Əmlak Məsələləri Dövlət Komitəsinin sədri Kərəm Həsənovun Ağsu rayonunda keçirəcəyi vətəndaş qəbulunun tarixi dəyişdirilmişdir

Mərkəzi icra hakimiyyəti orqanları rəhbərlərinin şəhər və rayonlarda vətəndaşların qəbulu cədvəlinə uyğun olaraq Əmlak Məsələləri Dövlət Komitəsinin sədri Kərəm Həsənovun Ağsu rayonunda keçirəcəyi vətəndaş qəbulunun tarixi dəyişdirilərək 25 avqust 2018-ci il tarixinə keçirilmişdir. Vətəndaş qəbulu saat 10:00-da Ağsu şəhərində yerləşən Uşaq Gənclər İnkişaf Mərkəzində keçiriləcək. Qəbulda Ağsu rayonu ilə yanaşı Şamaxı və Qobustan rayonlarından olan vətəndaşların müraciətlərinə baxılacaq.

Ardını oxu...

Biznes obyektinə hərracda sahib ol: Özəlləşməyə 172 dövlət əmlakı çıxarıldı

Əmlak Məsələləri Dövlət Komitəsi tərəfindən keçirilən hərraclarda özəlləşdirilən dövlət əmlaklarının fəaliyyəti ölkədə sahibkarlığın inkişafına müsbət təsir göstərir. Hərraca çıxarılan müəssisə və obyektlərin müxtəlifliyi investorlara  biznes planlarına uyğun obyekti seçmək imkanı yaradır. Elektron mühitə keçən prosedurlar isə hərracı daha da sadələşdirib. Belə ki, hər bir vətəndaş seçdiyi əmlaka elektron sifariş vermək, hərracın keçirildiyi məkana getmədən onlayn formada prosesdə iştirak etmək kimi üstünlüklərdən istifadə edə bilir.

Müasir texnologiyanın tətbiqi ilə növbəti hərrac 18 sentyabr tarixində baş tutacaq. Budəfəki hərraca ümumilikdə 172 dövlət əmlakı çıxarılıb. Onlardan 23-ü səhmdar cəmiyyəti, 88-i kiçik dövlət müəssisə və obyekti, 52-si qeyri-yaşayış sahəsi, 9-u isə nəqliyyat vasitəsidir.

Ardını oxu...

“Əmlakını qeydiyyata al və mülkiyyətinə sahib ol” kampaniyasının növbəti ünvanı Abşeron rayonu, Güzdək qəsəbəsi olacaq

Əmlak Məsələləri Dövlət Komitəsinin vətəndaşları operativ xidmətlə təmin edən  “Əmlakını qeydiyyata al və mülkiyyətinə sahib ol” adlı kampaniyasının növbəti ünvanı Abşeron rayonu, Güzdək qəsəbəsi olacaq. Belə ki, sakinlər daşınmaz əmlakın bütün növ qeydiyyat xidmətləri ilə bağlı 20-24 avqust tarixlərində (bayram günləri istisna olmaqla) saat 09:00-dan 17:00-a qədər Abşeron rayonu, Güzdək qəsəbəsi, Elman Heydərov küçəsi (icra nümayəndəliyinin yanı) ünvanında fəaliyyət göstərən komitənin mobil ofislərinə yaxınlaşa bilərlər.

Ardını oxu...

Əmlak Məsələləri Dövlət Komitəsinin sədri Kərəm Həsənov Ağsu rayonunda vətəndaşları qəbul edəcək

Azərbaycan Respublikası Prezidentinin tapşırıqlarına uyğun olaraq, Əmlak Məsələləri Dövlət Komitəsinin sədri Kərəm Həsənov 24 avqust 2018-ci il tarixində Ağsu rayonunda vətəndaş qəbulu keçirəcək. Qəbulda Ağsu rayonu ilə yanaşı Şamaxı və Qobustan rayonlarından olan vətəndaşların müraciətlərinə baxılacaq. Vətəndaş qəbulu saat 10:00-da Ağsu şəhərində yerləşən Uşaq Yaradıcılıq Mərkəzində keçiriləcək.

