150-ə yaxın Ağcabədi sakini heç bir yerə getmədən qeydiyyat xidmətlərindən yararlanıb

Azərbaycan Respublikasının Prezidenti cənab İlham Əliyevin tapşırıqlarının əsas qayəsini dövlət orqanlarının fəaliyyətində şəffaflığın, operativliyin, çevikliyin artırılması, xidmətlərin daha keyfiyyətli, rahat və müasir metodlarla həyata keçirilməsi təşkil edir. Eləcə də, vətəndaşlara göstərilən ictimai xidmətlərdə məmnunluq səviyyəsinin təmin olunması, insan amilinin ön plana çəkilməsi də prioritet vəzifələrdəndir. Tapşırıqlara uyğun olaraq digər sahələrdə olduğu kimi daşınmaz əmlakın qeydiyyatı sahəsində də vətəndaşların xidmətlərə olan əlçatanlığı artırılır, prosedurlar maksimum sadələşdirilir, bu sahədə sosial layihələr reallaşdırılır. Qeyd edilməlidir ki, ərazi və rayon ofisləri ilə yanaşı “Kütləvi çıxarış” kampaniyası və mobil ofis layihələri vasitəsilə də birbaşa olaraq yerlərdə qeydiyyat xidmətləri göstərilir. Kampaniya paytaxtla yanaşı regionları, hətta ucqar kəndləri əhatə edir, tarlalarda, əkin biçin sahələrində, iş yerlərində keçirilir. Ahıl, fiziki imkanları məhdud, tənha şəxslərə yaşadıqları evlərində, mənzillərində qeydiyyat xidmətləri göstərilirik ki, bu da sosial layihəni digərlərindən fərqləndirir. Belə sosial layihələr qeydiyyat xidmətlərini birbaşa ünvanlarda əhaliyə çatdırmaqla, onların işdən ayrılmamasına, vaxt itkisi olmadan çıxarış əldə etməsinə, vətəndaşların razılığına imkan yaradır.

Ardını oxu...

Çin iş adamları üçün Azərbaycandakı mövcud özəlləşdirmə layihələrinə dair təqdimat həyata keçirilib

Azərbaycan Respublikasının Prezidenti cənab İlham Əliyevin tapşırığına uyğun olaraq, yeni bazarlara çıxışın təmin edilməsi ilə bağlı reallaşdırılan tədbirlər çərçivəsində 6 fevral 2018-ci il tarixində Pekində Azərbaycan-Çin biznes forumu keçirilib. Tədbir Azərbaycanda İxracın və İnvestisiyaların Təşviqi Fondunun (AZPROMO), Çinin Kommersiya Nazirliyi və Beynəlxalq Ticarətin Təşviqi üzrə Çin Şurasının birgə təşkilatçılığı ilə baş tutub. Biznes-forumda sənaye, tikinti, nəqliyyat, logistika, investisiya, kimya, tekstil və digər sahələrdə fəaliyyət göstərən iş adamları da iştirak edib.

Forum çərçivəsində ölkə başçısının rəhbərliyi ilə həyata keçirilən islahatların tərkib hissəsi olan özəlləşdirilmə prosesindən də bəhs edilib. Bildirilib ki, Azərbaycan Respublikasının Prezidenti cənab İlham Əliyev tərəfindən imzalanan “Dövlət əmlakının özəlləşdirilməsinin sürətləndirilməsi və idarə edilməsinin səmərəliliyinin artırılması ilə bağlı bəzi tədbirlər haqqında” Fərmana əsasən özəlləşmə prosesində innovasiyalar, yeni yanaşmalar, müasir idarəetmə üsulları tətbiq edilir.

Ardını oxu...

