Hansı dövlət əmlakları sifarişçiləri mülk sahibi etdi

Əmlak Məsələləri Dövlət Komitəsi tərəfindən 31 iyul tarixində şəffaflığın təminatı, innovativ imkanların tətbiqi ilə növbəti hərrac keçirilib. Hərracda elektron sifarişlərin verilməsi, onlayn iştirak, ziyarətçilərin prosesi maneəsiz izləməsi kimi müsbət cəhətlər vətəndaş rahatlığına və məmnunluğuna yönəlib.

İyulun son hərracında investorlar tərəfindən özəlləşdirilən kiçik dövlət müəssisələri paytaxt və Xaçmaz rayonu ərazisində yerləşir. Bakı şəhəri, Sabunçu rayonu, Maştağa qəsəbəsində yerləşən Məmmədyarov kinoteatrının ümumi faydalı sahəsi 1439 kv.m-dir. İnvestor 125 min manat ödəyərək bu əmlakı torpaq sahəsi ilə birlikdə özəlləşdirdi. Hərrac qalibinin bu əmlakın fəaliyyətini bərpa etməsi ictimai-mədəni sahələrdə əhaliyə xidmət göstərməyə imkan yaradacaq. Xaçmaz rayonu, Xudat şəhərində yerləşən Çayxana “Xudat” adlı obyektin ümumi faydalı sahəsi 57.3 kv.m-dir. Rayon mərkəzində yerləşən və uyğun ilkin qiymət təyin olunan bu məkan sərmayəçi üçün potensial gəlir mənbəyinə çevriləcək.

Ardını oxu...

Torpaqların elektron kadastr işlərinə Goranboy rayonunda start verildi

Ölkədə elektron kadastr uçotu işlərinin aparılması ilə dəqiqləşmiş torpaq sahibliyi müəyyən ediləcək. Belə ki, hər bir vətəndaşa, eləcə də bələdiyyələrə, dövlətə məxsus olan torpaqların sərhədləri birmənalı məlum olacaq. Bununla bütün növ torpaq sahələrinin hüquqi sənədlərdəki ərazi göstəriciləri ilə faktiki istifadə olunan ərazi göstəriciləri arasındakı uyğunsuzluqlar aradan qalxacaq. Heç kəs sahib olduğu torpaqdan əlavə ərazini zəbt edə bilməyəcək, dövlət nəzarəti təkmilləşdirilmiş formada həyata keçiriləcək. Bütün bunlar Əmlak Məsələləri Dövlət Komitəsi tərəfindən yaradılan Torpaqların Elektron Kadastr Uçotu İnformasiya Sistemi nəticəsində reallaşacaq.

Ardını oxu...

İnvestorlar sırasına sən də qoşul: Avqustun 28-i keçiriləcək hərraca çıxarılan dövlət əmlakları

Hərraclarda maksimum operativliyin təmin olunması özəlləşdirilmə prosesini sürətləndirir. Dövlət əmlaklarına investisiyalar yatıran vətəndaşlar biznes planlarını reallaşdıraraq uğur qazanırlar. Bu həm də ölkədə iqtisadi fəallığı artırır, özəl sektorun inkişafına şərait yaradır. Hərrac vasitəsilə əmlak sahibi olmaq istəyənlər üçün seçim imkanı geniş, prosedurlar isə olduqca sadədir. Belə ki, müraciət və iştirak üçün əlavə vaxta və məkandan ayrılmağa ehtiyac qalmır. Dövlət əmlaklarının özəlləşməyə elektron müstəvidə çıxarılması müasir hərracın sərmayəçiyə yönəlmiş üstünlüklərindəndir.

Əmlak Məsələləri Dövlət Komitəsi tərəfindən keçirilən növbəti hərrac 28 avqust tarixində reallaşacaq. Avqustun son hərracına ümumilikdə 91 dövlət əmlakı çıxarılıb. Onlardan 21-i səhmdar cəmiyyəti, 34-ü kiçik dövlət müəssisə və obyekti, 33-ü qeyri-yaşayış sahəsi, 3-ü isə nəqliyyat vasitəsidir.