Qəbul zamanı komitənin fəaliyyət istiqaməti üzrə, o cümlədən daşınmaz əmlakın qeydiyyatı, dövlət əmlakının özəlləşdirilməsi, hərraclarda iştirak, dövlət əmlakının icarəyə götürülməsi, torpaqların texniki parametrlərinin və koordinatlarının müəyyənləşdirilməsi, ünvan məsələləri, torpaqlardan istifadə qaydaları ilə bağlı qeyd edilən bölgələrin əhalisinin müraciətlərinə baxılacaqdır.

Ardını oxu...

Özəlləşmə nəticəsində daha bir müəssisə yenidən qurulur

Azərbaycan Respublikasının Prezidenti cənab İlham Əliyevin «Dövlət əmlakının özəlləşdirilməsinin sürətləndirilməsi və idarə edilməsinin səmərəliliyinin artırılması ilə bağlı bəzi tədbirlər haqqında» fərmanına və müvafiq tapşırıqlarına uyğun olaraq ölkədə özəlləşdirilən müəssisələrin fəaliyyəti yenidən qurulur, regionların inkişafını artıran belə müəssisələrin fəaliyyəti genişlənir, yeni iş yerləri yaradılır. Bu baxımdan respublikanın müxtəlif regionlarında yerləşən müəssisələrin investisiya müsabiqəsi vasitəsi ilə özəlləşdirilməsi diqqət mərkəzindədir.

Ardını oxu...

Rəqabətli keçən növbəti hərrac: 25 dövlət əmlakı özəlləşdirildi

Əmlak Məsələləri Dövlət Komitəsinin dövlət əmlaklarının özəlləşdirilməsi sahəsində keçirdiyi hərraclara hər kəs olduğu məkandan qoşula bilir. Bunu Elektron Hərrac sisteminin tətbiqi mümkün edir. Müasirlik və optimallığın təminatı nəticəsində elektron sifarişlərin verilməsi, internetin olduğu məkanlarda onlayn iştirak imkanları prosesi vətəndaşa daha yaxın edir. Belə üstünlüklərin olduğu hərraclarda özəlləşdirilən dövlət əmlakları investorların biznes planlarını reallaşdırır, onları əmlak sahibinə çevirir.

Ardını oxu...

11 sentyabr hərracı: Özəlləşməyə hansı dövlət əmlakları çıxarıldı

Elektron mühitə inteqrasiya olunmuş hərrac sistemi investorları və əmlak sahibi olmaq istəyən bütün şəxsləri iştiraka həvəsləndirir. Hər kəs geniş seçim imkanından istifadə edərək kriteriyalarına uyğun arzuladığı əmlaka rahatlıqla sahib ola bilər.  Hərraca çıxarılan hər bir dövlət əmlakı barədə məlumat və təsvirlər Özəlləşdirmə portalında (privatization.az) yerləşdirilir. Vətəndaş seçdiyi əmlakı elə portaldan onlayn formada  sifariş verərək iştirak imkanı qazana bilər. İş mühitindən ayrıla bilməyən və ya vaxtına qənaət etmək istəyən şəxsin müəyyən olunmuş vaxtda hərrac keçirilən ünvana gəlməyinə ehtiyac yoxdur. Elektron hərracın üstünlüklərindən biri də prosesdə internet resurslar vasitəsilə onlayn iştirak və izləmək imkanının olmasıdır.

Əmlak Məsələləri Dövlət Komitəsinin şəffaflığı təmin edərək reallaşdırdığı növbəti hərraclardan biri də sentyabrın 11-i keçiriləcək.  Belə ki, hərraca ümumilikdə 47 dövlət əmlakı çıxarılıb. Onlardan 20-si səhmdar cəmiyyəti, 11-i kiçik dövlət müəssisə və obyekti, 11-i qeyri-yaşayış sahəsi, 5-i isə nəqliyyat vasitəsidir.