Növbəti hərracda 33 dövlət əmlakı özəlləşdirib: 7 əmlak üzrə 17 sifariş qəbul edilib

Azərbaycan Respublikasının Prezidenti cənab İlham Əliyevin rəhbərliyi ilə ölkəmizdə özəl sektorun rolunun gücləndirilməsi, yeni müəssisələrin yaradılması məqsədilə yerli və xarici investorlar üçün imkanlar daha da genişləndirilir. Bu özünü investisiyaların təşviqinə və qeyri-neft sektorunun dirçəldilməsinə yönələn tədbirlərdə göstərir. Belə ki, iqtisadi bazanın sütunlarından biri olan özəlləşmə prosesi sürətləndirilir, iqtisadiyyatın rəqabətqabiliyyətliliyi təmin edilir. Özəlləşmə prosesi isə daşınmaz əmlak bazarında iqtisadi aktivliyin artmasına imkan verir. Dövlət əmlakının özəlləşdirilməsi ilə bağlı Elektron hərracın tətbiqi, sifarişlərin elektron qaydada verilməsi, paytaxt və regionlar üzrə cəlbedici müəssisələrin özəlləşdirilməyə çıxarılması prosesi isə investor marağını yüksəldir. Keçirilən hərraclar zaman iri investorların, kiçik iş adamlarının, gənclərin, eləcədə qadın sahibkarların fəallığı müşahidə edilir. Bununla da özəlləşdirilmənin sürətlənməsi ilə bağlı aparılan işlər öz nəticəsini verir. Özəlləşmə sayəsində Bakı ilə yanaşı regionlarda yerləşən kiçik müəssisə və obyektlər, sənaye müəssisələri müasir texnologiya ilə təchizatlanır, yenidən fəaliyyəti təmin edilir.

Ardını oxu...

Dövlət əmlakının özəlləşdirilməsi ilə bağlı növbəti hərrac keçiriləcək

Ölkədə iqtisadi fəallığı gücləndirmək və özəl təşəbbüslərə dəstək vermək məqsədilə özəlləşdirilmənin sürətləndirilməsi prosesi dayanıqlığını qoruyub saxlayır. Bu istiqamətdə görülən işlərin dinamikliyini artıran hərracların keçirilməsi isə investorların marağını artırmaqla özəlləşdirilmə sahəsində maksimum operativliyi təmin edir. Dövlət əmlaklarının hərraclar vasitəsilə özəlləşdirilməsi, bu sahədə əlçatanlığın artmasına, iqtisadiyyatın inkişafına edilən effektiv təsir imkanlarının genişlənməsinə imkan verir.

Dövlət əmlakının özəlləşdirilməsi ilə bağlı növbəti hərrac elan olunub. Əmlak Məsələləri Dövlət Komitəsi tərəfindən 13 mart tarixində keçirilməsi nəzərdə tutulan hərraca ümumilikdə 90 dövlət əmlakı çıxarılıb. Bunlardan 18-i səhmdar cəmiyyəti, 29-u kiçik dövlət müəssisə və obyekti, 40-ı istifadəsiz qeyri-yaşayış sahəsi, 3-ü isə nəqliyyat vasitəsidir. Dövlət əmlaklarının çox çeşidli olması investorların həm iri həm də kiçik biznes layihələrinin reallaşdırılmasına imkan verir.

Hərraca çıxarılan əmlaklar haqqında ətraflı məlumatı aşağıdakı linkdən əldə etmək mümkündür:

http://privatization.az/index.php/az/component/content/article?layout=edit&id=3596   

Ardını oxu...

Əmlak Məsələləri Dövlət Komitəsi “Elektron xidmətlərin genişləndirilməsində və inkişafında fəal iştiraka görə” nominasiyası üzrə “Azeri Business Award 2017” Milli Mükafatına layiq görülüb

10 fevral 2018-ci il tarixində nüfuzlu "Business Time" biznes jurnalının təsis etdiyi ənənəvi "Azeri Business Award" Milli Mükafatının təqdimetmə mərasimi keçirilib.