Ardını oxu...

Əmlak Məsələləri Dövlət Komitəsi sədri Zaqatala rayonunda vətəndaşların müraciətlərini dinləyib

Azərbaycan Respublikası Prezidenti cənab İlham Əliyevin tapşırıqlarına uyğun olaraq, Əmlak Məsələləri Dövlət Komitəsinin sədri Kərəm Həsənov 28 iyul tarixində Zaqatalada növbəti vətəndaş qəbulu keçirib. Heydər Əliyev mərkəzində reallaşan qəbul zamanı vətəndaşların daşınmaz əmlakla bağlı bütün təklif və müraciətlərinə baxılıb.Qeyd edək ki, komitənin struktur vahidlərinin də iştirak etdiyi qəbulda Zaqatala rayonu ilə yanaşı, Balakən və Qax rayonlarının sakinlərinin də müraciətləri dinlənilib. Səsləndirilən müraciətlərin bir qismi torpaqların təyinatına uyğun istifadəsi, kateqoriyasının dəyişdirilməsi prosedurları, torpaq sahələrinin sərhədlərinin dəqiqləşdirilməsi, fərdi həyət evi, bələdiyyələr tərəfindən müxtəlif məqsədlərlə ayrılmış torpaqlar, vaxtilə verilmiş pay torpaqları ilə bağlı faktiki və sənəd uyğunsuzluqlarının aradan qaldırılması ilə əlaqədar olub. Eyni zamanda daşınmaz əmlakın qeydiyyatı, əmlaklara dair mülkiyyət hüququnun əldə edilmə qaydası, dövlət əmlakının özəlləşdirilməsi  ilə bağlı müraciətlər də ünvanlanıb.

Ardını oxu...

“Əmlakını qeydiyyata al və mülkiyyətinə sahib ol” kampaniyası bu dəfə Məmmədli kəndinin sakinləri üçün keçirilir

Əmlak Məsələləri Dövlət Komitəsi fəaliyyətində optimallıq, şəffaflıq, çeviklik kimi prinsipləri əsas tutaraq göstərilən bütün xidmətləri insan faktoruna yönəldir. Müasir texnoloji mühitin tətbiqi ilə artıq əhali xidmətlərdən elə olduqları məkandaca yararlana bilir.

“Əmlakını qeydiyyata al və mülkiyyətinə sahib ol” adlı sosial kampaniya komitə tərəfindən həyata keçirilən digər layihələr kimi vətəndaşlar tərəfindən çox böyük maraqla qarşılandı. Sosialyönümlü layihənin əsas məqsədi sakinlərə əlçatan formada, vətəndaş-məmur ünsiyyəti olmadan xidmətləri çatdırmaqdır.

Ardını oxu...