Ardını oxu...

Sizə daha yaxın olan sosial aksiya: Bu dəfə Gəncə sakinləri ünvanlarındaca çıxarış alıblar

Məkanı dəyişmədən əmlakı sənədləşdirmək mümkündür. Daşınmaz əmlakın qeydiyyatı ilə bağlı xidmətlər vətəndaşlara daha da yaxınlaşır, hətta evlərinə belə gətirilir. Başqa sözlə, daşınmaz əmlakın qeydiyyat prosedurlarını özündə cəmləşdirən mobil ofislər sakinlərin ünvanlarına gedərək onları çıxarış sahibi edir. Bunu reallaşdıran “Kütləvi çıxarış” kampaniyası isə əhatə dairəsini genişləndirməkdədir.

Budəfəki “Kütləvi çıxarış” kampaniyası avqustun 10-u Gəncə şəhərində keçirilib. Əmlak Məsələləri Dövlət Komitəsi tərəfindən reallaşdırılan tədbir zamanı şəhər əhalisinin aktivliyi müşahidə olunub. Bu sosial kampaniyanın üstünlüklərini eşidən hər kəs mobil ofislərin ətrafına toplaşmışdılar. Ümumilikdə 200-ə yaxın sakinə xidmət göstərilib. Keçirilən kampaniya nəticəsində 130 sakinə birbaşa yaşadıqları ərazidə əmlaklarına dair çıxarışlar təqdim olunub. Mobil ofislərə müraciət edən 70 sakindən isə öz əmlaklarına dair çıxarış almaq üçün ilkin hüquq müəyyənedici sənədlər qəbul edilib. Verilən çıxarışlar əsasən fərdi yaşayış evləri, mənzilləri, həyətyanı torpaq sahələrini əhatə edib.

Ardını oxu...

Digah qəsəbə sakinləri üçün “Əmlakını qeydiyyata al və mülkiyyətinə sahib ol” kampaniyası keçiriləcək

Əmlak Məsələləri Dövlət Komitəsinin vətəndaşları əlçatan xidmətlə təmin edən  “Əmlakını qeydiyyata al və mülkiyyətinə sahib ol” adlı kampaniyasının növbəti ünvanı Abşeron rayonu, Digah qəsəbəsi olacaq. Belə ki, sakinlər daşınmaz əmlakın bütün növ qeydiyyat xidmətləri ilə bağlı 13-17 avqust tarixlərində saat 09:00-dan 17:00-a qədər Abşeron rayonu, Digah qəsəbəsi, Hüseyn Rəhmanov küçəsi 13 ünvanında fəaliyyət göstərən mobil ofislərə müraciət edə bilərlər.

Qeyd edək ki, daşınmaz əmlakın qeydiyyatı sahəsində həyata keçirilən bu sosial kampaniya hazırda Masazır kəndi, Əliağa Vahid küçəsində (Əliağa Vahid parkının qarşısı) vətəndaşlara xidmət göstərir.

İyul ayı ərzində komitənin 193 Çağrı mərkəzinə 900-ə yaxın müraciət daxil olub

Əmlak Məsələləri Dövlət Komitəsinin göstərdiyi bütün xidmətlərlə bağlı müraciətlər 193 Çağrı mərkəzi tərəfindən dərhal cavablandırılır. Çağrı mərkəzinin fəaliyyəti birbaşa olaraq vətəndaş müraciətlərinin operativ həllinə, məmnunluğun və xidmət səviyyəsinin artırılmasına yönəlib. Eləcə də, vətəndaşlar onlara uyğun xidmətlərin göstərilməsi ilə bağlı təkliflərini mərkəzə ünvanlaya bilərlər. Müasir texnologiyanın istifadəsi ilə sorğuların komitə mütəxəssisləri tərəfindən anında cavablandırılması dəqiq məlumatlandırmanı və çevik xidməti təmin edir.