Azeri Business Award İqtisadiyyat və Biznes Sahəsində Milli Mükafatın Təşkilat Komitəsi tərəfindən aparılan araşdırmaların nəticəsi olaraq daşınmaz əmlak idarəçiliyi sahəsində “Elektron xidmətlərin genişləndirilməsində və inkişafında fəal iştiraka görə” nominasiyası üzrə Əmlak Məsələləri Dövlət Komitəsi Azeri Business Award 2017 Milli Mükafatına layiq görülüb.

Azərbaycan Respublikası Prezidenti cənab İlham Əliyevin rəhbərliyi ilə ölkəmizdə  açıq hökumət prinsiplərinin inkişafı çərçivəsində həyata keçirilən “Elektron Hökumət” layihəsinin tətbiqi uğurla davam etdirilir. Dövlət qurumları tərəfindən əhaliyə təqdim edilən ictimai xidmətlərin elektron müstəviyə keçirilməsinin genişləndirilməsi, vətəndaş məmnunluğunun artırılması və əlçatanlığın təmin olunması ilə yanaşı ölkəmizin beynəlxalq İKT reytinqlərində mövqeyinin daha da möhkəmlənməsinə zəmin yaradır.

Ardını oxu...

“Daşkəsən Filizsaflaşdırma” ASC-nin özəlləşdirilməsi istiqamətində əhatəli tədbirlər görülür

Milli iqtisadiyyat və iqtisadiyyatın əsas sektorları üzrə strateji yol xəritələrinin təsdiq edilməsi haqqında Azərbaycan Respublikası Prezidentinin 6 dekabr 2016-cı il tarixli Fərmanına uyğun olaraq, ağır sənaye və maşınqayırmanın inkişaf etdirilməsi istiqamətində Əmlak Məsələləri Dövlət Komitəsi tərəfindən genişmiqyaslı tədbirlər həyata keçirilir. Qeyd edilməlidir ki, metallurgiya və digər iqtisadi sahələrə aid müəssisələrin özəlləşdirilməsi istehsal həcminin artırılması baxımından mühüm əhəmiyyət kəsb edir. Özəlləşən müəssisələr infrastruktur baxımından yenilənir, müasir avadanlıqlarla, yeni texnologiya ilə təchizatlanır. Belə müəssisələrin fəaliyyəti yeni iş yeri yaratmaqla məşğulluq səviyyəsinin artmasına, ixrac potensiallı məhsulların istehsalının çoxalmasına imkan verir. Nəzərə alsaq ki, özəlləşdirilən əksər müəssisələr regionlarda yerləşir, həmçinin bu, bölgələrin sosial-iqtisadi inkişafına da səbəb olur. 

Ardını oxu...

Elektrik stansiyalarının özəlləşdirilmə imkanları nəzərdən keçirilir

Milli iqtisadiyyat və iqtisadiyyatın əsas sektorları üzrə strateji yol xəritələrinin təsdiq edilməsi haqqında Azərbaycan Respublikası Prezidentinin 6 dekabr 2016-cı il tarixli Fərmanına uyğun olaraq,  Əmlak Məsələləri Dövlət Komitəsi prioritet sektorlarda özəlləşmə prosesinin sürətlənməsi istiqamətində mühüm işlər görür, bir çox yeni layihələr reallaşdırır.

“Azərbaycan Respublikasında kommunal xidmətlərin (elektrik və istilik enerjisi, su və qaz) inkişafına dair Strateji Yol Xəritəsi”-nə uyğun olaraq, Komitə tərəfindən elektrik enerjisi sektorunun liberallaşdırılması tədbirləri çərçivəsində elektrik stansiyalarının özəlləşdirilməsi imkanları nəzərdən keçirilir. Bu məqsədlə Komitədə Energetika və İqtisadiyyat nazirlikləri, habelə “Azərenerji” ASC-nin nümayəndələri cəlb olunmaqla işçi qrupu fəaliyyət göstərir.

Ardını oxu...