Torpağınız keyfiyyətlidirmi - laboratoriyalar yerindəcə müəyyən edəcək

Fermerlər torpaqda əkin işlərini görməzdən əvvəl sərmayə qoyacaqları ərazilərin xüsusiyyətlərini, ilk növbədə bu torpaqların keyfiyyət göstəriciləri barədə məlumatları öyrənməlidirlər. Torpağa hansı gübrələrin verilməsinin, hansı aqrokimyəvi tədbirlərin görülməsinin daha optimal olduğu müəyyənləşdirməlidirlər. Başqa sözlə, torpağa atılan toxumun bol məhsula çevrilməsi üçün ərazi təbii və ya süni yolla suvarılmalı, üzvi, mineral gübrələrlə qidalandırılmalıdır. Bunun üçün Azərbaycanda iri torpaq istifadəçilərinə əlçatan şərait yaradılıb. Fermerlər yerindəcə torpaqlarının keyfiyyətini əvvəlcədən müəyyənləşdirə bilirlər. Azərbaycan Respublikasının Prezidenti cənab İlham Əliyev çıxışlarında da bu məsələyə toxunur, torpaqların keyfiyyətinin müəyyənləşdirilməsi, münbitliyin öyrənilməsi, torpaqlardan səmərəli istifadənin təmin edilməsi istiqamətində müvafiq tapşırıqlar verir. Tapşırıqların icrasına uyğun olaraq Əmlak Məsələləri Dövlət Komitəsi bu sahədəki fəaliyyətini genişləndirib. Komitənin nəzdində fəaliyyət göstərən Stasionar və Mobil Bitki və Torpaq laboratoriyaları vasitəsilə operativ qaydada, vaxt itkisi olmadan birbaşa fermerlərin məşğul olduğu sahələrdə tədqiqatlar aparılır, bu barədə analizlərin nəticələri sifarişçiyə yerində təqdim edilir. Qeyd edilməlidir ki, vətəndaşlar əkin məqsədilə torpaqları istifadə etməmişdən öncə də mobil laboratoriya xidmətindən istifadə edə bilərlər.

Ardını oxu...

Əmlak Məsələləri Dövlət Komitəsinin sədri Kərəm Həsənov Zaqatala şəhərində vətəndaş qəbulu keçirəcək

Azərbaycan Respublikası Prezidentinin tapşırıqlarına uyğun olaraq, Əmlak Məsələləri Dövlət Komitəsinin sədri Kərəm Həsənov 28 iyul 2018-ci il tarixində Zaqatala şəhərində vətəndaş qəbulu keçirəcək. Qəbul saat 10:00-da Heydər Əliyev Mərkəzində keçiriləcək. Qəbulda Zaqatala rayonu ilə yanaşı Balakən və Qax rayonlarından olan vətəndaşların müraciətlərinə baxılacaq.

Qəbul zamanı komitənin fəaliyyət istiqaməti üzrə, o cümlədən daşınmaz əmlakın qeydiyyatı, dövlət əmlakının özəlləşdirilməsi, hərraclarda iştirak, dövlət əmlakının icarəyə götürülməsi, torpaqların texniki parametrlərinin və koordinatlarının müəyyənləşdirilməsi, ünvan məsələləri və bu sahədə qeyd edilən bölgələrdə əhalini maraqlandıran digər məsələlərlə bağlı vətəndaşların müraciətlərinə baxılacaqdır.

Ardını oxu...

“Əmlakını qeydiyyata al və mülkiyyətinə sahib ol” kampaniyasının növbəti ünvanı Abşeron rayonu, Məmmədli kəndi

Əmlak Məsələləri Dövlət Komitəsinin vətəndaş amilinə əsaslanan “Əmlakını qeydiyyata al və mülkiyyətinə sahib ol” adlı kampaniyasının növbəti ünvanı Abşeron rayonu, Məmmədli kəndi olacaq. Belə ki, sakinlər 30 iyul - 3 avqust tarixlərində saat 09:00-dan 17:00-a qədər Abşeron rayonu, Məmmədli kəndi, Əli Bayramov küçəsi 30 ünvanında fəaliyyət göstərən komitənin mobil ofislərində daşınmaz əmlakla bağlı bütün növ qeydiyyat xidmətlərindən faydalana bilərlər.

Qeyd edilməlidir ki, daşınmaz əmlakın qeydiyyatı sahəsində həyata keçirilən bu sosial kampaniya hazırda Saray qəsəbəsində, V.Axundov küçəsi, 28 ünvanında vətəndaşlara xidmət göstərir. Bu kampaniya 27 iyuladək davam edəcək.