Ölkə əhalisi dövlət əmlakının özəlləşdirilməsi və bu sahədə hərracların keçirilməsi, daşınmaz əmlak üzərində mülkiyyət hüquqlarının qeydiyyatı, torpaqların kadastr uçotu, keyfiyyət və kəmiyyət göstəricilərinin müəyyən edilməsi, ünvan və digər məsələlərlə bağlı 193 saylı vahid Çağrı mərkəzinə müraciət edir.

Ardını oxu...

Əmlak idarəçiliyində tam elektronlaşma: media nümayəndələri üçün bu sahədə info-tur təşkil edilib

Azərbaycan Respublikası Prezidenti cənab İlham Əliyev dövlət orqanlarında göstərilən xidmətlərin tam elektronlaşması, xidmətlərin vətəndaşlara əl çatan olması, idarəetmənin modernləşdirilməsi istiqamətində mühüm tapşırıqlar verib. Burada əsas məqsəd vətəndaş məmur əlaqələrinin minimuma endirməklə, qeyri-qanuni neqativ halların aradan qaldırılmasıdır.

Bu tapşırıqlara uyğun olaraq, Əmlak Məsələləri Dövlət Komitəsi də bütün xidmətlərini tam olaraq elektronlaşdırıb. Komitənin elektron xidmətləri və tətbiq etdiyi maraqlı yeniliklər barədə avqustun 8-də “Əmlak idarəçiliyində tam elektronlaşma” mövzusunda mətbuat nümayəndələri üçün info-tur təşkil edilib. Məqsəd mətbuat nümayəndələri vasitəsilə vətəndaşlara çağırış etmək və bu elektron xidmətlərdən maksimum istifadəyə dəvət etməkdir.

Ardını oxu...

Komitə tərəfindən avqustun ilk hərracı keçirildi

Dövlət əmlaklarının investorlar tərəfindən özəlləşdirilməsi üçün Əmlak Məsələləri Dövlət Komitəsi tərəfindən təşkil olunan hərraclarda maksimum rahat mühit yaradılır. Prosesə texnoloji imkanların cəlb edilməsi ilə zaman məfhumu aradan qalxır. Belə ki, vətəndaş komitənin məlumat resurslarından seçdiyi əmlakları əlavə vaxt sərf etmədən və ünvanı dəyişmədən sifariş edir. Elektron formada hərracların reallaşması ilə sifarişçilər və ziyarətçilər birbaşa canlı formada prosesdə iştirak edə bilir.

Vətəndaş məmnunluğunu təmin edən növbəti hərrac 7 avqust tarixində reallaşdı. Hər bir sifarişçi seçdiyi dövlət əmlakı üzrə hərracda iştirak etdi.  Ümumi faydalı sahəsi 236 kv.m olan Biləsuvar rayonunda yerləşən Bağbanlar kənd Mədəniyyət evi torpaq sahəsi ilə birgə özəlləşdirildi. İştirakçı bu dövlət əmlakı üçün 15 min manat ödədi. Hərracda özəlləşdirilən daha bir daşınmaz əmlak Bakı şəhəri, Nəsimi rayonu, A.Bakıxanov küçəsində yerləşən qeyri-yaşayış sahəsidir. Xidmət obyekti kimi istifadəyə imkan verəcək bu obyektin ümumi faydalı sahəsi 47.8 kv.m, investor tərəfindən ödənilən qiyməti isə 15 min manat oldu.

Qeyd edək ki, komitə tərəfindən növbəti hərrac avqustun 14-də reallaşacaq. Bu dəfə hərraca sərmayəçilər üçün yeni biznes imkanları yarada biləcək 192 dövlət əmlakı çıxarılıb. Bunlardan 19-u səhmdar cəmiyyəti, 97-si kiçik dövlət müəssisə və obyekti, 60-ı qeyri-yaşayış sahəsi, 16-sı nəqliyyat vasitəsidir. Fəaliyyət istiqamətlərinin, ərazi, ümumi faydalı sahə və qiymət kateqoriyalarının müxtəlif olması investorlara dövlət əmlakları üzrə geniş seçim imkanı vəd edir.