Hərraclar investorları əmlak sahibi edir

Hüquqi və fiziki şəxslərin, investorların, vətəndaşların daha operativ, optimal şəkildə əmlak sahibi olmaları üçün keçirilən açıq və şəffaf hərraclar davam edir. Bu hərraclarda iştirak edən hər bir sərmayəçi biznes layihələrinə uyğun olaraq özəlləşdirilməyə çıxarılan müxtəlif çeşidli əmlak üzrə seçim imkanı qazanır. Əmlak Məsələləri Dövlət Komitəsi tərəfindən növbəti belə bir hərrac 6 fevral tarixində keçirilib.

Hərracda özəlləşdirilən qeyri-yaşayış sahələri Bakı və Sumqayıt şəhərlərində yerləşir. Bakı üzrə özəlləşən əmlak Nərimanov rayonunda yerləşir. Ümumi faydalı sahəsi 17 kv.m olan əmlakdan ofis, xidmət obyekti kimi istifadə etmək olar. Sumqayıtda yerləşən ümumi faydalı sahəsi 120 kv.m olan obyekt də xidmət sahəsinə aid olmaqla investorlar üçün yaxşı gəlir mənbəyidir.

Ardını oxu...

Növbəti hərraca çıxarılan əmlakların çeşidi daha da artırılıb

Əmlak Məsələləri Dövlət Komitəsi tərəfindən martın 6-da dövlət əmlakının özəlləşdirilməsi ilə bağlı növbəti hərrac keçiriləcək. İnvestorların özəlləşmə prosesinə marağını nəzərə alaraq budəfəki hərraca çıxarılan əmlakların çeşidi artırılıb. Belə ki, növbəti hərraca 177 dövlət əmlakı çıxarılıb. Bunlardan 18-i səhmdar cəmiyyətləri, 42-i kiçik dövlət müəssisəsi, 82-i qeyri-yaşayış sahəsi, 35-i isə nəqliyyat vasitəsidir.  

Hərraca çıxarılan kiçik dövlət müəssisəsi və obyektləri məişət, iaşə, qida, toxuculuq, təmir, sənaye, nəqliyyat və digər sahələrinə  aiddir. Özəlləşməyə çıxarılan əmlaklardan 17-i xidmət, 8-i kənd təsərrüfatı, 5-i iaşə, 6-sı təmir, qalanları isə sənaye sahəsinə aiddir. 

Özəlləşdirilməyə çıxarılan əksər əmlaklar sərmayəçilər üçün yaxşı gəlir mənbəyidir. Belə obyektlərə Gəncə şəhərində yerləşən 69 saylı ictimai iaşəni nümunə kimi göstərmək olar. Adı çəkilən əmlakın ümumi faydalı sahəsi 164,2 kv.m-dir. Həmin obyekt investorlar üçün iaşə sahəsində əlverişlidir.

Bundan başqa xidmət sahəsində də investorları cəlb edəcək əlverişli əmlaklar var. Yevlax şəhərində yerləşən 50 saylı mağaza belə obyektlərdəndir. Adı çəkilən əmlakın ümumi faydalı sahəsi 230 kv.m-ə yaxındır. 

Ardını oxu...