24 iyul hərracı: 12 dövlət əmlakına 17 sifariş verildi

Əmlak Məsələləri Dövlət Komitəsi tərəfindən investorlar üçün yüksək əlçatan mühitdə hərracların təşkil olunması vətəndaş rahatlığına və şəffaflığın təminatına yönəlib. Ərazi, qiymət, ümumi faydalı sahə üzrə fərqli kateqoriyalı dövlət əmlaklarının özəlləşdirməyə çıxarılması, prosedurların elektron mühitə keçməsi sərmayəçilərin bu sahəyə marağını artırır. Müasir texnoloji yeniliklərin tətbiqi ilə reallaşan hərraclarda satılan dövlət əmlakları ölkədə müxtəlif biznes sahələrini inkişaf etdirməklə bərabər, yeni sahibkarlıq obyektlərinin yaranması üçün imkanlar yaradır.

Ardını oxu...

Əmlak Məsələləri Dövlət Komitəsi tərəfindən 2018-ci ilin yanvar-iyun ayları ərzində görülmüş işlərə dair geniş müşavirə keçirilib

Əmlak Məsələləri Dövlət Komitəsi tərəfindən 2018-ci ilin yanvar-iyun ayları ərzində görülmüş işlər və və qarşıda duran vəzifələrə dair geniş müşavirə keçirilib. Müşavirədə çıxış edən Komitə sədri Kərəm Həsənov qeyd edib ki, Azərbaycan Respublikasının Prezidenti cənab İlham Əliyev tərəfindən sosial-iqtisadi sahələrdə aparılan islahatlar dövlət idarəetməsinin modernizasiyasına, beynəlxalq təcrübənin öyrənilməsinə və yeniliklərin tətbiqinin genişləndirilməsinə yönəlib. İnkişaf strategiyası çərçivəsində makroiqtisadi sabitliyin təmin edilməsi, şəffaflığın artırılması, korrupsiyanın aradan qaldırılması, dövlət xərclərinə nəzarətin gücləndirilməsi qarşıya qoyulan tapşırıqların məğzini təşkil edir.

Ardını oxu...

İnvestorların biznes ideyalarını reallaşdıracaq növbəti imkan: Bu dəfə özəlləşdirilməyə 151 dövlət əmlakı çıxarıldı

Bütün investorlar vaxt itirmədən, təyin olunmuş yerə getmədən də dövlət əmlaklarının özəlləşdirilməsində iştirak edə bilər. Bunu mümkün edən Elektron hərrac sistemi seçim, sifariş, iştirak, qeydiyyatdan keçmədən prosesi izləmək prosedurlarını onlayn formada vətəndaşlara təqim edir.  Dövlət əmlaklarının özəlləşdirilməsi ilə bağlı növbəti  belə hərrac Əmlak Məsələləri Dövlət Komitəsi tərəfindən 21 avqust tarixində keçiriləcək. Budəfəki hərraca 151 dövlət əmlakı çıxarılıb. Bunlardan 23-ü səhmdar cəmiyyətləri, 86-sı kiçik dövlət müəssisəsi, 33-ü qeyri-yaşayış sahəsi, 9-u isə nəqliyyat vasitəsidir.  

Pambıqçılıq, quşçuluq, təmir-tikinti, nəqliyyat və digər iqtisadi sahələrə aid olan səhmdar cəmiyyətləri paytaxtla bərabər Saatlı, Beyləqan, Goranbay kimi rayonlarda yerləşir. Belə dövlət əmlaklarına “İsmayıllı Təmir Tikinti”, “Salyan broyler”, “Sabirabad Təmir-tikinti”, “Biləsuvar Broyler” və digər bu kimi səhmdar cəmiyyətləri aiddir.

Ardını oxu...