Elektron hərracda iştirak etmək istəyən şəxslər Əmlak Məsələləri Dövlət Komitəsinin rəsmi saytına (emdk.gov.az) və ya Özəlləşdirmə portalına (privatization.az) daxil olaraq müvafiq bölməni seçir. Sifariş verdiyi əmlakın ilkin satış qiymətinin 10% məbləğində behi ödəyir. Sifarişlərin qəbulu hərracın başlanmasına ən gec üç bank günü qalana qədər bitməlidir. Hərraclar barədə məlumatlandırma komitənin rəsmi saytı, Özəlləşdirmə portalı, eləcə də “facebook” sosial şəbəkəsindəki rəsmi səhifə və “Privatization.az” səhifəsi vasitəsilə aparılır.

İnvestorlar sentyabrın ilk hərracında hansı dövlət əmlaklarını özəlləşdirə biləcək

Əmlak Məsələləri Dövlət Komitəsi açıq və şəffaf hərracları təşkil etməklə  prosesdə vətəndaş rahatlığını və operativliyini təmin  edir. Hər həftə reallaşan hərraclar özəlləşdirməni sürətləndirməklə yanaşı, ölkədə biznes perspektivlərini də artırır. Sifarişlərin onlayn formada verilməsi, hərrac keçirilən vaxt virtual formada iştirak şanslarından investorlar məhdudiyyət olmadan istifadə edə bilir. Hərraca çıxarılan dövlət əmlaklarının siyahısı ilə tanış olmaq, ətraflı məlumat əldə etmək və sifariş etmək üçün komitənin rəsmi saytı (emdk.gov.az) və Özəlləşdirmə portalı (privatization.az) vətəndaşlara xidmət göstərir.

Ardını oxu...

Masazır sakinlərinin nəzərinə: “Əmlakını qeydiyyata al və mülkiyyətinə sahib ol” kampaniyası bu dəfə sizin kənddə

Əmlak Məsələləri Dövlət Komitəsinin vətəndaşlara operativ xidməti təklif edən “Əmlakını qeydiyyata al və mülkiyyətinə sahib ol” adlı kampaniyasının növbəti ünvanı Abşeron rayonu, Masazır kəndi olacaq. Belə ki, sakinlər daşınmaz əmlakın bütün növ qeydiyyat xidmətləri ilə bağlı 6-10 avqust tarixlərində saat 09:00-dan 17:00-a qədər Abşeron rayonu, Masazır kəndi, Əliağa Vahid küçəsində (Əliağa Vahid parkının qarşısı) fəaliyyət göstərən mobil ofislərə müraciət edə bilərlər.

Qeyd edək ki, daşınmaz əmlakın qeydiyyatı sahəsində həyata keçirilən bu sosial kampaniya hazırda Abşeron rayonu, Məmmədli kəndi, Əli Bayramov küçəsi 30 ünvanında vətəndaşlara xidmət göstərir. Bu günə qədər kampaniya Ceyranbatan və Saray qəsəbələrində reallaşıb. Sosial layihə çərçivəsində 450-yə yaxın müraciət daxil olub, 150-dən artıq sənəd qəbul edilib.