14 rayonda torpaqların kadastr uçotu işləri tamamlanmışdır

Azərbaycan Respublikası Prezidenti cənab İlham Əliyevin rəhbərliyi ilə, torpaq idarəçiliyi və inzibatçılığının yeni iqtisadi prinsiplərə əsasən qurulması və tənzimlənməsi, torpaqların dəqiq uçotunda müasir yanaşmaların, elmi texniki nailiyyətlərin tətbiqi ilə bağlı Fərman və tapşırıqlar verilib. Belə ki, ölkə başçısı tərəfindən 2016-cı il 7 mart tarixli fərmanı ilə Azərbaycan Respublikasında torpaqların elektron kadastr uçotu informasiya sisteminin yaradılması və rəqəmsal kadastr xəritəsinin tərtib olunması qaydaları təsdiq edilmişdir. Əmlak Məsələləri Dövlət Komitəsi bu Fərman və tapşırıqların icrası məqsədilə ardıcıl fəal tədbirlər həyata keçirir. Belə ki, hazırda torpaqların elektron kadastr uçotu informasiya sisteminin yaradılması və rəqəmsal kadastr xəritəsinin tərtib olunması işi aparılır. Bu zaman müasir coğrafi informasiya sistemləri və informasiya-kommunikasiya texnologiyaları tətbiq edilir. Belə işlərin icrası məqsədilə bir çox ölkələrin qabaqcıl təcrübələri öyrənilib. Mülkiyyət növündən və kateqoriyasından asılı olmayaraq bütün torpaqların uçotu aparılır. Sistemdə torpaqların dəqiq sərhədləri, mülkiyyət mənsubiyyəti, kateqoriyası, mühafizə zonaları və digər məlumatlar əksini tapır.

Ardını oxu...

Əmlak Məsələləri Dövlət Komitəsinin sədri Kərəm Həsənov Şamaxıda vətəndaşların müraciətlərini dinləyib

Azərbaycan Respublikasının Prezidentinin tapşırıqlarına uyğun olaraq, Əmlak Məsələləri Dövlət Komitəsinin sədri Kərəm Həsənov 31 yanvar 2018-ci il tarixində Şamaxı şəhərində, Heydər Əliyev Mərkəzində vətəndaş qəbulu keçirib. Qəbulda Şamaxı rayonu ilə yanaşı, Ağsu və Qobustan rayonlarından olan sakinlərin müraciətlərinə də baxılıb.

Qəbulda iştirak edən vətəndaşların müraciətləri əsasən torpaq sahələrinin dövlət qeydiyyatı, torpaqların təyinatına uyğun istifadəsi, torpaqların texniki parametrlərinin və koordinatlarının müəyyənləşdirilməsi kimi məsələlərlə bağlı olub. Müraciətlərin bir qismi torpaqların təyinatının dəyişdirilməsi, kənd təsərrüfatı məqsədilə torpaqların icarəyə götürülməsi, fərdi yaşayış evlərinin qeydiyyatı, dövlət əmlakının özəlləşdirilməsi ilə bağlı olub. Vətəndaş müraciətlərində qaldırılan bir sıra məsələlər operativ olaraq həmin gün öz həllini tapıb. Qəbul günü birbaşa müraciət edən vətəndaşlar da komitə sədri tərəfindən qəbul edilərək müraciətlərinə baxılıb və həlli istiqamətində zəruri tapşırıqlar verilib. Araşdırılması tələb olunan müraciətlər qeydə alınaraq vətəndaşların iştirakı ilə yerindəcə araşdırılması və qanunvericiliyə əsasən həlli istiqamətində tapşırıqlar verilib. Komitənin vəzifə və funksiyalarına aid olmayan məsələlər qeydiyyata alınaraq, aidiyyəti üzrə göndərilməsi üçün komitə sədri tərəfindən tapşırıqlar verilib.

Ardını oxu...

Növbəti hərracda böyük rəqabət: 9 əmlak üzrə 31 sifariş verilib

Əmlak Məsələləri Dövlət Komitəsi tərəfindən dövlət əmlakının özəlləşdirilməsi ilə bağlı Elektron hərracın tətbiqi, sifarişlərin elektron qaydada verilməsi, paytaxt və regionlar üzrə cəlbedici müəssisələrin özəlləşdirilməyə çıxarılması prosesə investor marağını yüksəldir. Bununla da özəlləşdirilmənin sürətlənməsi ilə bağlı aparılan işlər öz nəticəsini verir. Eyni zamanda özəlləşdirmə və hərraclarla bağlı aparılan geniş təbliğat işləri də prosesə olan marağı daha da artırıb. Hərracların rəqabətli keçməsi özəlləşmə vasitəsilə büdcə daxilolmalarını artırır.