Daşınmaz əmlak idarəçiliyi və özəlləşmə sahəsində əməkdaşlıq əlaqələri genişlənir: Azərbaycan, Gürcüstan və Almaniyanın aidiyyəti qurum rəhbərləri arasında görüş olub

Azərbaycan Respublikasının Prezidenti cənab İlham Əliyevin rəhbərliyi ilə həyata keçirilən uğurlu islahatlar nəticəsində, digər sahələrlə yanaşı dövlət əmlakının idarə edilməsi və özəlləşdirilməsində də inkişafa nail olunub. Ölkə başçının tapşırıqlarına əsasən bu sahədə yüksək göstəricilərin əldə olunması məqsədilə xarici ölkələrin praktikası öyrənilir, aparılan təcrübə mübadiləsi genişləndirilir.

Bu istiqamətdə həyata keçirilən işlərin davamı olaraq iyulun 20-də Tbilisi şəhərində Əmlak Məsələləri Dövlət Komitəsi, Gürcüstanın Dövlət Əmlakı üzrə Milli Agentliyi, Almaniya Federativ Respublikasının Federal Maliyyə Nazirliyinin VIII Baş İdarəsi ilə birlikdə 3 tərəfli görüş keçirilib.

Səfər çərçivəsində Kərəm Həsənov, Azərbaycanın bu ölkədəki səfiri Dursun Həsənov və digər rəsmi şəxslər iyulun 20-də Tbilisinin mərkəzindəki Heydər Əliyev Parkında Ulu Öndərin abidəsini ziyarət edib, xatirəsini ehtiramla yad ediblər.

Ardını oxu...

Xidməti vətəndaş ünvanına aparan kampaniya bu dəfə Yevlaxda

Daşınmaz əmlaka dair çıxarış almaq üçün məkanı dəyişməyə, zamanı planlaşdırmağa ehtiyac qalmır. Bu məqsədlə komitə 16 iyul tarixindən “Əmlakını qeydiyyata al və mülkiyyətinə sahib ol” adlı yeni sosial kampaniyaya start verib. Abşeron rayonun Ceyranbatan qəsəbəsində reallaşan ilk belə sosial layihənin növbəti ünvanı rayonun Saray qəsəbəsi olacaq. 23-27 iyul tarixlərində qəsəbənin V.Axundov küçəsi, 28 ünvanında reallaşacaq kampaniya zamanı ərazi sakinlərinin səyyar qaydada bütün növ daşınmaz əmlak üzrə qeydiyyat xidmətlərindən yararlanmaq imkanı var.

Ardını oxu...

“Əmlakını qeydiyyata al və mülkiyyətinə sahib ol” kampaniyasının yeni ünvanı Saray qəsəbəsi olacaq

Əmlak Məsələləri Dövlət Komitəsinin “Əmlakını qeydiyyata al və mülkiyyətinə sahib ol” adlı yeni sosial kampaniyasının növbəti ünvanı Abşeron rayonunun Saray qəsəbəsi olacaq. Belə ki, sakinlər 23-27 iyul tarixlərində saat 09:00-dan 17:00-a qədər qəsəbənin V.Axundov küçəsi, 28 ünvanında fəaliyyət göstərən komitənin mobil ofislərinə yaxınlaşa bilərlər.

Vətəndaşlar tərəfindən müsbət qarşılanan kampaniyanın üstünlüyü onun effektiv təsir imkanlarını artırır. Belə ki, digər sosial layihələrdən fərqli olaraq bu kampaniya çərçivəsində ərazi sakinlərinin səyyar qaydada bütün növ daşınmaz əmlak üzrə qeydiyyat xidmətlərindən yararlanmaq imkanı var. Başqa sözlə Abşeron rayonunun Saray qəsəbəsinin əhalisi qeyd edilən tarixdə və vaxtda göstərilən ünvanlarda fəaliyyət göstərən mobil ofislərə müraciət edə bilərlər. 

 “Vətəndaş xidmətin məkanında deyil, xidmətin vətəndaşın yanında” hədəfinə uyğun olaraq keçirilən kampaniya vasitəsilə vətəndaşlar daşınmaz əmlaka dair qeydiyyat xidmətlərindən rahatlıqla faydalana bilirlər. Qeydiyyat xidmətlərində əlçatanlığın, şəffaflığın təmin olunması, sənədləşmənin əhalinin geniş kütləsini əhatə etməsi bu sosial layihənin əsas amalıdır.