Kommunikasiya xətləri və mühafizə zonalarında yerləşən torpaqların istifadəsi ilə bağlı monitorinqlər aparılır

Azərbaycan Respublikasının Prezidenti cənab İlham Əliyev Nazirlər Kabinetinin 2018-ci ilin birinci yarısının sosial-iqtisadi inkişafının yekunlarına həsr olunmuş müşavirədə də torpaqlardan düzgün istifadə, qanunsuz tikintilərin qarşısının alınmasının vacibliyini vurğuladı və bununla əlaqədar ciddi tədbirlərin görülməsi barədə aidiyyəti dövlət orqanlarına müvafiq tapşırıqlar verdi. Bu tapşırıqların icrası ilə bağlı, Əmlak Məsələləri Dövlət Komitəsi tərəfindən kommunikasiya xətləri və mühafizə zonalarında yerləşən torpaqların istifadəsi ilə bağlı monitorinqlər aparılır. Monitorinqlər zamanı bir sıra hallarda mühafizə zolaqlarında, magistral yollarda, yaşıllıq zonalarında, o cümlədən qaz, neft, su, elektrik xətlərinin mühafizə zolaqlarında yerləşən torpaqlardan qeyri-qanuni istifadə olunmaqla, özbaşına tikinti işlərinin aparılması faktlarına rast gəlinir. Belə halların qarşısı dərhal alınır, torpaqlardan əsassız istifadə dayandırılır.

Ardını oxu...

Hansı dövlət əmlakları sifarişçiləri mülk sahibi etdi

Əmlak Məsələləri Dövlət Komitəsi tərəfindən 31 iyul tarixində şəffaflığın təminatı, innovativ imkanların tətbiqi ilə növbəti hərrac keçirilib. Hərracda elektron sifarişlərin verilməsi, onlayn iştirak, ziyarətçilərin prosesi maneəsiz izləməsi kimi müsbət cəhətlər vətəndaş rahatlığına və məmnunluğuna yönəlib.

İyulun son hərracında investorlar tərəfindən özəlləşdirilən kiçik dövlət müəssisələri paytaxt və Xaçmaz rayonu ərazisində yerləşir. Bakı şəhəri, Sabunçu rayonu, Maştağa qəsəbəsində yerləşən Məmmədyarov kinoteatrının ümumi faydalı sahəsi 1439 kv.m-dir. İnvestor 125 min manat ödəyərək bu əmlakı torpaq sahəsi ilə birlikdə özəlləşdirdi. Hərrac qalibinin bu əmlakın fəaliyyətini bərpa etməsi ictimai-mədəni sahələrdə əhaliyə xidmət göstərməyə imkan yaradacaq. Xaçmaz rayonu, Xudat şəhərində yerləşən Çayxana “Xudat” adlı obyektin ümumi faydalı sahəsi 57.3 kv.m-dir. Rayon mərkəzində yerləşən və uyğun ilkin qiymət təyin olunan bu məkan sərmayəçi üçün potensial gəlir mənbəyinə çevriləcək.

Ardını oxu...

Torpaqların elektron kadastr işlərinə Goranboy rayonunda start verildi

Ölkədə elektron kadastr uçotu işlərinin aparılması ilə dəqiqləşmiş torpaq sahibliyi müəyyən ediləcək. Belə ki, hər bir vətəndaşa, eləcə də bələdiyyələrə, dövlətə məxsus olan torpaqların sərhədləri birmənalı məlum olacaq. Bununla bütün növ torpaq sahələrinin hüquqi sənədlərdəki ərazi göstəriciləri ilə faktiki istifadə olunan ərazi göstəriciləri arasındakı uyğunsuzluqlar aradan qalxacaq. Heç kəs sahib olduğu torpaqdan əlavə ərazini zəbt edə bilməyəcək, dövlət nəzarəti təkmilləşdirilmiş formada həyata keçiriləcək. Bütün bunlar Əmlak Məsələləri Dövlət Komitəsi tərəfindən yaradılan Torpaqların Elektron Kadastr Uçotu İnformasiya Sistemi nəticəsində reallaşacaq.

Ardını oxu...