Hərraca çıxarılan bir sıra əmlakların torpaq sahəsi ilə birgə özəlləşdirilməsi də investor marağını artırır. Qeyd edilməlidir ki, 2017-ci il ərzində 40 əmlakın özəlləşdirilməsi rəqabətli keçirilmişdir. Həmin əmlakların ilkin start qiyməti 556 min manatdan 1 milyon manata qədər yüksəlmişdir. Nəticədə 445 min manatdan çox əlavə vəsaitin dövlət büdcəsinə köçürülməsinə imkan yaranmışdır.

Ardını oxu...

Fevralın 27-i keçiriləcək hərraca 74 əmlak çıxarılıb

Əmlak Məsələləri Dövlət Komitəsi investorlara növbəti dəfə əmlak sahibi olmaq imkanı yaradır. Belə ki, növbəti hərrac fevral ayının 27-də keçiriləcək. Hərraca investorları cəlb edə biləcək çoxçeşidli əmlaklar çıxarılıb. Özəlləşməyə çıxarılan 74 əmlakdan 23-ü səhmdar cəmiyyəti, 21-i kiçik dövlət müəssisəsi, 25-i istifadəsiz qeyri-yaşayış sahəsi, 5-i isə nəqliyyat vasitəsidir.  

Hərraca çıxarılan kiçik dövlət müəssisəsi və obyektləri məişət, iaşə, qida, toxuculuq, təmir, sənaye, nəqliyyat və digər sahələrə  aiddir. Özəlləşməyə çıxarılan əmlaklardan 11-i xidmət, 3-ü sənaye, 3-ü təmir, qalanları isə müvafiq olaraq kənd təsərrüfatı və səhiyyə sahələrinə aid olan müəssisələrdir.

Ardını oxu...

Əmlak Məsələləri Dövlət Komitəsində 2017-ci ildə görülmüş işlərin yekunlarına və qarşıda duran vəzifələrə dair müşavirə keçirilib

Əmlak Məsələləri Dövlət Komitəsi tərəfindən 27 yanvar 2018-ci il tarixində ötən il  ərzində görülmüş işlər və qarşıda duran vəzifələrə dair geniş müşavirə keçirilmişdir.

Azərbaycan Respublikasının Prezidenti cənab İlham Əliyevin rəhbərliyi ilə aparılan məqsədyönlü siyasətdən, uğurlu iqtisadi islahatlardan danışan Komitə sədri Kərəm Həsənov müşavirəni açıq elan edərək bildirib ki,  2017-ci ildə də islahatlar davam etməklə öz müsbət nəticələrini vermişdir. Ölkə başçısının tapşırığı ilə iqtisadi sahələrdə tətbiq edilən müasir metodlar, dövlət idarəetməsinin modernizasiyası sayəsində həm makroiqtisadi sabitlik, həm də qeyri-neft sektorunda davamlı inkişaf dinamikası təmin edilmişdir. Eyni zamanda iqtisadiyyatın şaxələndirilərək biznes və investisiya mühitinin davamlı olaraq inkişafı, işgüzar fəallığın və məşğulluq səviyyəsinin daha da artmasına, vətəndaş məmnunluğunun yüksəldilməsinə şərait yaratmışdır.

Ardını oxu...

Əmlak Məsələləri Dövlət Komitəsi sədrinin Şamaxıda keçirəcəyi vətəndaş qəbulunun tarixi dəyişdirilib

Azərbaycan Respublikası Prezidentinin tapşırıqlarına uyğun olaraq, Əmlak Məsələləri Dövlət Komitəsinin sədri Kərəm Həsənovun Şamaxı şəhərində keçiriləcək vətəndaş qəbulunun vaxtı dəyişdirilərək 31 yanvar 2018-ci il tarixinə keçirilib. Qəbul saat 10:00-da Heydər Əliyev Mərkəzində  keçiriləcək. Qəbulda Şamaxı rayonu ilə yanaşı Ağsu, Qobustan rayonlarından olan vətəndaşların müraciətlərinə baxılacaq.