Kampaniya zamanı sakinlər fərdi yaşayış evləri, bağ evləri, həyətyanı torpaq sahələri və digər daşınmaz əmlakları ilə bağlı sənədlərini təqdim edə bilərlər. Mobil ofislər vasitəsilə isə əmlaklar daha sadə və innovativ üsullarla rəsmi qeydiyyata alınır. Bu kampaniyalar məmur-vətəndaş ünsiyyətini, digər kənar əlaqələrin aradan qaldırılmasına imkan verir.  Beləliklə “Əmlakını qeydiyyata al və mülkiyyətinə sahib ol” adlı sosial layihə əhalinin geniş təbəqəsini sənədləşmə prosesinə cəlb etməklə operativ xidmət, üstün keyfiyyət prinsiplərinə əməl edir.  

Bu kampaniya ardıcıl olaraq respublikanın bütün ərazilərini əhatə edəcək. Öncədən elan edilən məkanda fəaliyyət göstərəcək mobil ofislər vətəndaşların xidmətində olacaq. Sakinlər ərazi idarələrinə getmədən bu mobil ofislərə müraciət etməklə səyyar şəkildə qeydiyyat xidmətlərindən yararlana biləcəklər. Bununla bağlı vətəndaşlar əvvəlcədən kütləvi informasiya vasitələri ilə məlumatlandırılacaqlar.

Qeyd edilməlidir ki, ilk belə kampaniya Abşeron rayonunun Ceyranbatan qəsəbəsində reallaşıb. Bu zaman 100-ə yaxın müraciət olunub və 70-ə yaxın sənəd qəbul edilib. Sənədlər əsasən fərdi yaşayış evlərinə, həyətyanı torpaq sahələrinə aid olub. Əmlakını qeydiyyata alan sakinlərdə dövlət rüsumu və xidmət haqqı barədə sual yaranmır. Onlar komitənin rəsmi internet saytına (emdk.gov.az) daxil olaraq “Əmlakın qeydiyyatı kalkulyatorundan” ödəniləcək məbləği əvvəlcədən öyrənə bilərlər. Bundan başqa vətəndaşlar mövcud çıxarışlarını elektron şəkildə də əldə etmək imkanına malikdir.  

Kampaniya çərçivəsində sakinlərə daşınmaz əmlakın qeydiyyatı ilə bağlı lazımi məlumatları özündə əks etdirən informasiya bukletləri və bildirişlər paylanılıb.

Qeyd edilməlidir ki, qeydiyyatla bağlı sənədləri mobil ofislərlə yanaşı, ərazi idarələrinə də təqdim etmək olar.

Xəzər dənizinin mühafizə zolağındakı torpaqların monitorinqi aparılıb: hansı qanun pozuntuları aşkarlanıb

Əmlak Məsələləri Dövlət Komitəsi ölkə üzrə Xəzər dənizinin 20-50 metrlik mühafizə zolağına düşən torpaq sahələrinin istifadəsi ilə bağlı monitorinq və reydlər keçirir.

Reydlər nəticəsində Torpaq Məcəlləsinin 46-cı maddəsinin tələblərinin pozulması ilə bağlı paytaxtın Sabunçu, Xəzər, Suraxanı, Xətai və Qaradağ rayonlarının, eləcə də  Sumqayıt şəhərinin ərazisində Xəzər dənizinin sahilboyu 20-50 metrlik mühafizə  zolağında mövcud olan torpaq istifadəçilərinin 190-da monitorinq keçirilib. Nəticədə qanunvericiliyin  tələblərinin pozulması ilə bağlı 50 hal üzrə inzibati xəta törədən şəxslər barədə protokol yazılıb, cərimələr tətbiq edilib. Belə ki, monitorinqlər nəticəsində Xəzər dənizinin dövlət mülkiyyətində saxlanılan sahilboyu mühafizə zolağı torpaqlarında ayrı-ayrı şəxslər tərəfindən qeyri-qanuni tikinti və hasarlama işlərinin aparılması, əsassız torpaq sahələrinin zəbt olunması aşkar edilmişdir. Həyata keçirilən torpaq reydləri və monitorinqlər zamanı belə torpaq sahələrində qanunsuz tikinti işləri dayandırılır.