İnvestorlar sırasına sən də qoşul: Avqustun 28-i keçiriləcək hərraca çıxarılan dövlət əmlakları

Hərraclarda maksimum operativliyin təmin olunması özəlləşdirilmə prosesini sürətləndirir. Dövlət əmlaklarına investisiyalar yatıran vətəndaşlar biznes planlarını reallaşdıraraq uğur qazanırlar. Bu həm də ölkədə iqtisadi fəallığı artırır, özəl sektorun inkişafına şərait yaradır. Hərrac vasitəsilə əmlak sahibi olmaq istəyənlər üçün seçim imkanı geniş, prosedurlar isə olduqca sadədir. Belə ki, müraciət və iştirak üçün əlavə vaxta və məkandan ayrılmağa ehtiyac qalmır. Dövlət əmlaklarının özəlləşməyə elektron müstəvidə çıxarılması müasir hərracın sərmayəçiyə yönəlmiş üstünlüklərindəndir.

Əmlak Məsələləri Dövlət Komitəsi tərəfindən keçirilən növbəti hərrac 28 avqust tarixində reallaşacaq. Avqustun son hərracına ümumilikdə 91 dövlət əmlakı çıxarılıb. Onlardan 21-i səhmdar cəmiyyəti, 34-ü kiçik dövlət müəssisə və obyekti, 33-ü qeyri-yaşayış sahəsi, 3-ü isə nəqliyyat vasitəsidir.

Ardını oxu...

Əmlak Məsələləri Dövlət Komitəsi sədri Zaqatala rayonunda vətəndaşların müraciətlərini dinləyib

Azərbaycan Respublikası Prezidenti cənab İlham Əliyevin tapşırıqlarına uyğun olaraq, Əmlak Məsələləri Dövlət Komitəsinin sədri Kərəm Həsənov 28 iyul tarixində Zaqatalada növbəti vətəndaş qəbulu keçirib. Heydər Əliyev mərkəzində reallaşan qəbul zamanı vətəndaşların daşınmaz əmlakla bağlı bütün təklif və müraciətlərinə baxılıb.Qeyd edək ki, komitənin struktur vahidlərinin də iştirak etdiyi qəbulda Zaqatala rayonu ilə yanaşı, Balakən və Qax rayonlarının sakinlərinin də müraciətləri dinlənilib. Səsləndirilən müraciətlərin bir qismi torpaqların təyinatına uyğun istifadəsi, kateqoriyasının dəyişdirilməsi prosedurları, torpaq sahələrinin sərhədlərinin dəqiqləşdirilməsi, fərdi həyət evi, bələdiyyələr tərəfindən müxtəlif məqsədlərlə ayrılmış torpaqlar, vaxtilə verilmiş pay torpaqları ilə bağlı faktiki və sənəd uyğunsuzluqlarının aradan qaldırılması ilə əlaqədar olub. Eyni zamanda daşınmaz əmlakın qeydiyyatı, əmlaklara dair mülkiyyət hüququnun əldə edilmə qaydası, dövlət əmlakının özəlləşdirilməsi  ilə bağlı müraciətlər də ünvanlanıb.

Ardını oxu...

“Əmlakını qeydiyyata al və mülkiyyətinə sahib ol” kampaniyası bu dəfə Məmmədli kəndinin sakinləri üçün keçirilir

Əmlak Məsələləri Dövlət Komitəsi fəaliyyətində optimallıq, şəffaflıq, çeviklik kimi prinsipləri əsas tutaraq göstərilən bütün xidmətləri insan faktoruna yönəldir. Müasir texnoloji mühitin tətbiqi ilə artıq əhali xidmətlərdən elə olduqları məkandaca yararlana bilir.

“Əmlakını qeydiyyata al və mülkiyyətinə sahib ol” adlı sosial kampaniya komitə tərəfindən həyata keçirilən digər layihələr kimi vətəndaşlar tərəfindən çox böyük maraqla qarşılandı. Sosialyönümlü layihənin əsas məqsədi sakinlərə əlçatan formada, vətəndaş-məmur ünsiyyəti olmadan xidmətləri çatdırmaqdır.

Ardını oxu...

 
 
 

Sorğu

"Kadastr kalkulyatoru" xidmətindən istifadə etmisinizmi?