Ardını oxu...

Əmlak Məsələləri Dövlət Komitəsinin elektron xidmətlərindən istifadə sayı 650 minə yaxındır

Azərbaycan Respublikası Prezidenti cənab İlham Əliyev açıq hökumət prinsiplərinin inkişafı məqsədi ilə vətəndaşlara operativ və şəffaf xidmətlərin göstərilməsi, məmur-vətəndaş ünsiyyətinin minimuma endirilməsi, dövlət qurumları tərəfindən göstərilən elektron xidmətlərin çeşidinin artırılması barədə mütəmadi tapşırıqlar verir. Bu tapşırıqlara əsasən Əmlak Məsələləri Dövlət Komitəsi də daşınmaz əmlak və torpaq idarəçiliyi sahəsində tətbiq etdiyi elektron xidmətlərin dairəsinin genişləndirilməsi, əhaliyə onlayn rejimdə göstərilən ictimai xidmətlərin təkmilləşdirilməsi, o cümlədən xidmətlərin elektron formata keçidinin tam olaraq təmin edilməsi və funksionallığının artırılması istiqamətində davamlı işlər görür. Nəticədə komitə fəaliyyətində SMS, onlayn və elektron xidmətlərin tətbiqini genişləndirərək əlçatanlığı təmin edir, çevikliyi və vətəndaş məmnunluğunu artırır.

Ardını oxu...

Əmlak Məsələləri Dövlət Komitəsi vahid çağrı mərkəzi və onlayn resurslar vasitəsilə gün ərzində 100-dən çox müraciəti cavablandırır

Əmlak Məsələləri Dövlət Komitəsi vətəndaşların müraciətlərinin operativ cavablandırılması, dərhal hüquqi yardım göstərilməsi, qanunvericilik prosedurlarının izah edilməsi məsələlərinə xüsusi diqqətlə yanaşır. Daşınmaz əmlak və torpaq idarəçiliyi, özəlləşdirilmə, kadastr sahəsində və digər sahələrdə yaranan suallar 193 vahid çağrı mərkəzi, onlayn resurslar vasitəsilə tez bir zamanda cavablandırılır. Komitənin facebook  (https://www.facebook.com/emlakkomitesi/) və instagramdakı (https://www.instagram.com/emlakkomitesi/) səhifələri, həmçinin emdk.gov.az veb saytının onlayn müraciət və “Privatization.az” portalının onlayn məsləhət pəncərəsi ilə əhalinin suallarının cavablandırılması işləri daha rasional aparılır.

Komitənin bütün fəaliyyət sferasına aid olan müraciətlərin cavablandırılmasını həyata keçirən 193 vahid çağrı mərkəzi ötən ilin sonlarında istifadəyə verilməsinə baxmayaraq bu işlərin daha da təkmilləşdirilməsinə şərait yaradıb.

Ardını oxu...

Əmlak Məsələləri Dövlət Komitəsi tərəfindən növbəti hərrac keçirilib

Əmlak Məsələləri Dövlət Komitəsi tərəfindən təşkil olunan açıq və şəffaf hərraclar özəlləşdirmə prosesində həm maksimum operativliyi təmin edir, həm də böyük investor kütləsini bu prosesə cəlb edir. Belə hərraclar hər kəsin iştirakı üçün açıqdır, yəni istənilən şəxs hərracda həm iştirakçı qismində qatıla, həm də ziyarətçi olaraq canlı izləyə bilər. Hərracların ictimai nəzarət və səmərəlilik prinsiplərinin təmin olunmaqla təşkil edilməsi prosesin şəffaflığını artırır. Yaradılan bu imkan hərracda iştirak etmək istəyənlərin işini rahatlaşdırır. Belə ki, əvvəlcədən hərrac barədə ətraflı məlumat toplamış şəxslər sonradan alıcı qismində iştirak edən zaman daha optimal qərar qəbul edə bilir.

Ardını oxu...