Ardını oxu...

Hərracda Tovuzdakı dövlət əmlakı 2 sifarişçi arasında rəqabət yaratdı

Dövlət əmlaklarının özəlləşdirilməsi üzrə keçirilən hərraclarda innovativ üstünlüklər və şəffaf mühit Bakı ilə yanaşı bölgələrdə də ictimai marağı artırır. Əmlak Məsələləri Dövlət Komitəsi tərəfindən 17 iyul tarixində keçirilən hərracda Tovuzda yerləşən dövlət əmlakı rəqabətli mühit yaratdı. Belə ki, Sabir küçəsində yerləşən, ümumi faydalı sahəsi 103 kv.m olan obyektə 2 sifariş qəbul olunmuşdu. İştirakçılar arasındakı rəqabət ilkin hərrac qiyməti 10 min manat təyin olunan obyektin 12 min manata satışını mümkün etdi.

Ardını oxu...

Torpaq idarəçiliyi ilə bağlı Ağcabədidə İşgüzar forum keçirilib

Əmlak Məsələləri Dövlət Komitəsi torpaq idarəçiliyi sahəsində münasibətlərin tənzimlənməsi üçün inzibati tədbirlərdən öncə maarifləndirici işlər həyata keçirir. Komitə iri torpaq mülkiyyətçilərini, bələdiyyələri və digər hüquqi və fiziki şəxsləri bu sahədəki qanunvericiliyin tələbləri ilə mütəmadi olaraq tanış edir, onları tətbiq edilən yeniliklərlə bağlı məlumatlandırır. Növbəti maarifləndirici İşgüzar forum iyul ayının 17-də Ağcabədi rayonunda keçirilib. Tədbirdə yerli icra hakimiyyətləri, bələdiyyələr, aidiyyəti dövlət qurumlarının nümayəndələri, iri torpaq mülkiyyətçiləri və media nümayəndələri iştirak ediblər.

Ardını oxu...

Hərracın keçirildiyi məkana getmədən prosesdə iştirak et: 14 avqust hərracına 192 dövlət əmlakı çıxarıldı

Əmlak Məsələləri Dövlət Komitəsi vətəndaşların hərracların keçirildiyi məkana gedə bilməmək kimi problemini aradan qaldırıb. Belə ki, hər kəs prosesə evdən, iş yerindən və olduğu bütün məkanlardan elektron resursların köməyi ilə qoşula bilər. Özəlləşdirmə portalından dövlət əmlaklarını seçən investor müvafiq keçiddə qeydiyyatdan keçib, əmlakın ilkin qiymətinin 10%-ni ödəyərək sifarişçiyə çevrilir. Həmin şəxslər təyin edilmiş vaxtda prosesə həm məkana gələrək, həm də internet şəbəkəsindən qoşula bilər.

Ardını oxu...