Özəlləşdirilməyə 148 dövlət əmlakı çıxarılıb

Əmlak Məsələləri Dövlət Komitəsi tərəfindən 20 fevral tarixində dövlət əmlakının özəlləşdirilməsi üzrə növbəti hərrac keçiriləcək. Qeyd edilməlidir ki, dövlət əmlakının özəlləşdirilməsi sahəsində elektron hərracın tətbiqi investorların işini xeyli sadələşdirib. Sistem sərmayəçilərə hərraclara internet vasitəsilə onlayn şəkildə qatılmaq imkanları yaradır. Elektron hərracda iştirak etmək istəyən şəxs Əmlak Məsələləri Dövlət komitəsinin rəsmi saytına (e-emdk.gov) və ya Elektron Hökumət Portalına (e-gov.az ) daxil olaraq müvafiq bölməni seçir. Ümumilikdə isə hərracda qeydiyyatdan keçmək, sifariş vermək elektron qaydada həyata keçirilir. Hərraclara qeydiyyatdan keçmədən onlayn olaraq https://e-emdk.gov.az/eHerrac/Home/Presentation linkinə keçid etməklə canlı izləmək imkanı da var.

Budəfəki hərracda müxtəlif çeşidli 148 dövlət əmlakı öz sahibini axtarır. Bunlardan 25-i səhmdar cəmiyyətləri, 71-i kiçik dövlət müəssisə və obyekti, 52-i istifadəsiz qeyri-yaşayış sahəsidir.

Ardını oxu...

Əmlak Məsələləri Dövlət Komitəsində “20 Yanvar xalqımızın qəhrəmanlıq salnaməsidir” mövzusunda anım tədbiri keçirilib

Azərbaycan Respublikasının Əmlak Məsələləri Dövlət Komitəsində “20 Yanvar xalqımızın qəhrəmanlıq salnaməsidir” mövzusunda anım tədbiri keçirilib. Tədbir iştirakçıları Azərbaycanın müstəqilliyi və ərazi bütövlüyü uğrunda canlarından keçmiş şəhidlərimizin xatirəsini bir dəqiqəlik sükutla yad ediblər.

Tədbiri giriş sözü ilə açan Əmlak Məsələləri Dövlət Komitəsinin sədr müavini Rüstəm Şahbazov bildirib ki, milli dövlətçiliyimizin bərpasında şanlı səhifələrdən biri olan 20 yanvar xalqımızın demokratiya uğrunda apardığı mübarizənin dönməzliyini bütün dünyaya nümayiş etdirdi. Ölkəmizin suverenliyinin, ərazi bütövlüyünün təmin edilməsində ciddi dönüş nöqtəsi oldu. Qeyd edilib ki, 1990-cı ilin 19-20 yan­va­rın­da baş ve­rən fa­ci­əli ha­di­sə­lər sü­qu­ta uğ­ra­maq­da olan so­vet im­pe­ri­ya­sı­nın mən­fur rep­res­si­ya ma­şı­nı­nın xal­qı­mı­za qar­şı tö­rət­di­yi aman­sız ci­na­yəti idi. Hə­min gün xalqımız  üs­tü­nə şı­ğı­yan Sovet ordusuna qar­şı si­nə­si­ni ver­ərək, öz mən­li­yi­ni və mə­tin­li­yi­ni nü­ma­yiş et­dir­di. Bildirilib ki, məhz bununla Azər­bay­can xal­qı müstəqillik mü­ba­ri­zə­si­nə qalxmaq, po­zul­muş hü­quq­la­rı­nın, su­ve­ren­li­yi­nin bər­pa olun­ma­sı uğ­run­da ca­nın­dan keç­mək əz­min­də ol­du­ğu­nu göstərdi. Be­lə­cə, 1990-cı ilin 20 Yan­va­rı Azər­bay­ca­nın is­tiq­la­liy­yət yo­lu­nun ilk şə­hid­lik zir­və­si­nə çev­ril­di.

Ardını oxu...