“Əmlakını qeydiyyata al və mülkiyyətinə sahib ol” adlı yeni sosial kampaniyaya start verildi

Əmlak Məsələləri Dövlət Komitəsi “Əmlakını qeydiyyata al və mülkiyyətinə sahib ol” adlı yeni sosial kampaniyaya start verir. Tədbir “Vətəndaş xidmətin məkanında deyil, xidmətin vətəndaşın yanında” hədəfinə uyğun olaraq keçirilir. Kampaniya daşınmaz əmlaka dair qeydiyyat xidmətlərini əhaliyə daha da yaxınlaşdırmaqla bu sahədə əlçatanlığı artırır. Məqsəd daha şəffaf şəkildə əmlaklara dair kütləvi sənədləşmənin həyata keçirilməsi, ünvana çatdırılan ictimai xidmətlərdən əhalinin geniş təbəqəsinin yararlanması, o cümlədən leqal və etibarlı əmlakların sayının artırılmasıdır. Eyni zamanda vətəndaş məmnunluğunun maksimum səviyyəyə çatdırılması, çevikliyin və operativliyin təmin olunması da əsas vəzifələrdəndir.

Ardını oxu...

Əmlak Məsələləri Dövlət Komitəsi vətəndaşlar üçün yeni kampaniya elan edir

ƏMDK: 16-20 iyul tarixlərində saat 9:00-dan 17:00-a qədər Abşeron rayonunun Ceyranbatan qəsəbəsinin 20 yanvar küçəsi, 1 ünvanında vətəndaşlara daşınmaz əmlak üzrə səyyar qeydiyyat xidmətləri göstəriləcək

Əmlak Məsələləri Dövlət Komitəsi əmlakın kütləvi şəkildə yerlərdə qeydiyyatının aparılması ilə bağlı “Əmlakını qeydiyyata al və mülkiyyətinə sahib ol” adlı yeni layihəyə start verir. Bu kampaniya iyulun 16-da Abşeron rayonunun Ceyranbatan qəsəbəsində reallaşacaq. Belə ki, sakinlər 16-20 iyul tarixlərində saat 09:00-dan 17:00-a qədər Abşeron rayonunun Ceyranbatan qəsəbəsinin 20 yanvar küçəsi, 1 ünvanında fəaliyyət göstərən komitənin mobil ofislərinə yaxınlaşa bilərlər. Bu sosial layihə ardıcıl olaraq respublikanın bütün ərazilərini əhatə edəcək. Öncədən elan edilən məkanda fəaliyyət göstərəcək mobil ofislər vətəndaşların xidmətində olacaq. Sakinlər ərazi idarələrinə getmədən bu mobil ofislərə müraciət etməklə bütün növ daşınmaz əmlaklar üzrə səyyar şəkildə qeydiyyat xidmətlərindən yararlana biləcəklər.

Ardını oxu...

“Lənkəran iqtisadi rayonunda özəlləşdirmə sahəsinə investisiya imkanları” mövzusunda işgüzar forum keçirilib

Ölkədə həyata keçirilən uğurlu islahatlar çərçivəsində özəlləşdirmənin sürətləndirilməsi, bu sahəyə iş adamlarının aktiv şəkildə cəlb edilməsi, o cümlədən özəlləşdirilən müəssisələrin müasir əsaslarla yenidən qurulması və fəaliyyətinin genişləndirilməsi, özəlləşmənin iqtisadiyyatın inkişafına təsirinin artırılması əsas prioritetlərdəndir. Bu kimi hədəflərin reallaşdırılması üçün isə innovativ yanaşmalar tətbiq edilir, özəlləşmənin elektron müstəviyə keçidi təmin olunur, maarifləndirici forumlar keçirilir. Belə tədbirlərin davamı olaraq Əmlak Məsələləri Dövlət Komitəsi tərəfindən iyulun 11-də “Lənkəran iqtisadi rayonunda özəlləşdirmə sahəsinə investisiya imkanları” mövzusunda işgüzar forum təşkil edilib. Azərbaycan Sahibkarlar Təşkilatları Milli Konfederasiyasının iştirakı ilə keçirilən forumda ətraf rayonlardan olan 100-dək sahibkarlıq subyekti, iş adamı iştirak ediblər.

Ardını oxu...

 
 
 

Sorğu

“Əmlakını qeydiyyata al və mülkiyyətinə sahib ol” kampaniyasında iştirak etmisinizmi?